مش لاقي كلام

1- مش لاقي كلام بيه أحكي لك ع اللي في قلبي من أشواق
مش عارف أعبر عن جوعي وعن عطش النفس لرؤياك
(اسمع أناتي وترجمها يا روح الله
دي عبادة وحب وتسبيحة بارفعها صلاة)2
كن أنت شفيعي يا يسوعي قدام الآب
واسترني بدمك غطِّيني وافتح لي الباب.. مش لاقي كلام
2- مش لاقي كلام بيه أشكي لك عن جرح القلب من الذات
ده أنا ياما ظلمتك وتهمتك وظلمت أولادك لأخوات
(اسمع أناتي وترجمها يا روح الله
إنت اللي بترثي لضعفاتي من غير إدانات)2
اكشف لي عيوبي واشفيني انت بلمسات
من غيرك يفهم أناتي من غير كلمات.. مش لاقي كلام
3- مش لاقي كلام بيه أوصف لك عن طلبة في قلبي لملكوتك
أنقص أنا وتزيد انت والناس بي تسمع صوتك
(اسمع أناتي وترجمها يا روح الله
دي أماني وحلم وتحقيقه ما يجيش بسواك)2
اغرس في الكرمة واسقيها وانت تنميها
مين غيرك يضمن أثماري تشبع جماهير.. مش لاقي كلام