بلادي مشتاقة

1-(يا ربي اللي زرت بلادي
وطليت على طريق الشام
يا ريتك ترجع يــــا فادي
زور سوريـــــــــــا بهالأيام)2

القرار- بلادي مشتاقة لدعســـــــــاتك
على أرضها وشوقها ل لمساتك
لترابـــــــها لتنفخ بتــــــــــرابها
نسمة حيـــاة
ترجع وتعلّي أســـــــــــــوارها
وجودك فيها شمس نهـــــارها
والكنيسة تنشـــــــر أسرارها
تزرع حياة

2-(يا كنيسة بكفّي نوم
خلّي نورك يملأ بلاد
إجا دورك من بعد اليوم
تهدي وتردّي البعاد)2
يا كنيسة عريسك مستني
ببشارة ربّك تتغنّي
جراسك تنده مع كل رنة
قرّب يسوع
يسوع اللي مات وقام
راجع يعطيكي سلام
ويعلا اسمه بأرض الشام
بصوت مسموع
3- (يا كنيسة ع وسع الكون
علّي صوتك بالتسبيح
بعد التوبة جاي العون
وفاديكِ وحده المسيح)2
يا كنيسة عريسك مستني
ببشارة ربّك تتغنّي
جراسك تنده مع كل رنة
قرّب يسوع
يسوع اللي مات وقام
راجع يعطيكي سلام
ويعلا اسمه بأرض الشام
بصوت مسموع