اقدم لك سجودي (10 ترنيمة )

1- لا بنتهي ولا بتنتهي عند الآلامات قصتي
وإن كَتمت عتمتي على حيرتي حتماً تختمها بفرحتي

القرار- أمتلي تسليم لمشورتك وف تدبيرك بالتقي راحتي
وأتعزى وتسندني أمانتك وتثبتني تتم مسيرتي

2- وأتلملم تاني وتجبرني وأتغير في المختبرات
وآهات بتعدي وتتحول على شفتي وتطرح غنوات
3 - أتاريني في غيبتي عن بيتك كنت بتحملني لسنوات
شيلتني وبعدتني عن شيلتي وحمّلت حياتي ببركات
4- ترعاني في غربتي وتقود خطواتي حتى النهايات
وإن تقلت ضيقتي بشدتها تنشئ تمجيد الأبديات
5- تبتدي تتلألأ كلمات في كتابك تحييني بصوتك
واتلفح تاني بنغمات تملكني أتملّى ف ملكوتك
6 - الشتا أهو فات وبتلفت ألتقي مركبتي أهي جت رسيت
والنباتات اللي تلفت أهي رجعت تاني وابتسمت
7- باختار بإرادتي و بمشيئتي أتقبل هبة الآلامات
واتجرد واتصلب إن طلبت مشيئاتك كما في السماوات

القرار- (أنا عليَّ حراسة إلهية جيش الله اللي بيعتني بيَّ
هو إلهي وهو راعيَّ وهو معايا يبقي مين عليَّ!)2

1- (مهما إبليس بجنوده حاصرني أو بسهام الشر تعبني)2
أنا عارف إني معايا يسوع اللي حاميني هو يسوع
الجالس على العرش وهو الملك
2- (عايش وسيف الروح في يدي بحق إلهي مُمنطِق ذهني)2
منقوش اسمي في كف يسوع وضمان نَصري ربي يسوع
الجالس على العرش وهو الملك
3- (اسمه برج حصين وأنا ساكنه وهو الهدف اللي أنا عايش له)2
نصرتي دايماً باسم يسوع اللي فداني هو يسوع
الجالس على العرش وهو الملك
4- (علشانه هافضل أكمِّل سعيي وأنده إن يسوع المُحيي)2
ومافيش غيره بيدِّي حياة الحي العالي ابن الله
الجالس على العرش وهو الملك

1- (جِه العدو يشككني في وعد الله
لكن سلام ربي شهد لي أنا خدت حياة)2
حياة جديدة وهبها لي بحبيبي يسوع
من يوم ما جيت له وناديت له وبكل خشوع
(كل ذنوبي غفرها آثامي وعيوبي سترها)2
(تم الغفران وبقيت فرحان)2 بعد الإيمان

القرار- شكراً شكراً ليسوع
حمداً حمداً ليسوع
مجداً مجداً ليسوع

2- (في لحظة جيت لحبيبي أعطاني حياة
من يومها أخدته نصيبي و بقيت معاه)2
دبَّر أموري وضمن لي أن أحيا سعيد
كل حاجاتي يقضيها ده وعده أكيد
(كسر قيودي وحررني وبدمه الغالي طهرني)2
(نلت الأفراح وبقيت مرتاح)2 ولا فيش أحزان
3- (أنا صرت فيه ابن مُحبب ووارث أمجاد
وقال لي روح بشَّر واخدم دي الخدمة جهاد)2
تاجر يا ابني بوزناتك وكُن أمين
اخدم و زوِّد خدماتك ده الأجر ثمين
(قال لي أتعابك محسوبة في سجل الخدمة ومكتوبة)2
(هاتاخدها قريب من الحبيب)2 أكاليل وتيجان

القرار- (بدل قلبي الحجر وادِّيني قلب لحم
قلب جديد ياربي تكتب انت فيه
بدل قلبي الحجر وادِّيني قلب لحم
قلب يعيش يحبك وتسكن انت فيه)2

1- (بعمل روحك غيَّر كل الداخل ليك
غيَّر فكري وقلبي وعلمني أعيش أرضيك)2
(خليني أعلن عنك وعن الحياة اللي فيك)2
بعمل روحك غيَّر كل الداخل ليك
2- (مد إيديك لحياتي احيي قلبي المكسور
وارحم ضعف حالي عمَّر حياتي البور)2
(جاي بإيماني ألمس حُبك ربي الغفور)2
مد إيديك لحياتي احيي قلبي المكسور
3- (جايلك حاسس بعطشي ارويني من الينبوع
جايلك وباعلن عجزي مد لي إيديك يا يسوع)2
(دي حياتي بعيد عنك كلها جوع في جوع)2
جايلك حاسس بعطشي ارويني من الينبوع
4- (ياللي أتقابل معاك الأعمى اديته عيون
ربي انا باستناك عارفك إله حنون)2
(انت ربي الحي وانت رب الكون)2
ياللي أتقابل معاك الأعمى اديته عيون

القرار- (اصلح السراج نوَّرني من تاني
علشان أكون منارة للجميع
ده أنا هيكلك قدِّسني من تاني
علشان أعلن نورك للجميع)2

