الجيل اللي إنت اخترته (16 ترنيمة )

1- عايشين.. بالنار والحب لاسمك.. عايشين
أحـرار.. كسرت كل قيد.. أحــرار
إلهنا ملكه هايدوم.. إلهنا مش ممكن يتغير
والجيل ده اختارته.. يكون لك نــار

القرار- احنا الجيل.. اللي انت اخترته
وبروحك انت أقامته.. عشان يصنع تاريخ
دعيتنا ليك.. من قلب الضلمة
للنور والمجد واخدنا.. جيلنا عايش ليك

2- عشان انت الحياة.. كل اللي نتمناه
(جيلنا عايش ليك)2
العالم ما يساويش.. لأ ليه مش هاعيش
(أنا عايش ليك)2

1- ( أنت صالح )٢.. رغم العيب اللي ماليني
( أنت الحب )٢.. ولو اخترت أغمي عيني
( أنت النور )٢.. لما العتمة بتغطيني
( أنت أملي )٢.. وبتستر كل عيبي
( أنت سلام )٢.. لما الخوف بيكون ماليني
( أنت الحق )٢.. بتلخبط وبتهديني
( أنت فرحي )٢.. والأغنية اللي بتغنيني
الحياة أنت الحياة وبموتك لي نجاة

القرار- أنا جاي وباجري عليك أنا جاي وباجري عليك
ده حبك هايكفيني وحضنك هايدفيني
لا ما ساويش العالم بيك.. أنت الحياة وليك هاعيش

2- أنت أكتر.. أنت أكبر من اللي العالم قاله عليك
( أنت الله )٢.. وخليقتك تشهد ليك
موجود.. هنا موجود.. وحضورك حاسس بيه
( أنت إلهي )٢.. وعشانك كله باسيب
باغني ليك.. ملكي الوحيد.. يسوع.. يسوع

.. 1- محتاج لحضورك.. فيض في قلبي واملا
أنت فيك الاحتياج .. أنت ليك الأشواق .. شبعي هو فيك

القرار- أنا محتاج .. محتاج لحضورك
أنا عطشان .. عطشان لروحك

2- تعالَ بغمر جديد.. أنا عايز أعيش لمجدك
أعيش أهتف ليك .. بحياتي هاعليك.. وكل المجد يرجع ليك

3- افتح عيني عليك .. اجذبني وراك فنجري
اكشف عن قلب الآب .. عن محبة بدون أسباب .. وألف ذراع عديني

القرار- تعالَ.. تعالَ.. تعالَ لحياتي اروي أعماقي وأشواق قلبي
تعالَ.. تعالَ.. تعالَ لحياتي.. تعالَ يسوع

1- حضورك هو اللي بيغيرني.. حضورك هو اللي بيشجعني
حضورك يا يسوع
2- أنا عايز أشوفك يا يسوع.. أنا عايز ألمس قلبك يا يسوع
أنا عايز أغرق في نهر معرفتك.. في نهر حبك
3- افتح السماء وريني الأمطار.. افتح السماء وأرسل النار
افتح السماء واملا الحياة بالمجد

1- مستحق الكرامة إلهي المهوب.. يسوع.. يسوع
إله الأمانة رجاء الشعوب.. يسوع.. يسوع
اسمك قدير فادي ومشير

القرار- ندّي المجد والإكرام كل العزة والسلطان
ليسوع المسيح ابن الله

2- الإله اللي بكفه كال المياه.. يسوع.. يسوع
و بالشبر قادر يقيس السماء.. يسوع.. يسوع
خالق الأشياء.. الألف والياء
يسوع.. يسوع.. يسوع.. يسوع

3- الاسم اللي عنده هتسجد شعوب.. يسوع.. يسوع
والألسنة تشهد وهتخضع قلوب.. يسوع.. يسوع
مين يساويك ؟؟ الكل يهتف ليك!

القرار- قربني ليك.. الهب قلبي بيك
اسبي نفسي فيك.. خليني هنا على طول معاك
نادي نادي عليَّ.. امسك إيديَّ افتح عينيَّ
خليني أشوف عرشك سماك

1- خلاص مش عايز حاجة تاني.. هو ده مكاني
قدام عرشك في حضورك
خلاص مش عايز حد تاني.. هو ده أماني
ساجد مبهور بنورك
2- أشوف إله ما فيش سواه.. هو رب الحياة
كل الخليقة تعلن بهاه
أشيل المجد وأنسى الوقت.. و أدوب في الحق
كل الحياة تبقى في رضاه

١- مهما هاعدي في وقت صعب.. مهما قامت علي حرب
مهما كانت حياتي كرب.. هافضل أحبك هافضل أحبك
مهما في وقت غلبني جوع.. أو حتى هاعدي بوقوع
يفضل حبك ليَّ يسوع.. هافضل أحبك.. هافضل أحبك

القرار- بحبك يا يسوع لأنك أنت معنى الحب
تفضل أنت إلهي الصالح.. تفضل أنت أمين وأب

٢- مهما حسيت إني لوحدي والصديق حتى مش جنبي
تجي بحب وتسند ضعفي.. وهافضل أحبك.. هافضل أحبك
أنا بطلب منك تملاني بروحك اغمر كل كياني
تجي وتملا قلبي أغاني.. وهافضل أحبك.. هافضل أحبك

************************************************
القرار- أنت ربي.. بحبك ليك حياتي.. أنت ربي
هاعيش لك طول أيامي.. أنت ربي
بحبك ليك حياتي.. أنت ربي.. أنت ربي

