جايين بأمرك (10 ترنيمة )

1- (الآب تطلع من السما شاف بنت طاهرة ع الأرض عايشة)2
(طُرقها كانت على قلبه أفكارها كانت في مخافته)2
(أمر مريم تكون أم الابن الحنون)2
ردت مريم وقالت: "أنا أمة الرب أكون"
2- (صلِّت لأجلنا من السماء إنه بحُبه يُملك علينا)2
(غفرانه يحمينا ودمه يغطينا)2
(يسكن يسوع في القلوب و تدوب في حُبه الشعوب)3

القرار- (زيك انت ما شُفتش حد أول ما ألاقي أبواب تتسد
يا أنبا أنطونيوس ترفع قلبك تنده حالاً رب المجد)2

1-(متطمن دايماً مش خايف شايف نور الله حواليك
كنت يا أنبا أنطونيوس عارف إن إلهك بيقوِّيك)2
بيشيل دمعك من ع الخد
2-(سِبتلهم الدنيا بحالها ومالها ماكنش بيغرِيك
كلمة تملّي كنت تقولها يا رب مالكش في قلبي شريك)2
ياللي مراحمك ما بتتعَد

القرار- (دايماً مني قريبة يا كنيسة يا حبيبة فيكي تطيب الجروح
نفسي أعيش عمري فيكي وأكون أنا ابن ليكي أنتِ أمي بالروح)2

1-(يا ختان لعقلي ولقلبي أنا بيكي قلبي مسبي
يجري في عروقك دمي وجرنك عليه رسمي)2
(يا شورية ومنجلية يا أيقونة و ميرون
يا أحلى ابصلمودية تتعلق بيكي كل العيون)2
2-(يا ملايكة شاروبيم وملايكة سيرافيم
على طول موجودين فيكي مرنمين)2
(يا كنيستي يا قبطية على عهدك لسة وفيِّة
بإيمانك صلبة قوية صخرة أسسها فاديَّ)2

القرار- (يا بختي يا كنيستي كلك بركة
قوة لولادك وهيبة للكهنة)2
(شفاعتك العدرا أم الإله
شفيعة وأمينة ونبع الحياة)2
يا بختي يا كنيستي كلك بركة

1-(فيكي البابا شنودة خادم أمين غيِّور
عقيدة ومحبة ثابتة من غير غرور)2
يخدم ويرشد ولاده لإله حنون وغفور
يا بختي يا كنيستي كلك بركة
2-(فيكي البابا كيرلس خادم سر الخلاص
كان بيوصل مسيحه جوة قلوب الناس)2
واحشني يا أبونا يا غالي صليلنا في الأقداس
يا بختي يا كنيستي كلك بركة
3-(وكمان زيادة في البركة فيكي أبو الرهبان
أنبا أنطونيوس شفيعنا كان زينا إنسان)2
عايش في العالم لكن ناداه صوت الديَّان
وقال له بيع مالك واتبعني

1-(ياللي بإيمانكم نولتوا إكليل الحياة
وفي كل صرخة علّيت بصوتكم طوق للنجاة)2
مع كل دمعة وكل شمعة
ملايكة نازلة بنورها لامعة تلبي النِداء

القرار- شهداء وقديسين شالوا الصليب بإيمان عجيب
مشيوا الطريق بثبات رهيب
غلبوا الشيطان بصلاة وتهليل
في عز الأنين قابلوا الجِراح بالترحيب
شكر وصلاة وسط التعذيب
علشان واثقين إنها أكاليل

2-(وأنتم في آلامكم عايشين سلامكم ويا المسيح
قوية الإرادة بقوة صلاتكم والتسابيح)2
لا تهابوا موت ولا جبروت
غالبين جسدكم فِدا الملكوت وفِدا المسيح

1- (كان نفسي ارجع من زمان اسكن في حضنك
كان شوق قلبي ألاقيك بحنان ترعاني بيدك)2

القرار- (واليوم أنا بين إيديك جيت ولقيت راحتي فيك
يا حاميني زي عينيك ومسكنّي في حضنك)2

