يا حبيب قلبي (9 ترنيمة )

١- (أوعى تخاف من الليل وظلامه أوعى تخاف من الليل
أنا هاستر عمرك وأيامه أنا هاحمل وأشيل)٢

القرار- (أوعى تخاف من الليل أو من سهم يطير)٢
(اتطمن أنا اللي معاك)٢

٢- (أوعى تخاف يوم من الصياد أنا اللي هانجيك
ولا وبا ولا حتى الأمراض أنا هالمس وأشفيك)٢
٣- (شايف قلبك الملهوف والمتعلق بيَّ
هاطرد من قدامك الخوف وتشوف صنع إيديَّ)٢

١- (أيوه شفتك في التجارب
وأنت بتدربني أحارب)٢
(كنت خايف من النهاية
شفتك الأسد اللي غالب)٢

٢- (أيوه شفتك في انحنائي
وأنت بتشكل إنائي)٢
(كنت فاكرك مش دوايا
شفتك العون اللي باقي)٢

٣- (أيوه شفتك في الأمام
وقت لما عدوي قام)٢
(كنت فاكرك مش معايا
وأنت ماسك الزمام)٢

٤- (أيوه شفتك وسط ضعفي
وأنت بتداوي وتشفي)٢
(كنت باسأل على الحماية
وأنت بتحارب في صفي)٢

٥- (أيوه شفتك في انكساري
وأنت بتغير مساري)٢
(كنت شاكك في العناية
وأنت بترد اعتباري)٢

١- (انت اللي بتحميني من كل الشرور
ماسك بيميني قلبي معاك مسرور)٢

القرار- (ما أنت الرب الراعي على كتفك شايلني
بتاخدني المراعي وبحبك غامرني)٢

٢- (أنت اللي بترفعني في وسط الآمي
في ضعفي تشجعني يا مصدر سلامي)٢
٣- (انت اللي معايا ولا يمكن تسيبني
وصوتك جوايا ما تخافشي يا ابني)٢
٤- (انت اللي بتسدني في الظرف المرير
إيدك بتشكلني وبتعمل للخير)٢

القرار- (حلو سيدك ومافيش زيه هو فرحك وسط أحزانك
لما تمشي في رحاب ضيه يبقى زمن الحب زمانك)٢

١- (حلو سيدك لما تلاقي الكل يسيبك في جروحك
يبقى رفيقك هو الباقي يلمسك ويطيب روحك)٢
٢- (حلو سيدك يشفى داءك لما دواء الأطباء يخيب
يحيي رجاءك يبقى شفاءك وآلامك في إيديه تطيب)٢
٣- (حلو سيدك لما بيلمس يجبر بحنان كل كسور
ومكان ألمك هو بيعرف يحملك زي النسور)٢

القرار- (كل مرة باشوف إيديك
قوية وقديرة
سلطانك ملهوش حدود
وحلولك كتيرة)٢

١- (مرة تمشيني على المية
وعينيَّ عليك
وإن عليت الموجه عليَّ
تمسكني إيديك)٢

٢- (مرة تشق البحر قصادي
وعلى أرضه تمشيني
وفرعون ومركباته
يغرق وتعديني)٢

٣- (مرة تمشيني في النار
وألاقيك عن يميني
ونبوخذ نصر يحتار
إزاي بتنجيني)٢

٤- (مرة قلت إنك نايم
في سفينة الحياة
رد البحر وريحه العاصف
ده هو الإله)٢

٥- (مرة تسد بدهنة زيت
ديون السنين
ومليت كل فراغ في البيت
وفي خيرك عايشين)٢

القرار- (يا هنايا بإلهي وعزي
ده أبويا بقى سيدي وكنزي)٢
بانشد واهتف متعزي
ده أقامني معاه من الموت

١- (كل الأمجاد أعطاني
مات عني حبيبي وفداني)٢
اسمه القدوس عنواني
راح أغني وأعلي الصوت
٢- (مجداً ومبارك اسمك
يا واهبلي حياتي بدمك)٢
صرت مليكي مفيش زيك
راح أغني وأعلي الصوت
٣-(بركات بركات على راسي
حط الأكاليل على راسي)٢
والروح عربون لميراثي
راح أغني وأعلي الصوت
٤-(حطيت إبليس تحتيَّ
بقيامتك غلبة قوية)٢
أعطيت سلطانك ليَّ
راح أغني وأعلي الصوت
٥- (مين مثلك مين في جلالك
ربوات أجناد قدامك)٢
والعرش العالي مقامك
راح أغني وأعلي الصوت
٦- (يا كنيسة هللي بفاديَّ
يا عروسة في زينة بهية)٢
مسنودة عليه وقوية
غنيله بعلو الصوت

١- (ياللي بترفع عبدك بإيدك المليانة إحسان
ياللي بتتقدم خطواته وتحميه من الشيطان
أنا جايلك وأنا باطرح نفسي يا سنيد التعبان)٢

القرار- (يا حبيب قلبي بكل القلب باجيلك
يا غني في النعمة ده مفيش تاني مثيلك)٢

٢- (أنت الأعظم وأنت الأكبر مهما تكون أحداث
كلمتك أنت الثابتة الباقية قدام قول الناس
واللي هايحصل بكره وبعده مشيئتك فوق الراس)٢
٣- (اللي في ضلك واللي في سترك ده ما يتخافش عليه
بير أو حتى أتون وأسود بنفسك هاتعديه
وهاتصنع في حياته عجايب وإيديك بتعليه)٢

١- (ياللي حبيتني وكان الحب ده غالي
محبة شملتني كمان وغيرت حالي)٢

القرار- (حاشا لي أن أفتخر إلا بالصليب
ولا يملك على قلبي غير حبك يا حبيب)٢

٢- (ياللي بذنوبي أنا شوهت جمالك
أنت تستاهل أعيش العمر خدامك)٢
٣- (ياللي عديت لي مكان فوق في السما جنبك
عايش ومتشوق أكون في المجد أنا بقربك)٢

القرار- (يلا نحيي يسوع الملك ونسقف بإيدينا
ده مفرح قلوبنا ودايماً مسيج حوالينا)٢

١- (هو عزي وهو خيري هو في الدنيا نصيري)٢
(وما دام يسوع معانا ما حدش علينا)٢
٢- (صاحب الإيد القديرة مهما كانت الريح عثيرة)٢
(هايهدي الموج العالي ويرسي السفينة)٢
٣- (إيه يعني الالم وضيق هايقبلونا في الطريق)٢
(ده يسوع أعظم صديق وعينه علينا)٢