القرار - (أنا عايش في الأرض غريب والخيمة دي مش عنواني
باتحرك وأنا عارف أكيد رايح للسما أوطاني)2
1- أنا عايش في الأرض سفير خليني يا رب أكون شاهد
عن حبك في خيام الغربة و أشاور على بلدي الخالد
وأنسى اللي بيشغلني عنك وأهتم بالغرض الواحد
وأعيش في الأرض أشهد عنك أسعى و بسعيي أجاهد
2- مش هاسمح لآلامي وهمي ينسّوني رجاء الأبدية
أنات الغربة وأتعابي وحروقي في شمس البرية
ماتجيش حاجة في أمجادك ده كفاية يكون فيها جلالك
وده كله يهون لما أشوفك تمسح لي دموعي بكفوفك
3- نوَّر لي يارب عينيَّ وعيون إخواتي حواليَّ
وافتح أذهاننا وفهّمنا معنى العيشة في أراضينا
ورينا انت القصد السامي اللي عشانه اتخلقت أوانينا
وفي ملكوتك اشغلنا نسّينا خيامنا و أراضينا
4- لولا الحَمَل اللي فداني لولا خلاصُه المجاني
كان الموت يستناني والنار الأبدية مكاني
يسوع يا حبيبي يا فدائي متّ انت وخدت مكاني
وإن كنت عملت ده كله عشاني مجدك يستاهل أيامي
