سهران كل الليل (11 ترنيمة )

القرار - سهران كل الليل عم صليلك لنجوم تغفى الشمس حدي يدوب
يسوع حلم الكون خدني بإيدك ع درب إلمح وجهك المحبوب

١- أمشي وفتش عَ الطريق منين لجبال أطلع أقطع الوديان
بالشمس أو بالبحر أنتَ وين يمّا بزهرة معطرة البستان
٢- خدني بإيدي العمر مني راح خلي عيوني تشوفك من بعيد
رجّع لقلبي لذّة الأفراح بقربك يا ربي بولد من جديد
٣- وجّك يا ربي طلّ بين الناس عَ شفاف طفل زغيّر وفرحان
وج المحبّة أنت ما بتنقاس وج الأمومة ال عالسهر تعبان

(ربي بعدلك سامح ذنوبي ياللي بحبْرِ الإثم مكتوبة)٢

القرار - (أنت المحبة والصفا أنت التسامُح والوفا)٢
ربي ربي .. (سامح ذنوبي)٢

1- (مشيت الطريق مزنّرة أشواكه كِلها مِسكرة
مافي صديق ولا رفيق يهديني درب منوّرة)2
(بلمح عيونك عم تقول ارجع
إيدك بإيدي اقطع ليالي الضياع)2

٢- (من حياتي شمس تغيب وليل العتمة ياكِلني
لا طبيب ولا حبيب على جناحه يحملني)2
(بلمح عيونك من سماك تُطل
تمسك بإيدي وعلى السعادة تهِل)2

1- (يا شمس الحب بتطلي تزيحي العتمات
خيطان النور بتعرّش فوق التلة)٢
جاية ع أرض حزنانة تردي البسمات
وعي الوردات تعطرا الكون يملّي

القرار- يا شمس الحب نادينا ع درب الرب مشينا
سهرنا أيام ونطرنا علينا تطلي
آه آه يا شمس الحب آه علينا طلي

2- (غلبني النوم لما عينيكي غابوا
وجيوش الشر تعصف قلبي وأبوابه)٢
فجأة العتمات بالليل أفكاري انسابوا
لما تأملت وجه الرب المتجلي
3- (رماني الليل بعتمه وظلمه وشروره
نسّاني الحب بطهره وعطره وزهوره)٢
لما تلاقيت بالرب وشعشع نوره
ومن بالقلب ركعت للرب تصلي

بيّي يا شمس بعيلتك سهران خبزة حياتك بالعرق مجبول
جيت تعبت تتشوفني إنسان عايش كريم بعيلتي مسؤول
عايش كريم عايش كريم بعيلتي مسؤول

بيي يا شمعة دوبها الحنين عم تحترق دمعاتها بخور
دابت ع مذبح تضحية من سنين تتكون إلنا نبع حب ونور
تتكون تتكون تتكون إلنا نبع حب ونور

بيّي يا شمس بعيلتك سهران خبزة حياتك بالعرق مجبول
جيت تعبت تتشوفني إنسان عايش كريم بعيلتي مسؤول
عايش كريم عايش كريم بعيلتي مسؤول

بيي يا بحر من العطا خِلقان عمرك وهبته بدون منية
بطلب رضاك وبرتك تحنان يا قلب كله طهر حنية
يا قلب يا قلب يا قلب كله طهر حنية

(ركعِت جِبال العز قدامك بنيتلك من المجد علية)٢
ويحمل نسيم الصبح من عمل بركة رضاك
بركة رضاك تمس عينيِّ بيي بيي
بركة رضاك تمس عينيِّ بركة رضاك تمس عينيِّ

(يا بدر النور الطالع يا خالقنا القدير
يا بحر الحب الواسع إنت صوت الضمير)٢
(ربي بإيديك احملنا ومن بحر الموت انشلنا)٢
حياتي بقربك جنة نفرح فيها و منغني
وعدنا رجعنا ندمنا ارحمنا لا تهملنا
(أنت الراعي للبيعة ونحنا كلنا الحملان
هجرنا النفس الوديعة هدمنا سور الإيمان)٢

القرار- تركت التسعة وتسعين وبرمت على المسكين
ورجعت بهالوديعة إنت الراعي الأمين
(ربي بايديك احملنا ومن بحر الموت انشلنا)٢
حياتي بقربك جنة نفرح فيها و منغني
وعدنا رجعنا ندمنا ارحمنا لا تهملنا

(كنا بقينا بالظلمة لولا ما تكون النور
يسوع الرب الكلمة النفس الحزين يزول)٢
(كنا ضيعنا دربك لو ما تكون الطريق
أنت اللي فاتح قلبك أنت لإلنا الصديق)٢
(كنا العجين الخاطي وإنت كنت الخمير
كنت الملح اللي عاطي لها العجن التقدير)٢

