رجعلي الضحكة (10 ترنيمة )

1- (أوقات كتير من غير تفكير باجري وراء خطتي
ويوم بعد يوم شروري تزيد وتضيع كمان أبديتي)2
القرار- (أنا جاي وباعلن ضعفي قدام جلالك وأنحني
فك قيودي نور غيومي ومن طريقي رُدني)2
قويني بيك واسندني ربي في محنتي
صلّح عيوبي واغفر لي أنت خطيتي
2- (أوقات كتير يغيب الضميروأنساك بأمر شهوتي
وافضل على حالي مافيش تغييروأخسر كرامتي بذلتي)2

1- (لما باكون وسط الأمواج أصرخ وأبكي تمد لي إيدك
دايماً أقرب لما أحتاج بعد ما أخد أجري وأسيبك)2
وأنسى آلامك و أنسى جراحك وأنسى الحربة ويا صليبك
وأرجع تاني وأقسى عليك رغم إنك بتمد لي إيدك
وسط تجاربي بالاقيك جنبي علمني أتمسك بيك
2- (ليه مش قادر لحظة أحبك لشخصك انت مش عطاياك؟
تبقى حبيبي وكل ما ليَّ خطوة بخطوة أمشي معاك)2
تمسك إيدي تلمس قلبي وترجعني أعيش وياك
وأرجع تاني أتمسِّك بيك وألقى كل كفايتي لديك
وسط طريقي تبقى صديقي بحب تقَّرب نفسي إليك

1- لوِّن لي حياتي وخططها وارسملي معالم خطتها
والخطوة الصح اللي بديتها عايزك تيجي تكملهالي
على وعدك يا رب باجيلك لو هَمّي تاعبني وأحكيلك
و أرفعلك إيدي وأصليلك تسمعني و بتمحي أحزاني

القرار- (أنا جايلك من بعد غياب مش ناوي أسيبك من تاني
اقبلني وافتحلي الباب جاي ورامي عليك أحمالي)2

2- رجعلي الضحكة اللي نسيتها دِلني ع الفرحة وسكتها
وأحلامي اللي في بالي بنيتها ببركتك هاتحققهالي
امحيلي همومي ومشاكلها و بإيمان أيوب شكلّها
حَليلي الُمر اللي شاغلها أنا عاوزك دايماَ قدامي

1-)عايز أختبرك حبيبي بفعلي مش بالكلام
وأسمع صوتك حقيقي تدي لقلبي السلام)2

القرار- (في حياة البُعد عنك أنا عمري مايساويش
لكن في قربي منك أقدر ربي أعيش)2

2-)اسمع طبيبي واشفي كل جراحي وآهاتي
روحك يا رب تدي قوة ومعنى لحياتي)2

3-ادخل يا رب قلبي واملك فيه للأبد
وقت ضعفي وخوفي تكون ليَّ السند

1- (دايمًا يجيني في مرضي يداويني وبدون حساب
لو يوم بكيت وليه اشتكيت يفتح لي بين أسواره باب)2
أسأل يرد وبألف رد ألاقيني راجع بالجواب

القرار- (عندي إله زيه مافيش ومعاه أنا مكمل باعيش
ولا بانحنيش لو فقري زاد أو همي زاد مايهمنيش)2
قلبه معايا سامع ندايَّرعد ومطر مايهزنيش

2- (في البرد غطى وبيه قلبي خطى كل الحدود
دبر لي حالي وسَكنّي عالي وعيّشني أنا فوق الوجود)2
ييجي في معاده ينقذ عباده من شر أفواه الأسود

3- (كل اللي خاف وسط الجفاف فِضل يعاني
و اللي ناداه قوام لقاه سامع نِداه جاي في ثواني)2
شبِّع ألوف عدّل ظروف فرحوا معاه ملايين كحالي

