القرار
مالناش غيرك أنت إلهنا الحي بنترجاه
جايين ناحية قلبك بابا الكل امنحنا صلاة
رافعين قلوبنا إليك يا فاتح لنا باب الرحمة
ندخل نقبل إيديك الممدودة لنا بحياة
يا أبانا يا متكلنا من غيرك أنت يحن
ومين يجدد آمالنا لحياة في ملئ الرضا
أنت الإله اللي قلت لن يخزى منتظريك
منتظرة نفسي ورجوت بالحمد لك والدعاء
يا إلهنا حرر وحل من كل ربط الخطية
وامسك إيدين اللي ذل ولا تنساش اللي تاه
يا أبانا توبنا ليك وفيض علينا بنعمة
تخلي شوقنا إليك يليق بحب الإله
عدي وزور اللي مل أو كل تحت المرض
واشفي المطروح وكل من صدق إنك شفاه
عزي المحزون وزيد منسوب الفرح له
ده مافيش غيرك يعيد البسمة فوق الشفاه
