سكيب الروح (12 ترنيمة )

1- (خذني في حضنك ربي احتاجك
فقلبي يشتاق لرؤياك
ارفعني من سقطتي اسمعني ها صرختي
اجذبني فأجري وراك)2

القرار - (أسكب بروحك عليَّ أنهار مياه حيَّه
أنظر لي بعينيك فعيناك لهيب نار
اجعلني كخاتَمٍ على قلبِك حاصرني يا ربي بحبِّك
اهدم بيني وبينك كل الأسوار)2

2- (أروني بغمرك لذذني بقربك
ادخلني للعمق معاك
اشفني من ضعفي قوِّني
في خوفي احمِني في ستر يداك)2

القرار - (افتح كوى السموات و فيض علينا من روحك
يتزعزع المكان يهرب إبليس من صوتك
رافعين الأيادي ومصدقين في الوعد
تصنع آيات و عجائب دي أمورك ملهاش حد)2

1- (في زماننا المسحة تزيد اختبارات
زيت جديد رؤية وإعلان باسمك في كل مكان
حاصرنا بمجد حضورك فجَّر جوانا نورك
بقوة وبسلطان أرسل الروح فيضان)2
2- (اسكب نارك علينا تلمع يا يسوع في عنينا
مجدك يتشاف وسطينا أملا الكل الآن
يفضل إبليس جعان يفضل هو العطشان
ونفسه مشتهيه ويحلم إنه شبعان)2

1-قالولي عليه بيسامح وقالولي عليه قلبه كبير
قالوا بينسى كلامي الجارح من غير لوم ولا تفكير
لقيت قلبي يايبني ورايح ناحية قلبه ومشتاق ليه
(وفي ليله من الليالي لفيت نوره جالي
بدلي كل حالي دُقت بجد الأمان
بنظره عينه جابني شال عني اللي تاعبني
وقالي إنه حاببني وشاريني من زمان)2
2-ربي مش بس بيسامح ده بيسكب سكيب الروح
هو غفرلي خطايا أمبارح وروحه معايا منين مابروح
ولأنه بيعمل لي الصالح سايب ترتيب بكره ليه
اللي غفرلي خطايا أمبارح أنا برمي كل حمولي عليه
(أنا خوفي في لحظة سابني من يوم ما بإيده شالني
في ساعتها حبه أسرني عوضوني عن اللي راح
مديله سنيني الجاية ولا أضيع فيها ثانية
وكمان هاخدمه بعينيَّ ده اللي في حضنه بارتاح)2

القرار - (ربي اداني سلطان وأنا هاستخدمه .. عدوي مهما كان باسمه هاهزمه)2
(هو بيحمي نفسي من خوفي ويأسي)2
والمستحيل أنا بيه هاعمله .. أنا بيه هاعمله

1- (أنا واقف وسط النار وأقدر أهدم الأسوار)2
ولو قالوا عليَّ صغيَّر.. (أنا داود قدام جبار)2
2- (أنا مؤمن بقوة صلاتي بالسجود وتسليم حياتي)2
تتربط كل خطية.. (هللويا قوة في ضعفاتي)2
3- (أنا بروحه القدوس ع الشيطان أنا هاعرف أدوس
و أكلم كل الناس عنه.. (و تآمن آلاف النفوس)2

1- (بص لي وحن عليَّ وأنا واقفه هناك وحديَّ
شافني وأنا باملا الميه و أنا عند البير
جايلي مادد لي إيديه وطالب مني أسقيه
مانساش نظرة عينيه مافيهاش تعيير)2

القرار - هو كساني بمجده وقلبي راح عنده
دي الميَّه من يده خلتني طايره لفوق
أحياني من موتي فجأة طلع صوتي
مع إنه جوايا بس كان مخنوق

2- (كان عارف اللي فات ماضيَّ والذكريات
قالي اعتبريه مات انتِ حد جديد
وخلاص مش هاعطش تاني ده يسوع بروحه ملاني
ومسك إيدي و عدّاني وده يوم ميلادي وعيد)2

القرار - قوم رنم وأرفع صوتك ده أنت ابن الملك
قوم خليه يفك قيودك يسود ويمتلك
تتملي بالروح القدس وتعلي الهتاف
(قوم ده أنت مكانك عَالي ومتشال على الأكتاف)2
1- (أنهار مياه هاتفيض باسمه وهاتروي العطشان
والرب هايمسك بيمينك وفي لحظة تكون مليان)2
روح الله يعين ضعفاتك إبليس مالوش مكان
2- (تتحول لشعلة نار تقدر تنقل جبال
روح الله يملك جواك تتغير الأحوال)2
في المسيح خليقة جديده وتجديد للآمال
3- (كل مكان فيه روح الله بيكون فيه تحرير
تتفتح عيون الأعمى و يبقى بنوره بصير)2
تقدر تغني بعلو الصوت وياه هاعيش أمير

القرار - (مش ها سمح أبدا تاني إبليس يهز إيماني
ولا هاحزِن روحك فيَّ ولا هابعد عن مكاني)2
1- أنا إن وقعت في يوم باسم يسوع راح أقوم
إبليس مش هايعرني ولا يوم يقدر يكسرني
قادر بالصلاة والصوم
2-قلبي لكلامه حساس مش همه كلام الناس
مش ها ختار الأتنين رافض أعيش بوشيين
ده أنا بيه مرفوع الراس

