1-خيرك ربي كتير وزيادة
غرّق عمري أمان وسعادة
ماضي سنيني وبكرة الآتي
برهان لرعايتك وشهادة
جنبي تملي كأنك ضلي
شايل فوق أكتافك حملي
أنت إلهي أبويا وخلّي
بين درعاتك ليَّ وسادة
القرار- أنت حمايتي وقرن خلاصي
نور لعيني وتاج فوق راسي
عكازك وعصاك ويايَّ
هم عزايَّ في عالم قاسي
2-أنت شهيقي ونبض فؤادي
حضنك أصبح هو بلادي
في قربك بأنسى ألمي وتعبي
ومعاك يهرب مني سُهادي
وأنت معايا ف قلب سفينتي
تضمن طول السكة سلامتي
ولو هيهيج البحر عليَّ
ترفع إيدك يرجع هادي
3-ربي يا حافظ ليَّ كياني
أنت في حربي بتبقى ضماني
تكسر رمح الخصم وتصبح
أرض النصرة هي مكاني
وبترعاني بطول الرحلة
ومعاك مُرّ الدنيا بيحلى
باهزم بيك أعدائي وبأعلى
وأقدر أشق سحاب أحزاني