١- مكتوب شقيت البحر وعديت شعب بالآلاف
مكتوب هديت أسوار قدام شعبك بالهتاف
مكتوب قبلت بطرس لما أنكر يوم وخاف
وأنا شايفك ع الصليب وعارف إن فيك نجاتي
٢- مكتوب شفيت الأعمى بعد سنين وسنين ظلام
مكتوب بلمسة إيدك كنت بتبرأ من الآلام
مكتوب بكلمة منك ناديت ع الميت وقام
ارفعني وطهرني فيك شبعي وليك كل احتياجي

أنت لي كلمة لا.. أنت لي رفعة رأس.. أنت لي عتق بحق
مش بس مشاعر وحماس
أنت لي كلمة لا.. أنت لي رفعة راس ..
أنت لي قلب أرق.. مش رعب عقوبة وقصاص
يا جماعة صدقوني.. دا مش كلام وخلاص!!
هاحكي لكم يلا واسمعوني.. ما تهزوش رأسكم وخلاص
كنت أعمى ورافض أشوف.. قافل بقي ورافض أدوق
أسمع صوته أسد وداني.. عقلي يفكر أقول ده جناني
أصل الكذاب ليه أسباب بيها يبعدكم عن الباب
ويقفل في وشكو الدنيا ويقلبها معاكو اكتئاب
اسمعي واسمعني أنت كمان.. ده الرب طلع كله حنان
مش وش مكشر زعلان.. ولا عمره منك كان غضبان
يلا افتح قلبك ليه الان.. ودوق يسوع الإنسان

1- نفسي أعمل اللي أنت عايزه .. من غير ما جسدي يعمل عكسه
من كل قلبي عايز أرضيك .. ألاقي نفسي أخطأت إليك
عايش في صراع طول أيامي .. بين روحي وجسدي وكل كياني
مين ينقذني؟ ومين يرحمني؟ أنا جاي ورافع صراخي إليك

القرار- أنا لي معاك حرية.. وحياة في سماك أبدية
ما فيش شكاية أو لوم علي .. دمك طهرني من كل خطية

2- ربي هارجع لك من تاني .. شايل خطية وكل أحزاني
ضعف وقيد وهم وضيق .. بجري عليك يا أقرب صديق
عارف إنك مش رافضني .. واقف مستني رجوعي لأني
ابن حبيب وجوا البيت.. دايمًا معاك أنا لي نصيب
3- ربي موتك كان بدالي .. فوق صليبك كان مكاني
قدمت نفسك علشان تفديني .. وبقيامتك من موتي تحييني
هارفع راسي لأني ابنك .. حريتي تمنها دمك
مش هاخاف لأنك معايا .. وفي كل يوم راح أهتف وأقول

1- جاي لك ربي.. بشيلة تقيلة.. وادي حياتي بدون تجميل
خدني اغسلني.. ربي اغفر لي.. مشتاق ربي للتغيير
عندك ربي.. رحمة بتشفي.. وحرية من التفشيل
جاي وأنا عارف.. إن في قلبك.. لي ما فيش أي تعيير

القرار- يسوع الغالي.. قلبي راضي.. كل أشواقه يسلم ليك
امسك إيدي.. ليك قربني.. مشتاق ربي للتغيير

2- جاي لك ربي.. باسلم قلبي.. جاي بضعفي وكلي ذنوب
رغم قساوتي.. رغم عيوبي.. عند صليب جاي أتوب
نهر سلامك.. يغمر قلبي.. يملا حياتي راحة وأمان
حبك يستر .. كل خطية .. يدي نعمة وغفران

١- عايز أكرمك عايز أرضيك.. عايز حياتي تكون ملك ليك
عايز أعيش وأنا خاضع ليك.. في كل خطواتي متكل عليك

القرار- دربني في حقك علمّني الطريق
أنا عايز أعكس مجدك وأشبع قلبك
دربني في حقك علمّني الطريق أنا مستنيك

٢- افتح ليَّ عينيَّ أعلن قلبك.. املاني بمخافتك اكشف لي سرك
احفر في قلبي من نار عهدك.. واملا كياني بفيضان حبك

هامشي وراك بالإيمان.. ده إيماني فيك مش أحلام.. لا مش كلام!
حلمك لحياتي هايكون.. وكلامك ليَّ هايدوم.. هاشوفه في يوم..

1- وعدك هاتسكب روحك على كل بشر عطشان
وعدك هاتملا الأرض بمجدك زي بحر مليان
يتنبأ البنين.. تدّي الشيوخ أحلام
وتدّي رؤيا للشباب في آخر الأيام
قَوّم جيل دانيال.. شباب لكن رجال
يختاروا يعيشوا ليك.. وعينيهم بس عليك
قَوّم جيل يختار.. لو حتى في وسط النار
يعيشوا مقدسين.. ولملكوتك عايشين

2- لما أفتكر تلاميذك ازاي جالوا في كل مكان
وباسمك فتنوا المسكونة مليانين بالإيمان
بيك صنعوا المعجزات.. عجايب وآيات
واديتهم سلطان على المرض وإقامة الأموات
قَوّم جيل يشوع.. يسلك زيك يسوع
وإن عليت الأسوار.. بإيمانهم راح تنهار
قَوّم جيل يصدق.. انك بيهم تحقق
أحلام أكبر بكتير.. جيل يصنع التغيير