فيكتور فوزي (42 ترنيمة )

١- لو تزول السموات حتى مهما الوقت فات
لكن كلمة من كلامك مش هاتبقى ذكريات
انت لينا إله أمين ثابت طول السنين
وعدت هاتيجي لبلدنا ويعرفوك المصريين

القرار - دي البلد اللي انت قُلت عليها يارب.. "مبارك شعبي"
دي البلد اللي انت جيتها ومكتوب.. منها "دعوت ابني"
دي البلد اللي بدماك وصليبك اشتريتها
مصر محتاجة حضورك اسمع لصراخها وصلاتها

٢- حوالينا أكاذيب ضلمة وخوف رهيب
أعلن يارب حقك وموتك ع الصليب
مهما العدو قال انت إله المحال
ده المقطم ليك بيشهد انت ناقل الجبال

٣- أيادينا مرفوعين بنصلّي وسهرانين
مستنيين مجيئك ده انت ف وعدك أمين
ليسوع تسجد جباه وتعترف شفاه
خلّي شعبك كله يعرف إنك أعظم إله

القرار- عايزينك يا يسوع .. عايزينك يا يسوع
طالبينك يا يسوع .. طالبينك يا يسوع

١- عايزينك تيجي بلدنا .. تيجي تملك وتسود
تيجي وتعلّي إيماننا .. تغمرنا برحمة وجود
تمحي ظلام السنين .. ترفع كل الأنين
تؤمر لينا بالبركة .. بقلوبنا ليك صارخين

٢- عايزينك تسكب روحك .. على كل العطشانين
وبجلداتك وجروحك .. تيجي تشفي المحتاجين
تيجي تدي جمال .. عوضاً عن الرماد
وتعوض عن السنين .. اللي أكلها الجراد

القرار- ( غيّرتَ حياتي.. بحب عجيب
ومعاك في سماك.. بقى ليَّ نصيب )٢

١- اخترت تيجيني.. وأنا وسط أنيني
مديت لي إيديك الحلوة.. وعينيك تسبيني
نسّيتني آلامي.. رجّعت سلامي
واديتني فرحة وبهجة.. ( ومشيت قدامي )2

٢- وبضعفي هاجيلك.. يا يسوع وآناديلك
تغسلني بقوة دمك.. يرفعني صليبك
تشفي لي جروحي.. وتبدل نوحي
بسعادة ونصرة في شخصك.. ( تنعش لي روحي )2

٣- أيامي الجاية.. في إيديك محمية
مش خايف ع المستقبل.. عشان انت راعيَّ
واثق في وعودك.. ملازمني وجودك
وحياتي انت غامرها.. ( بالخير من جودك )2

يسوع أنت كل ما أريد
فمهما تسأل حيثما تذهب أتبعك
فأنا محتاجٌ لك .. محتاجٌ لك يا الله

القرار- فأنت كل ما أريد .. أريد أن أكون قربك قربك
فحياتي معك تحلو لي .. حياتي بدونك سرابٌ سرابٌ

١- ( ضممتني إلى شعبك.. حررتني وسكنت داخلي
أسبحك يا خالقي.. أبارك اسمك الغالي )٢

٢- ( أنت تعرف ما بقلبي.. فهمتَ فكري ربي من بعيد
اختبرني وامتحنّي.. قدّسني واعطني قلباً جديد )٢

كنتِ مطروحةً بلا راعٍ أو أمان كنتِ مدوسةً بدماءٍ وهوان
كنتِ عريانةً بلا سترٍ أو غطاء وتبحثين عن سلامٍ وعزاء
فمررتُ بكِ ورأيتُكِ وإذا بزمانكِ زمن الحب
فبسطتُ ذيلي عليكِ وسترتكِ
ودخلتُ معكِ في عهدٍ فصرتِ لي
بحثتُ عنكِ كنتِ في وضعٍ رهيب ومشيتُ درباً من أجلك للصليب
وبسفك دمائي منحتك الفداء
أنتِ كنيستي أنتِ عروس السماء

القرار
من زمان اخترتني من زمان وانت عارفني
كنت مش عارف غلاوتي وانت على كفك ناقشني

١- كنت عارف إني هابعد كنت عارف إني هانكر
كنت عارف إني مش هاختارك يارب الحياة
ليه يا ربي لسه عايزني بمحبة بتجتذبني
ايه يخلي إله عظيم زيك يمشي للصليب
ويمشي للصليب
٢- أغلى أكتر في عينيَّ تبقى انت كل اللي ليَّ
خلّي حبك ليَّ يفيض في قلبي ويستر كل عيوب
أنا بارجعلك بضعفي بيأسي وكل خوفي
وأنا عارف إنك هاتقبلني وارجع ابن ليك
أنا هارجع ابن ليك

١- بحياتي زي ما هي بعيوبي وبماضيَّ
أنا جايلك بالتجأ إليك واثق إنك فاديَّ
بخوفي وبيأسي وبفشلي من نفسي
أنا عند صليبك بارتمي حرّرني من ضعفي

القرار- يا يسوع أنا عايز أعيش ليك اديني قلب جديد
قلب يعرف يحبك يعرف يحس بقلبك
يعرف يقول للإثم لأ.. ( يعرف يكون ملكك )2

٢- وبتوبة حقيقية بارجعلك م الخطية
اقبلني في حضنك من جديد واديني حياة أبدية
اغسلني وغيَّرني طهرني وبرَّرني
ده أنا تهت في بعدك وقاسيت محتاج لصوتك ليَّ

١- الأرض كانت مليانة... بالضلمة والشرور
ولا فيه هدف .. ولا معنى للحياة
والخطية شوّهت.. شكل الإنسان
مابقاش فيه رجاء .. مابقاش فيه أمان
مابقاش فيه سلام

القرار- ( وفي وسط ليل الضلمة .. جه المسيح بالنور
شايل رسالة رحمة .. وعتق للمأسور
جاي عشان ينادي .. بمحبته للناس
هو يسوع الفادي .. مانح الخلاص )٢

٢- يا رب حل بسلطانك .. شجَّع قلب الضعيف
اسكب فرح .. واملاه بالأغاني
ده اللي يؤمن إنه ليه .. بدمك غفران
هايلاقي رجاء .. هايلاقي أمان .. هايلاقي سلام

وسط عالم مليان بالضلمة والأحزان
جه وقت تحقيق وعدك اللي قلته من زمان
وفي يوم من الأيام والناس كانت نيام
للرعاة ظهروا الملايكة ونادوا بالسلام

القرار – سلام على الأرض سلام

1- فوق المذود هناك كان واقف في سماك
النجم عشان يشاور على خالق الأفلاك
لكنه طفل جميل لجماله مافيش مثيل
جه يفدي البشرية وينشر السلام
يسوع فادينا موجود في وسطينا
لو اديته اليوم حياتك ها يكون ملك فيها
هايديلك قلب جديد وتكون فعلاً سعيد
هايغيرك بحبه ويملاك سلام