آن الأوان ترجعي

1-فات عليها وجه باركها وقال مبارك شعبها
وبصلاتنا كان حارسها ولدموعها سمعلها
رافعين قلوبنا للسما ساندين على وعدك لها
تملاها بركة بشعبها تحمي بلادنا وأرضها

القرار- مهما كان هتعدي بينا حتى لو وسط البحور
يا يسوع أنت السفينة تعدي بينا لبر نور
مصرنا راجعة إلينا بعد قسوة الانتظار
فجأة فجر الحر قرر الظلام يصبح نهار

2- كلنا بنصرخ تعالَ وفي قلوبنا مصدقين
بالمحبة هتيجي تجمع بين قلوب المصريين
يا رب مصر بتنهدك يا رب يلا مد إيديك
ساجدة وعايزة تسمعك ساجدة وحاطة عينها عليك

3-(يا مصر وسط المحن أوعي بقى تدمعي
وإن كان لحُبك تمن أياكي تتوجعي)2
يا عالية فوق الزمن (آن الأوان ترجعي)2 يا مصر