رمزي بشارة (88 ترنيمة )

1- تنده عليَّ وأسكِّتك من كتر شري سكِّتك عن عيني مخفية
قربت ليَّ وبابعدك يا إلهي نار محبتك جوايا مطفية

القرار - اتصرف انت يارب فيَّ شيل الغشاوة من عينيَّ
رجَّعني ليك رجَّعني ليك
من يوم ما سيبتك فرحي سابني والهم عذبني و تعبني
والراحة فيك..الراحة فيك

2- (كترت عاداتي وشهواتي وخطايايا قلِّت اوي وقفة صلاتي وأقول كفاية)2
(هارجع وأتوب ألقى الذنوب تجري ورايا يارب صلّح لي العيوب خليك معايا)2
(هات ايديك وأمسك ايديا)2
3- (عارف حياتي م البداية للنهاية داري بتعب قلبي وشقايا والخبايا)2
مكشوفة قدامك دوايا انت وشفايا معاك في وقت الخوف حماية وبيك عزايا
(ولا حد غيرك داري بيَّ)2

1- اللي على صخرة من الإيمان بانيكِ
لم الولاد في حضنك رجع لك بنيكِ
ورجعك شلتِ بناتك فوق إيديكِ بصي بعينيكِ
الأرض بيغطيها ضلمة وانت مجد بيغطيكِ
ونور إلهك م السما أشرق عليكِ
قومي استنيري قومي استنيري نورك جه قومي استنيري
مش نور وجاي م الشمس أو جاي م القمر
ده نور إلهك نور أبدي ربك أمر

جوه الظلام هتنوري وهَتثمري و هَتكتري
القرار- مجده يُرى عليكِ يا كنيسة المسيح
ناس نوحوا هيفرحوا وبالتسبيح هَتبشري
تعالي يا كل الأمم في نورها صيري
قومي استنيري نورك جه قومي استنيري
2- زينتك إلهك والجمال دايمًا ماليكِ
وغير إلهك في الوجود أبدًا ما ليكِ
ما بيتشغلش عنك شاغل نفسه بيكِ
بصي بعينيك
حارسك ومش ممكن يضرك أي حد أو يأذيكِ
حتى الجحيم أبوابه ما تقواش عليكِ

القرار-(ماتعولش الهمّ وماتخافشي ربنا موجود
ده إلهك حي ما بينامشي ومالهوش حدود)٢

١- اتطمِّن روح لطبيب الروح ده الباب مفتوح بابه مش مسدود
وياريت تنادي له ولما تجي له الشوك هايشيله وهايبقى ورود ربنا موجود

٢- يا طوباك يا هناك طول ما هو وياك عايش جواك وعليك بيسود
خليه مسؤول عنك على طول والهمّ يزول والفرح يعود ربنا موجود

٣- لو ماسك فيه ومسلِّم ليه والعمر عليه دايماً مسنود
شرَّك يمحيه خوفك يداريه على طول تلاقيه جنبك موجود ربنا موجود

١- عالم ولازم اللي بيحبه يعاني
واللي بيشْرب منه يعطش من جديد
والراحة عندك يا يسوع ولا حد تاني
يرويني ويخليني دايماً أكون سعيد

القرار - سايب شروري وعتمتي وخطيتي
وجاي مشتاق للنهار مشتاق لشخصك
قوم ضُمني أرجوك تقرب ناحيتي
ده أنا جايلك واخد قرار إني أعيش لك

٢- يا إلهي ياللي بالمحبة تملّي بادي
ورحمتك دايمة لآخر الدهور
قدام جلالك باعترِف أنا من الساعة دي
ملكك يا ربي وضلمِتي حوّلها نور

القرار- (فيه واحد بيحبك بيخبَّط على قلبك
خليه يملك عمرك وأفتح قلبك ليه
كلمّه تلقاه سامعَك حاسس بيك و بضعفك
هو الخالق ربك شايلك جوه عينيه)2