2- (كان نفسي أكسر خوفي وحزني وحيرتي في عمري
كان كل مُنايا تخلصني من حملي وهمي)2

1- يا رب يا عالم بأوجاع البشر
يا رب يا حاسس بآلام البشر
يا رب يا شايف دموع كل البشر
مين غيرك أنت يلجأ له البشر
(جايين بأمرك نصلي لأجل كل الناس
ارفع ألم أرفع وجع ارفع هموم كسرت قلوب الناس)2
(ولما يتمكن ألم قاسي ولما يتحكم وجع قاسي)2
أنت اللي هتعزي وأنت اللي هتواسي

القرار- مين غيرك أنت في رحمتك
تقدر تساع كل البشر
تقدر بلمسة من إيديك الطيبة
تشفي جروح كل البشر
يــــا رب البشر

2- (جايين بأمرك نصلي لأجل كل الناس
حاسين بتيار الألم سارح في جسم الناس)2
(وبنلتمس عطفك)2 تمسح دموع الناس
تغسل قلوب الناس أنت اللي حاسس بالألم جوة العيون
تحت الجفون ساكن قلوب الناس
3- (انزع قساوة قايين من أرضنا وجفاه
ما يعودش يقتل أخوه ولا حتى يوم ينساه)2
املأ قلوب البشر بالرحمة والإحساس
عمَّر قلوب كل البشر بالحب والإخلاص
(صالح ما بين الناس صالح ما بين الناس)2
أنت اللي تقدر تحنن قلب ناس على ناس

1- يا حبيب قلوبنا يسوع تعالَ اعلن حضورك
أظهر وسطنا واجعل قلوبنا ماليها روحك
مشتاق لشعبك بفيض الحب و تعزياتك
(نسجد لشخصك إلهنا حافظ على ولادك)2

2- وأنت في وسطنا يا أغلى حب في القلوب
نخضع نقدم عهودنا ونرجع لك بنتوب
اقبل حياتنا هدية قليلة يا يسوع
(واغسل قلوبنا بدمك امسح الدموع)2

3- وأنت معانا نسجُد أمامك يا قدوس
ترفع حياتنا بنصرة غالية لربح نفوس
يملانا روحك وبرك لينا تاني يعود
(ونعيش حياتنا لمجدك حقق الوعود)2

4- مهما هتأمُر نقدم طاعة بين إيديك
نهديك حياتنا ذبيحة حمد أمام عينيك
كل ما نذكر دماك الغالية على الصليب
(تهتف قلوبنا لشخصك شكراً يا حبيب)2

1- (فيكي كنيستي اللي بحبها وأبونا اللي رباني
فيكي صحابي اللي شاركوني أفراحي وأحزاني)2

القرار- (زماني يشهد عليَّ إنك عندي يا بلادي غالية
يا فاديَّ احميها من الشر وخلّيها في مقامها عالية)2

2- (إذا كان ربي حبيبي يسوع قال مبارك شعبي مصر
إزاي ما أحبكيش يا بلادي وأشهد لك في كل عصر؟)2
3- (بشَّر فيكي كاروزك مارمرقس بإيمان صحيح
والمذبح في وسط أرضك باركه بنفسه المسيح)2

1-ما كانتش نفسك للشرور أبداً ذليلة
ولا للخطايا والذنوب كانت عليلة
ومهما شوفت حروب كتير أو طويلة
تنده إلهك وهو بينوَّر سماك

القرار- ومين قدر عليك في يوم ومين أذاك
مين يغلبك و ربنا راسم خُطاك
دايماً يا أنبا أنطونيوس الفادي تلاقيه
لما تناديه بتحس بيه دايماً معاك

2-وكنت ناسي لو تقاسي أو تعاني
عارف بإن الدنيا كل ما فيها فاني
وعشان كدة كان ليك وطن يا أبانا تاني
واللي يشوفك كان يقول إنك ملاك

3-كان ربنا عزيز عليك جداً وغالي
بتبات تصلي له وتسهر له الليالي
وبقيت معاه ساكن معاه فوق في الأعالي
يا فرح قلبك يا أبانا ويا هناك