جه العدو يشككني

1- (جِه العدو يشككني في وعد الله
لكن سلام ربي شهد لي أنا خدت حياة)2
حياة جديدة وهبها لي بحبيبي يسوع
من يوم ما جيت له وناديت له وبكل خشوع
(كل ذنوبي غفرها آثامي وعيوبي سترها)2
(تم الغفران وبقيت فرحان)2 بعد الإيمان

القرار- شكراً شكراً ليسوع
حمداً حمداً ليسوع
مجداً مجداً ليسوع

2- (في لحظة جيت لحبيبي أعطاني حياة
من يومها أخدته نصيبي و بقيت معاه)2
دبَّر أموري وضمن لي أن أحيا سعيد
كل حاجاتي يقضيها ده وعده أكيد
(كسر قيودي وحررني وبدمه الغالي طهرني)2
(نلت الأفراح وبقيت مرتاح)2 ولا فيش أحزان
3- (أنا صرت فيه ابن مُحبب ووارث أمجاد
وقال لي روح بشَّر واخدم دي الخدمة جهاد)2
تاجر يا ابني بوزناتك وكُن أمين
اخدم و زوِّد خدماتك ده الأجر ثمين
(قال لي أتعابك محسوبة في سجل الخدمة ومكتوبة)2
(هاتاخدها قريب من الحبيب)2 أكاليل وتيجان