القرار - (يا خاطي قوم صلي معنا وحدا المحبة بتنفعنا)2
نحنا أهلك نحنا أحبابك حياتك في إلها معنى

١- (وحده معنا رب الكلمة بدنيتنا الخاطي رحمة
فاض علينا نور النعمة حتى ع قلبه يرفعنا)3
٢- (رب الكلمة هو البسمة كوّن رسمك كوّن رسمي
نحنا الوردة هو النسمة وجنينة حب بتجمعنا)3
٣- (ربي الألفة و المحبة وحده دربك وحده دربي
صعبة تبعد عنه صعبة هو بيعطي وجودك معنى)3

القرار: (كلمة انت كاهن بِتوَعّي ضميري كلمة انت كاهن راح تبقى خميرة)2
بقَلبي وع لساني بأفراحي وأحزاني وبتِحمي إيماني بالشِدِّة الكبيرة
كلمة انت كاهن

1- (بالخدمة راح تبقى كاهن على طول راح تتعب راح تشقى كاهن على طول)2
(يا ربي سلامك خلِّيه يِملَى قَلبي يا ربّي أمانك نور بيِكشُف دربي)2
(تَ إبقى ع طول مهما الكون يزول)2
كاهن عم بيصلّي .. متجرَّد مِتخَلّي .. عن شعبه مسؤول
كلمة انت كاهن

1-(غربة رماني الليل بكاني الضجر
ما عاد في إنسان يهديني الطريق)2
والعتم غطى الكاينة ونام البشر
وصار الصديق يخون بكلمة صديق

القرار- (نورك يا ربي طل يحميني
درب السعادة صار يهديني)2
شمس المحبة انفرشت فيّ

2- (لما عيوني تغرق ببحر البكي
وزهرة حياتي تدبل ببرد الخريف)2
كلمة حقيقة حروفها عم تشتكي
ما يعود في إنسان بعيشه شريف
3- (لما السعادة تغيب من دنيا الوجود
والحزن يسكن قلب للحب انخلق)2
لما التِكَبُّر يرفض لالله السجود
والناس كلا تعيش بخوف وقلق

القرار- (حبيتها ومشيت بدربا أنا
ودربا عذاب مشكشكة صلبان)2
كرمالها شو شقيت تَ جسمي انحنى
وعيون عمري ساكنها النسيان
كلمة "محبة" الناس قتلوها وبثوب كذب وحقد لفوها
دفنوا المحبة ويَتَّموا الإنسان دفنوا المحبة و يَتَّموا الإنسان


1- (كلمة "محبة" طلِّت من بعيد
تضوي ع كون الحب فيه مهجور)2
(تلبس من النجمات توب العيد
تطبع ع خد الليل بوسة نور)2
والفجر طل عبأ البخور

2- (لما المحبة نورها اتجلّى وطلت تَ تمسح دمعة الحزنان)2
كل الخليقة مجدت الله (وزهَّر بقلبا وردة الايمان)2
(والرب بارك هالدني)4
آه ها الدني .. ها الدني ترحال

القرار- (أبانا في السماوات اسمك يا ربي مقدس
قربانك قوت الحياة العالم منه بيتقدس)٢

1- (الشر بظلمه لما طل غطى الدنيي بطول وعرض
خلِي الملكوت يحِل والمشيئة علينا تهل)٢
في السما كما عالأرض
2- (علمنا معنى الغفران متل ما بتغفر إلنا
خلينا نحب الإنسان ونعيش بطهر وإيمان)٢
بصفاتك ونتمثَّل
3- (خلي التجارب تزول يا رب القدرة والوعد
تنشهدلك على طول ونصلي نرتل نقول)٢
لاسمك بيليق المجد

يا ربي يسوع يا صوت الضمير
صوتك جوه قلبي نادى امشي دربك سير
احمل الصليب بطاعة وإيمان
امشي وكون بين الناس نور صغير
زور المظلومين وعَزّي المحتاجين
ازرع كلمة ووزع بسمة لقلب المحزونين
نادي بالسلام سلام المسيح
اهدي الناس درب الحب الأمين
يسوع ضعفي قويني أعطيني كون بسمة حنان
يسوع دربك أهديني من نبعك روّي القلب اللي عم يصرخ عطشان
مهما عتم الليل قلبي خوف يزيد
وجودك زاح الليل وخلى الدنيا بلحن جديد
ضَلَّك معنا هَون لا ما تروح بعيد
بُعدك نار وقربك نور وفرحة وعيد