1- بكلامك عصبت عينيَّ وربطته علامة على إيديَّ
علشان مابقاش يوم من الأيام عايش ناسي حقوقك فيَّ
القرار - وهنام وهاقوم وأنا مش ناسي إنك سيدي وتاج فوق رأسي
ليك روحي وقلبي وليك حبي ليك أجمل حتة في إحساسي
هاتكون مالك كل حياتي هاتكون أول اهتماماتي
عنك هاتكلم وهارنم وبسيرتك هابدأ حكاياتي
2- مش رايح من غيرك مطرح من غيرك أصلا مش هافرح
أنا هامشي معاك وهلاقي نجاح
من غير ما أحسب وأجمع وأطرح
3-هاحلم على قدك مش قدي ومعاك هادخل أي تحدي
والناس هاتشوف بعينها آيات والبحر هايتشق وأعدي

القرار - (ده صليبي مش صليبه شال هو الذنب ليه
ده كان دين عليَّ رضي ليه يبقى عليه)2
1- كان عقاب خطيتي موت رضي هو ليه عني يموت
جاوب وقال:بيحبني موت وأختار يموت علشاني
يا ترى شاف فيَّ إيه حلو عشان أتحب عليه
يوم الصليب نظرة عينيه كان فيها حب سباني
2-بموت يسوع رجايا عاش خدت الخلاص منه ببلاش
وحاجات كتير ماستحقهاش يسوع من الموت نجاني
كل الكلام عنه مايكفيش شال العقاب وماحاسبنيش
أنا أتعفيت وقال لي عيش حكم البراءة مجاني

(كلاكيت وعاشر مرة بغلط نفس الغلطات
وبحاول إني أبطل وبعدي لنفسي حاجات)2
(وبقع في الفخ كتير من غير عقل وتفكير
وأحفر جوايا البير وأستسلم للضعفات)2
شماعة بحر ظروفي هاربان على طول من خوفي
مقدرتش على الأزمات
بضحك والقلب كئيب وكإني يارب غريب
بيني وبينك مسافات
(وبقع في الفخ كتير من غير عقل وتفكير
وأحفر جوايا البير وأستسلم للضعفات)2
بنسى أو عامل ناسي بعند فيَّ كتير
مع ناسي بتكبر أنا أوقات
بسرح في الوهم وأعيش لو سبتك ماتسبنيش
(في الحزن وفي الجراحات)2
(كلاكيت وآخر مرة أغلط نفس الغلطات
وهابطل شري يا ربي وهاغير فيَّ عادات )2
(مش هابقى أنا تاني عنيد ولا هاغلط وأمشي بعيد
وهاكون أنا شخص جديد هاعتبر الماضي ده مات)2

القرار –(إلهي لما يفتح ولا باب يتقفل
أنا ربي نعم والمستحيل يتعمل
طيب أنا هاقلق ليه والكون كله في إيديه
*عارف بيعمل إيه وعليه باتكل
*عارف بيعمل إيه صالح مهما حصل)2
1- (لو الخيوط أتعقدت وأتلخبطت كل الأمور
وفرحة عينيَّ أتغربت والضلمة غطت على النور)2
(بإيماني ها شوف واقع تاني حتى لو الدنيا معنداني
ربي عنده حلول علشاني ينهي الأزمة ويبعتلي سرور)2
2- (يسوع تملي بيرفعني وبعرف أفرح فى آلامي
طيب وبيطيب خاطري ويشيل حزني اللي في كلامي)2
(أنا عايش عمري معاه بالروح في قلبي كتابه على طول مفتوح
بيعين ضعفات ويشفي جروح يسندني ويضمنلي سلامي)2

1- أنا واحد على قدي ولا باخد ولا أدي
إيدي دايما على خدي واللي في بكره أنا ماعرفوش
وقتي الصعب مابيعدي مش بمزاجي ولا بيدي
وليه الفرح مش عندي وإيه في إيديَّ وماعملتوش
(لكن هو جالي وقالي أقوم من مكاني
رفعني هو وعلاني وماسبنيش
غير فكري وزماني خلاني واحد تاني
أداني حلم وأماني خلاني أعيش)2
2- كنت أعمى مش شايف من كل حاجة خايف
شكل الفرحة مش عارف وأصحابي هما الدموع
خلاص مابقتش مستحمل ومش عارف أنا إيه أعمل
وإزاي بالشكل ده هاكمل ومين يحس إن أنا موجوع
(لكن هو شافني وبإيديه لمسني
ومن الضلمة جابني خلاني أشوف
حس بيَّ وشافني مبقاش الحزن عنواني
خلاني أقوى من تاني على الظروف)2
3- كنت ضعيفة محنيَّ والدنيا قاسية عليَّ
من كل الناس منسية وعلى الحال ده بقالي سنين
لا حد داري بإحساسي نفسي في يوم أرفع راسي
لحد امتى هقاسي وأعيش عمري في آلام وأنين
(لكن هو ندهني لكلامه الحلو كلمني
وبإيديه لمسني لفوق بصيت
من قيودي حررني قدام الكل بررني
وفي يوم الرب رحمني فحضنه أترميت)2
4- كنا في وسط الميه والريح صعبة و قوية
والأمواج كانت عالية وقلنا خلاص ده أكيد بنموت
ما هو سايبنا لوحدينا ولا حتى داري بينا
وبنصرخله ينجينا وهو ليه مش سامع الصوت
)في الهزيع الرابع كان لصراخي سامع
دور على قلبي الضايع وناده عليه
رَحم ضعف إيماني وعلى الميه مشاني
قالي متشكش تاني فمسكت إيديه)2