بنلاقيك وسط المصاعب

(بنلاقيك وسط المصاعب ... في المشاكل في المتاعب
في الضيقات ملجأ وقوة ... تدي منفذ وقت التجارب)2

القرار- (وحدك أنت كفاية لينا ... وأنت بس تملا عينينا
صخر كامل سور نار ومينا ... أنت يا ربي يسوع)2

2- (أنت راعي عظيم ونادر ... في جناحيك بنلاقي ساتر
مستحيل ييجي يوم نضيع ... وأنت إلهنا شديد وقادر)2

3- (اللي فات سلمناهولك ... واللي جاي بنديهولك
أنت أمين ما بتنسى ... وعدك تجاوب اللي بيندهولك)2
ـــــــــــــــــــــــــــــــــــــــــــ
القرار-(أنا هافرح بيك علشان انت بتكفيني
أنا هاهتف ليك علشان انت بتحميني)2

1-(مش مستني يا ربي موقف راح يفرحني
أو مستني كلام هايطمّني ويسعدني
أو مسنود على ناس تتغيّر وتجرحني
وأرجعلك من تاني علشان تشفي وتشبعني)2

2-(مش راح أنزل عيني من على شخصك وجمالك
وأتذكّر ضعفاتي وخيانتي وكسر كلامك
وياك يتجدد عهدي تغمرني بنهر سلامك
وتفيض فيَّ بروحك بشهادة لمجد جلالك)2