1-ربي حبيبي جاني وأنا جوه قبري نايم
لما صوته ناداني لقيتني بسرعة قايم
رجع نبضي اللي راح ليَّ داوى الجراح
وغير شكل النواح وأتحول فرح دايم
القرار- (أنا حاسس جوه مني فيه ليك مليون جميل
ليه جيت علشان تعيني برغم شأني القليل)2
2- كنت في ضلمة وسواد وحمل كبير فوقيَّ
وبكلمة جسدي عاد ورديت لي روحي فيَّ
بلهفة يا رب جيتني ومن وسط الموت حييتني
وبحب أنت رويتني وفتحت لي عيني
3-لعازر مين يكون علشان تبكي عليه
ليه تسدد له الديون وذنبك أنت إيه ؟
ليه تبكي دموع عشاني و ترجعنّي لمكاني
بعد ما كنت بعاني فرحت قلبي ليه

1- (لما تضيق بيك الدنيا وتلقى الحزن بيملا عينيك
ومافيش حد واقف جنبك والكل يهرب من حواليك)2

القرار- (قوله يا ربي انت لوحدك شايف سامع حاسس بيَّ
أصل أنا منك صُنع إيديك ومافيش حاجة تقوى عليك)2

2- (وقت ما همك يكبر أكتر مهما عليك الحمل يزيد
وبقيت ماشي كده متلخبط والموج ياخدك كدة ويجيب)2

(اعمل بس أنت اللي عليك وارمي الحمل الباقي عليه
قول له الجاي ده ملك أيديك اجري بسرعة امسك ف أيديه)2
اوعى تقول قلقان من بكره خايف ألاقي نفسي في حفرة
(واللي حسبته ليَّ ف فترة جايز أكون غلطان أنا فيه)2
(انسَ الماضي بكل ما فيه خلي البسمة تبان ف عينيك
وإن ضاع شيء كان نفسك فيه لسه أمل كتير حواليك)2
ماتقولش إنك مجروح وأقرب ناس منك بتروح
(للي يقدر حبك روح خبط بابه يرحب بيك)2
(اصبر مهما كنت في أزمة ليها وقت ومش هتطول
اللي خلقنّا هيخلق فرحة تدوم العمر معانا على طول)2
لو حاسس إنك مخنوق سيبك من أحزانك فوق
(جرب حضن يسوع هتروق و كل هموم في عينيك هاتزول)2

1- ماشي بادور على عنوان عنوان حب وخير وأمان
عنوان نور في الضلمة يبان واللي لقيته جحود إنسان
إنسان يقسى على ظروف غيره وإنسان برخيص ينسى ضميره
وإنسان دايمًا ينكر خيره ونقول العيب ع الأيام
إنسان طمع الدنيا ده فيه وإنسان بيبيع أغلى ما ليه
إنسان دمعته صعبة عليه وقلوب عاشت علىالأوهام
القرار- ماتزعلش مني لو يوم قسيت على البشر
ماتزعلش مني لو شيء جميل فيَّأنكسر
ماتزعلش مني يا ربي لو قلبي كان زي الحجر
2-إنسان دنيته غدرت بيه والخير مش قادر يلاقيه
ودموع نازلة مالية عينيه ليه الناس بتقسى عليه
بنصلي نلاقي الإخلاص والخير يملا قلوب الناس
والصدق يكون في الإحساس والحب يكون ساكن فينّا
خلّي الخير جوانا يزيد و اخلق فينّا قلب جديد
ندعي تشفي كل مريض والمسكين أنت تكفيه

1- (مش مستاهلة تزعل حد صاحبك جارك حتى أخوك
دي الدنيا ما بتدومش لحد واللي معاك ممكن يعادوك)2
(مش مستاهلة خناق في البيت ويا مراتك أو مع أهلك
اوعى تكون جاز أو كبريت انت لوحدك بس هاتهلك)2
2- (مش مستاهلة تتعب راسك بإدمان يفقر ما بيغنيش
وفر مالك لأقرب ناسك احفظ جسمك خليه يعيش)2
(مش مستاهلة تعرف واحدة توعدها إنك مخلص ليها
تطلع بس مجرد شهوة أتاريك كنت بتلعب بيها)2
3- مش مستاهلة تضيّع نفسك علشان تجمع ثروة ومال
اهرب من كل شيطان حابسك كل الدنيا آخرها زوال
مش مستاهلة تضيّع نفسك علشان تجمع ثروة ومال
اهرب من كل شيطان حابسك الدنيا دي مش تجميع مال
(مش مستاهلة ومش مستاهلة دي الدنيا مجرد لحظات
خلّي حياتك حلوة وسهلة تبعد عنك كل ضيقات)2