1- (خليني أعزل شري وأي ظلام في حياتي
وبإيدك قوِّمني رد بهجة خلاصي)2
(نقي ليَّ قلبي وارفعني فوق ضعفي)2
واصلح السراج نوَّرني من تاني
2- (جاي بروح منكسرة ونفسي هي ذبيحتي
اعضدني بروح منتدبة سرور وفرح اسمعني)2
(ارحمني يا الله، امنح قلبي حياة)2
واصلح السراج نوَّرني من تاني
3- (اغسلني من إثمي طهرني من خطايايَ
يارب لا تطرحني عليك كل رجايَ)2
(قوِّم انت طرقي وخلصني يا ربي)2
واصلح السراج نوَّرني من تاني

1-(ياللي حولت المرارة اللي في حياتي لترنيمات
حتى ضعفي و جهل قلبي مامنعش الإحسانات)2
كل ثانية في عمري عدت لو هاتحكي تقول كتير
كل نبضة في قلبي غنت بافتكرلك كل خير

القرار- (بافتكرلك بافتكرلك)2 بافتكرلك كل خير

2-(إحساناتك تاج وطوق على راسي وعلى قلبي
وجوهر التاج اللي فوق ده كله موت الصلب ربي)2
(ده اللي خلاني اجي ساجد وأحني راسي وأقول صغير
في الصليب أنا صرت واجد في المسيح نعم النصير)2
3-(لولا مسكة إيدك انت كنت أضيع ويا اللي ضاع
أنا مش أفضل من اللي خان وأنكر واللي باع)2
(قلبي مديون لك يا غالي عمري كله هاعيش أسير
نعمتك رأفت بحالي وراح تكمل يا قدير)2

1- (شكراً دعيتني لعُرسك وأنا إنسان حقير
ألبستني رداء برك وادِّيتني بدمك تبرير)2
نعمتك أفتقدتني وأنا خاطيآثيم
مُت انت من أجلي فديتني بدم كريم

القرار- جملني يارب بالقداسة وجوه عُرسك اقبلني
جايلك وتارك النجاسة خارج الباب ياللي دعيتني

2- (ده أنا ياما رفضتك وحودت وداني بعيد
ياما رفضت رسالتك ورفضت إني أبقى سعيد)2
عمرك ما ملِّيت مني وندهت كمان وكمان
وصرخت ارجع يا ابني ده انت في عهد الإحسان
3- (شكراً على حُبك ليا ياللي فتحت الباب
أفضالك كتير عليا ده أنا أستاهل العذاب)2
مديون لك بحياتي وحياتي أعيشها ليك
حررتني وأنا خاطي وجعلتني أبشر بيك
4- (فرحني نور انجيلك وعوضني عن اللي فات
وبقيت ابنك حبيبك باقدم لك الترنيمات)2
وفِداك رجعني تاني إني يكونلي شركة معاك
وروحك جدد كياني علمني أعيش وأنا في رضاك

1- (جايلك أحمل الصليب اقبلني ياربي الحبيب)2
(جايلك وبكل قلبي أقبل حِمل الصليب)2

القرار- جايلك يا يسوع قابل نيرك اقبلني عايز أتوب
جايلك يا يسوع قابل إيدك اشفيني يا مصلوب
وباصرخ بدموعي اقبل رجوعي يا مصلوب

2- (راجع أقول لك املك فيَّ املا قلبي واملا عينيَّ)2
(راجع مشتاق لحضنك قدِّس أيامي الجاية)2
3- (البعد عنك ده مرار خلّاني أعيش ليل ماله نهار)2
(راجع وباعلن عجزي اسندني انت يا بار)2
4- (اخطأت إليك ربي ارحمني لو كأجير عندك اقبلني)2
(احييني من بعد موتي وحياة جديدة اوهبني)2

القرار- (في لحظة تبدِّل الأحوال
ولا شيء يعسر عليك
قدامك تدوب الجبال
يا يسوع المجد ليك)2

1- شقيت البحر قصاد شعبك
في الصحراء جعلت المية أنهار
دايماً بتكون في وسط شعبك
وبتهدم قدامنا الأسوار
2- ادِّيت تسبيح وقت الآلام
واحنا الضِعاف صرنا أشداء
ماشي معانا كل الأيام
بتقوِّينا وتمنحنا حياة
3- صنعت عجائب وقوات
ومنعت الموت عنّا بدمك
وأمرت لشعبك بالبركات
قبلتنا ومنحتنا برِّك
4- اسامينا أتكتبت في سفرك
بعد ما كُنّا هالكين
رفعت الموت عنّا بصلبك
وبدمك بقينا مقدسين

1- (أمور كتير تعبت عيني لما نظرت ع الأشرار
وسألت فين انت ياربي؟ ووقفت يا إلهي محتار)2

القرار- لما دخلْت إلى الأقداس انتبهت لآخرتهم
أسقطهم إلى البوار في مزالق جعلتهم
كحُلمٍ عند التيقظ يارب عند التيقظ تحتقر خيالهم

2- (لبسوا كثوبٍ ظلمهم تجاوزوا تصورات القلب
في السماء جعلوا أفواههم وألسنتهم تمشي في الأرض)2
3- (ليس في موتهم شدائد ليسوا في تعب الناس
الشرير العاصي الفاسد ليه عايش أحسن من الناس؟)2