1- (يا شمس الحب بتطلي تزيحي العتمات
خيطان النور بتعرّش فوق التلة)٢
جاية ع أرض حزنانة تردي البسمات
وعي الوردات تعطرا الكون يملّي
القرار- يا شمس الحب نادينا ع درب الرب مشينا
سهرنا أيام ونطرنا علينا تطلي
آه آه يا شمس الحب آه علينا طلي
2- (غلبني النوم لما عينيكي غابوا
وجيوش الشر تعصف قلبي وأبوابه)٢
فجأة العتمات بالليل أفكاري انسابوا
لما تأملت وجه الرب المتجلي
3- (رماني الليل بعتمه وظلمه وشروره
نسّاني الحب بطهره وعطره وزهوره)٢
لما تلاقيت بالرب وشعشع نوره
ومن بالقلب ركعت للرب تصلي
