مرنم صموئيل فاروق (39 ترنيمة )

١- (إنت بتعمل كل الخير ترتيبك أفضل بكتير
حتى لو أنا مش فاهم حاجة واثق في أمانتك يا قدير)٢

القرار- (إنت أبويا وده مطمني جوه في حضنك ليَّ مكان
لمشيئتك قدني وأعني راحتي في شخصك مهما كان)٢

٢- (ياللي بتسمع للأنات قبل ما تترجم صلوات
أنا هافضل مستني وعودك هاتعوضني باستجابات)٢
٣- (إنت صديق منتصف الليل وكلامك لحياتي دليل
امسك إيدي ما إنت يا سيدي ما بتعرفش المستحيل)٢

القرار- (القعدة معاك بتغير فيَّ
كل اتجاهات وميول أرضية)٢
شكّل في حياتي نوّر في صلاتي
(خبيني في شخصك وأنت اظهر فيَّ)٢

١- (طلبي الوحيد إنك تزيد وأكون في حضورك كل الحياة
بارتاح معاك شوقي في لقاك مشتهى قلبي وفيك الغنى)٢
٢- (كل القشور تتبدل نور في رضاك سرور وأنا طلبي رضاك
متعلق بيك والغالي ليك عند رجليك مغمور هناك)٢

١- (يا إلهي ناد قلبي فآتي إليك
يا إلهي أنت قربي وشوقي إليك)٢
(كاشتياق العطشى في الصحراءِ لِماء
صرختي أيا نبعي أريدُ ارتواء)٢

٢- (كل ما في حياتي بدونكَ مَوات
ضحكتي كدمعتي هما باهتات)٢
(أي معنى غيركَ في الحياة أحيا فيه
أنت معنى المعنى في كل حياتي أرتجيه)٢

٣- (في ظلامي لا أُريحُ أحداً ولا أستريح
وآلامي كعذاب السفن في عصف ريح)٢
(لا تدَعني أحيا في ظلمتي للأبد
رُدَّني لا تدَعني أموتُ في ابتعاد)٢

٤- (تهدأُ روحي في الحضن بل أنام
مطمئناً على صدرك الحنون في سلام)٢
(يا أبي كيف يُوصَف حبك العجيب
يا أبي قلبي طاب في حضنك الرحيب)٢

(كل باب أنت فتحته ربي باشكرك عليه
وأشكرك عاللي قفلته ما أنت عارف إيه اللي فيه)٢
(أصل إيدك اللي فتحت هي إيدك اللي قفلت)٢
(نفس إيد الحب هي اللي ضامنة خيري فيك)٢
(كل جرح أنت جرحته قلبي راضي باللي منك
قلبي فيك بيلاقي راحته تعصبه وتشفيه في حضنك)٢
(أصل إيدك اللي جرحت هي إيدك اللي عالجت)٢
(نفس إيد الحب هي اللي ضامنة خيري فيك)٢
(كل شيء أنت منعته أنت خير قلبي ونصيبه
بس لما بتيجي ساعته بكل قوة بتستجيبه)٢
(أصل إيدك اللي منعت هي إيدك اللي منحت)٢
(نفس إيد الحب هي اللي ضامنة خيري فيك)٢

١- (انت ليك في حياتي خطة خليني أقبل ما فيها
حلوة مَرة مُرة مَرة بس لازم هاتعديها)٢

القرار- (يا إلهي يا حبيبي من إيديك قابل وراضي
راح اقول لنفسي طيعي انت بتبدل رمادي)٢

٢- (كنت غافل عيني قافل عن إرادتك عن مشيئتك
بس صوتك قال هاقودك مش هاسيبك وقت ضيقتك)٢
٣- (مسكة إيدك علمتني أعلى فوق كل الجبال
لو أماني الكون سابتني يحلى وياك الرحال)٢
٤- (مش هابص بعين حزينة عاللي فات من ذكريات
انت جاي بأحلى زينة ليك هدف أيوه وميعاد)٢

١- (كل مخاوف جوايا زالت لما إيديك بحنان لمستني
عملت فيَّ ولسه ما زالت عمال تشكّل وتعينّي)٢

القرار- (هامشي معاك الرحلة بحالها هاستنى إرادتك لآخرها
وأعرف إيه قصدك في حياتي وأفهم معنى آلامي في خيرها)٢

٢- (درّب قلبي يا رب في حقك أنا مستني وقت وعودك
قلبي مآمن بيك ومصدق إن أنا لازم أحيا في جودك)٢
٣- (شايف كل البركة في وجهك حاسس بيها في كل كلامك
كل مخاوفي لما تواجهك ألقاها بتدوب في سلامك)٢

١- (دموعي في المخادع لها عندك تقدير
وحدك لآهاتي سامع وفي يدك التدبير)٢

القرار- (ولأنك أعظم أب حاسس بكل ما فيَّ
وبتتعامل بالحب مع أي جروح مخفية)٢

٢- (قلبي قاصدك وضارع اتدخل يا قدير
سهّل عدّي الموانع شيل عني أي نير)٢
٣- (عارف إنك في صفي ضد قوى الشرير
تعالج بالنعمة ضعفي تحلي حلقي المرير)٢
٤- (تعبت خلاص وراجع أنا للحضن الكبير
اشفيني من المواجع واصنع فيَّ التغيير)٢

القرار- (أبداً مش هايكون الغد استمرار لمبارح
أنا باستقبل زمن المجد زمن الذل ده رايح)٢

١- (الله هايعوض لي ماضيَّ ويفتح لي كنزه
يشبع نفسي المشتهية ويملاها بخبزه)٢
٢- (ينكسر النير اللي عليَّ وتتقطع ربطي
بخطاوي مجد وحرية دايماً راح أخطي)٢
٣- (ثقتي في خمر وزيت الروح يشفي لي جراحي
بكيان مشفي وقلب طموح هايتم نجاحي)٢
٤- (كل بنا ساده الخراب في حياتي هايعمر
والخير جاي زي سحاب على أرضي يمطر)٢

١- (لو بستانك صار قفر والنفسية بقت صفر
جاية الأفراح وبوفر تمحي آثار الأحزان)٢

القرار- (ليك رب رحيم حنّان اتجسد صار إنسان
عاش معاناتك وآلامك يوصل بيك بر أمان)٢

٢- (لو زاد جواك الهم ورماك اليأس بسهم
لا فشل ولا خوف ولا وهم يغلب فيك الإيمان)٢
٣- (لو ضيق نازل فيك طحن ولا يوم حد عليك حن
ألمك يتحول لحن ويفيض عودك ألحان)٢
٤- (لو مخزون خيرك قل وميزان العيشة اختل
شمس الإحسان هاتطل تنهي ليالي الحرمان)٢

القرار- (ليك المجد وليك القوة وليك السلطان
ياللي مراحمك سندت جوه وادتني اطمئنان)٢

١- (وسط الليل الدامس أيوه وجودك لامس
تيجي بصوتك هامس أنا جنبك لا تخاف
تبعت رحمة وخير يمشوا معايا السير
وجهك لما يسير يطرد كل جفاف)٢
٢- (وسط حروب وغياب تفتح أنت الباب
تبعت ليَّ غراب وتكفي وتجود
رغم المستحيلات تيجي باستجابات
وتعدي الأزمات أصلك غير محدود)٢
٣- (دمك على أعتابي ياللي دفعت حسابي
كان حقي وعقابي شلت أنت ووفيت
أنا مديون لجراحك جلداتك وصياحك
جيت وادتني صباحك وبدمك غطيت)٢