1-أنا عايش في الفُلك أنا عايش .. في سفينة المسيح
أنا قلبي متطمن جدًا.. وضميري مستريح
(مهما تيجي الأهوال.. بركان ولا زلزال)2
(لو ينابيع الغمر انفجرت.. فأنا مرتاح البال)2
2-الرب غفر كل ذنوبي.. ساعة ما لجأت إليه
وكشف لي عن كل عيوبي.. وسجدت عند قدميه
(سلمني شيك الغفران.. بمحبة وكل حنان)2
(ونظر لي بعينيه الحلوة.. وقاللي امضي بسلام)2
3-أنا عايش في فُلك إلهي.. تحت الدم الثمين
في أمان وسعادة وحرية.. مع الإخوة المفديين
(عايشين دايمًا في حماه.. مين يقدر يفصلنا)2
(افرحوا يا إخوة و اتعزوا.. وأعطوا مجدًا لله)2
4-هانعيش طول العمر نصلي.. ونمجّد اسمه العظيم
ونسبح دايمًا ونرنم.. ليسوع فادينا الكريم
(ونبشّر كل الناس.. بالإنجيل والخلاص)2
(والباب مفتوح للي يدخل.. بشرى لجميع الأجناس)2