1-(يفرح لو تنادي له لو تقرا إنجيله
من قلبك صلي له وأرمي الحمل عليه
لو حسيت بالوحدة وتألمت بشدة
ربك صوته بينده روح اتعرف بيه)2
2-(ربنا وعده أكيد لو يبقى لك سيد
يديك عُمر جديد و الشر هَايمحيه
ليه تايه متغرب؟ ليه من حبه بتهرب؟
ليه من الدنيا بتشرب؟ شبعك موجود فيه)2
3-(تحتار ليه وتستغرب؟ حاول بس وجرب
روح للفادي وقرَّب جرحك راح يشفيه
روح أوصف له ظروفك عجزك وسنين خوفك
جوه الضَلمة يشوفك ويشيلك بإيديه)2

1- وقعت سنابلى من عيدانى اتفرطت أرضى المسقية بدموعى اتشققت
2- انا كلى ليك يا إلهى ياللى خلقتنى مهما اتناسيت تهتم بيَّ و تعتنى
3- قلبى اللى مات فصلت له مليون كفن و العمر فات فى حزن يوم و يوم ألم
القرار - لو حزننا لو همنا كرمش وشوشنا لو السلام لو الأمان طار من عشوشنا
باتوه كتير ألقاك إليك رجعتنى بأجوع كتير بمحبتك شبعتنى
نلقى السعادة كلها وياه إلهنا مع الإله اللي على كفيه ناقشنا
وبرحمتك وردة حياتى فتحت ياللى معاك كل الآماني اتحققت
يا إلهى ياللى صنعتنى من العدم احيينى تانى و ابنى كل اللى اتهدم

1- واطمن روح لطبيب الروح دا الباب مفتوح بابه مش مسدود
2- يا سلام ياهناك طول ماهو وياك عايـش جواك و عليك بيسـود
3- لـو ماسـك فيه ومســـلم ليه عمرك وعليه على طـول مسنود
القرار - ماتعولش الهم وماتخافشي ربنا موجود
دا إلهك حي مابينمشي ومالهش حدود
شـرك يمحيه عمـرك يبنيـــه حـــــالاً تلاقيه مابقاش مهـدود .. ربنا موجـود
لو كان مسئول عنك على طـول الهم يزول و الفرح يعود .. ربنا موجـود
و يا ريت تناديله ولما تجيله الشوك هايشيله وهايبقى ورود .. ربنا موجـود

1- مش هننزل عينينا عن شخصك يا رحوم غير لو رضيت تقوم
وتترأف علينا وتشيل عنا الهموم تمسح دمع العيون

القرار - مرفوعة ليك عيوننا زي عيون العبيد وإنت يا إلهنا سيد وخليتنا ولادك
بمحبة بتعاملنا يا إلهنا يا مجيد وخلاصك مش بعيد يا قريب من ولادك

2- وكتير إحنا قاسينا وشبعنا من الهوان لكن آن الأوان
نلجألك يا فادينا وتدوقنا الحنان تملانا بالأمان

1- طول الوقت بخير ما باخافشي من الليل القاسي الغدار
ولا من سهم يطير ولا من ضيق ولا ويل في وسط النهار
ده إلهي ينقذني حتى من فخ الصياد
ولا أوبئة تقدر تهلكني ده إلهي شافي الأمراض

القرار - ده وعوده ثابتة وأمينة طول السنة بيبص علينا
زي النسر ما يحمي ولاده تحت جناحه بيخبينا
طول الوقت بخير

2- هو مراحمه كتير عامله زي السيل نازلة باستمرار
هو مالوهشي نظير هو مالوهشي مثيل ده حاميني بأسوار
هو موصي ملايكة عليَّ أنا عندي خدام من نار
طول السكة بيعتنوا بيَّ رجلي ما تخبطشي في أحجار

1- عنده أمل فيَّ وبيتأّنى ويطول باله عليَّ
محبته ليَّ هي اللي جابتني ليه
عنده أمل فيَّ وف قلبي قساوة وف قلبه حنية
مافيش مثاله في عطفة والحب اللي فيه

القرار- (اللي بتعمله ده كتير يا يسوع يا حبيبي مالكش نظير
بتقابل شرِّي بالخير
اللي بتعمله ده كتير قلبك دايماً طيب وكبير
وبترحم ضعفي يا قدير)2

2- الحب ده كله ها ألاقيه فين غير عندك
قلبي انت حياته إنت اللي باقول له أنا عمري كله ليك
أنا قلبي فاضل له حبة وهاينطق اسمه مع دقاته
و مش هافرَّط فيك ما صدقت ألاقيك