جرجس ألفي (10 ترنيمة )

القرار- (يا قلوب فرحانة وبتغني للرب يسوع
فرحانة بتهتف وترنم بصليب مرفوع)2
(عايشة في أمان مع الحنّان)2
(لا مرض ولا خوف ولا جوع)2

1-(اشبعنا يا سيد من جودك وعينينا بتنظر لوعودك)2
(تغني حياتنا بمراحمك تغمر أيامنا بحضورك)2
2-(اشرق شمس البر علينا نورك يكفينا يا فادينا)2
(ونشوف حقك مالي بلدنا إعلان حبك في أراضينا)2
3-(مصر في إيديك يا مالكها ولا يمكن أبدًا هاتسيبها)2
(ملوك الأرض ما تغيّر خطة أنت يا رب اللي راسمها)2

1-(كنت أسير في قيود العالم من سجن لسجن أنا محتار
عايز أخرج من يأسي وضعفي وأرجع ليك من وسط النار)2

القرار- عايز أقول لك إني باحبك عمري الجاي ده بين إيديك
مش ندمان على لحظة فاتتني (هاتعوَّضني يا أغلى مَليك)2

2-(قلبي ارتاح يوم ما لقيتك يوم ما ناديتني يوم ما عرفتك
ضلمة قلبي عرفت نورك لما مسكت إيديك وقابلتك)2
3- (عايز أكلم كل الناس وأشهد عن إحسانك ليَّ
شوفوا يا ناس ده اداني خلاص! وضمن ليَّ حياة أبدية)2

القرار- لمسة إيديك اللي تعزي واللي تعدي بي الأزمات
نفس الإيدين بتشفي واللي بتحمي كل الأوقات

1-(أنا شفت إيديك في وقت الصعبلما السهم جرح لي القلب
في وقت بكايا بكى معايا دمعته فيها حنينالحب)2
ولا يمكن أخاف ولا أبص ورايا ده إلهي ساكن في القلب
2-(ومهما دموعي تسيل على خدي وقت الصعب معاه هايعدي
ولا يمكن ينساني ده ربي حافظ عهده مدى الأيام)2
وأنا فيه مطمن وهو يطمن يملا حياتي أفراح وسلام

1-(عايز أعلن عن فرحة في قلبي مالية كياني وكل ما فيَّ
نعمة سيدي لمست قلبي بعد ما كنت أسير عبودية)2

القرار- قومي يا نفسي انهضي قومي
وارفعي راسك بفخر لفوق
ده حبيبك محا كل ذنوبك
(و ندهلك بمحبة وشوق)2

2-(عايز أعلن عن نصرة في قلبي زي النسر بيها أطير
ده مسيحي بيفرَّح قلبي بعد ما كنت عبد أسير)2
3-(عايز أعلن عن حقي في قلبي خلاني مش ممكن أخاف
طعم النصرة عرفته يا ربي وترد المسلوب أضعاف)2

1-(عمر عِشته قبل منك تايه في دروب الحياة
ريشة طايرة في الهوا مش عارف ليَّ اتجاه)2

القرار- (رد لي بهجة خلاصك خليني أعرف سكتك
روحي ترجع ليَّ تاني و اختبر محبتك)2
و اختبر محبتك

2-(عمر عِشته قبل منك مش عارف ليَّ طريق
ابتسامتي ضايعة مني وعايش من غير صديق)2
3-(عمر عِشته قبل منك أسير قيود حطمتني
عيني تبكي وقلبي ينزف والخطية دمرتني)2

1-(جاني يسوع خبط ع الباب قمت فتحت للرب الباب)2
( نساني سنين العذاب)2(ده إلهي وهاتمسك بيه)2

القرار- المجد اللي أنا عايش فيه إزاي أوصفه وأحكيه
ولا يمكن كنت أحلم بيه ولا بالحب اللي بيعطيه

2-(أصبح أبويا وصرت أنا ليه جوةفي قلبي راح أخبيه)2
3-(مهما أوصف مش راح أوفيه)2(قلبي وروحي وعمري أنا ليه)2
4-(حول ربي الضلمة لنور بعد ما كنت في ساقية بادور)2
(أطلقني زي العصفور)2(حتى إيديَّ ماسكة إيديه)2

1-(بارفع راسي لفوق لساكن السما
قلبي مليان بشوق مجد وفرحة وغِنى)2

القرار- (انت راعي وصالح العادل و الأمين
قلبك يغفر يسامح ينادي المأسورين)2

2-(عند رجليك اتعلم يا سيد الأكوان
وعلى لساني تتكلم يا صانع الإنسان)2
3- (عند صليبك باشوف يسوع فادي الخطاة
ينزع من قلبي خوف و يمنحني الحياة)2

1-(إزاي هايجيني نوم وأنا في بحر الهموم
غرقان مش شايف شطي وإزاي هاقدر أعوم)2

القرار- (لكن شايفك ع المية في إيديك طوق النجاة
عايز تجذبني ليك تمنحني معاك حياة)2

2-(وإزاي سفينتي توصل حتى لبر الأمان
محتارة أجدف ولا أستسلم للأحزان)2
3-(وإزاي يارب هاقدر أنسى ماضيَّ اللي فات
وسفينتني خلاص بتغرق وحياتي يا دوب ساعات)2
4-(لحظة ما شُفت نفسي غرقان في بحر الموت
شفت نهايتي بعيني وصرخت بأعلى صوت)2

القرار- (بارسم بريشة الحب وطن أعيش أنا فيه
وأقول لكل الشعب الصعب هانعديه)2

1-(احفظ وطننا يارب م الشر والإرهاب
وعدي بينا الصعب وافتح لنا الأبواب)2
2-(احمي حدودنا يارب واملانا خير وأمان
واشفي جراح القلب أنت إله حنّان)2
3-(بارك بلادي يارب وشُق ليها طريق
وفي السلام والحرب تعدي زمن الضيق)2

1-)عايز أختبرك حبيبي بفعلي مش بالكلام
وأسمع صوتك حقيقي تدي لقلبي السلام)2

القرار- (في حياة البُعد عنك أنا عمري مايساويش
لكن في قربي منك أقدر ربي أعيش)2

2-)اسمع طبيبي واشفي كل جراحي وآهاتي
روحك يا رب تدي قوة ومعنى لحياتي)2

3-ادخل يا رب قلبي واملك فيه للأبد
وقت ضعفي وخوفي تكون ليَّ السند