اسمك بيطمني (16 ترنيمة )

القرار- (إنت إله عظيم
السنين معاك بتشهد عنـك
إنت إله أمين
كل يوم جديد لينا مرامحك)٢

١- (اسمك عالي برج حصين
بيه نتمنـــع بيه نتمتــــع
اسمك غالي حلو كريــم
فوق ما بنطلب إنت بتصنع)٢
(وهانهتف نرفع أغانيـــــنا
إنت إلهنا الحي راعيـــــنا
مفيــش شيء يقدر يفصلنا
عن حبك مهما يكون فينا)٢

٢- (إنت السيد ليـــــك القدرة
ليك العظمة وكل مديحنا
إنت قريـب إنت الصخرة
يا مالــي بمجدك غربتنا)٢
(ياللي رعيت في الماضي حياتنا
معانا ودايماً تبهرنا
ضامن بكره ومستقبلنا
ماليه بحضورك يا إلهنا)٢

القرار- (الله مش بس خالقني
على صورته وعلى شبهه
لكن كمان ميزني
خلاني أكون ابنه)٢

١- وقت الحزن ووقت الضيق
هافتح قلبي لأحلى صديق
علشان إنت حبيبي
دايماً ماسك إيدي
دايماً حاسس بيَّ
وقريب مني
٢- لما باحكيلك بارتاح
إنت البسمة والأفراح
مين زيك في حنانك
مين زيك في سلامك
دايماً شاغل بالك
بكل مشاعري
٣- لما حاجة تخوفني
هالجألك إنت عارفني
وبتعرف تحميني
حبك بيهَدِّيني
لما باشوف في صليبك
قيمتي وغلاوتي

القرار- (المسيح نوّر أرضه اللي خالقها
والأمل زي النهارده اتولد أكيد
والنجوم كانت عارفة
ودلت مجوسها
لمكان الطفل الرضيع)٢

١- هللوا واملوا الدنيا أغاني
وافرشوا قلوبكم بالسرور
ده المسيح جانا جانا لفدانا
لخلاصنا ولعهد جديد

٢- اسمعوا مني أحلى حكاية
وارفعوا مليكنا بالسجود
قدموا الغالي ليه اهتفوا الأناشيد
جه حياتنا خلاها عيد

القرار- المكتوب نور القلوب
أساسه حب الحمل
حرفه لا يسقط لا يزول
وأحلى من العسل

١- إنت مثالي اللي أنا باشتاق
أخضع وأتمثل بخطاك
واجهت عدوك بالكلمة
حقك غلب الكدب وساد
اكشف في الكلمة عجايب
تبقى سلاحي في تجارب
بالحق اللي بيحفظ فكري
بالمكتوب دايماً غالب

٢- قلبي بيفرح بكلامك
لما يشقشق إعلانك
وإزاي أعرف اللي في قلبك
من غير ما أتعلم منك
هو غُنايا في عز الليل
هو غِنايا وأحلى خليل
دستوري اللي يحدد طرقي
هو نوري وليَّ دليل

١- (حوّل أوجاعك دايماً لصلاة وحكّي معاه
هو بيسمع هو بيصنع بيقدر تعبك
هات كل همومك وشاركها معاه
لو حلمك تاه هو بيخلق هو بيحيي وبيشدد قلبك)٢

القرار- (يسوع هو أحلى ما في الحياة أملك والنجاة
هو خلص نفسك وكان ليك فداء
يسوع مافيش زيه صديق
معاك طول الطريق
في الضيق بيشيلك وبيعدي بيك)٢

٢- (حوّل طلباتك دايما لصلاة الله في غناه
يملاك بسلام هو يسدد كل احتياجاتك
زوّد نغماتك لو وسط الآه تسبيح لله
أعلن إنه صالح جداً دايماً لحياتك)٢

١- ربي قام
هو اللي قام غالب الموت بالحياة
أخد مكاني ونجاني بالفداء
حمل ذنبي بررني ومحا خطيتي
قوّمني معاه
غلبت موتي ومخاوفي بدماه
ربط اسمي باسمه بطول الحياة
مين يفصلني عن حبه
وهو ضامن نصرتي

القرار- ربي أحياني وملا قلبي بالأفراح وبالأغاني
فدائه رد لي سلامي وأماني
هاعيش معاه
غيّر كياني
فرد جناحي لما قومني وقواني
غيرني وعلّاني لما ليه دعاني
أعمل معاه وأمشي في خطاه

٢- رب الجمال أصبح من غير جمال وشال العقاب
رسم جمالي بآلامه وبالعذاب
لا منظر فيه نشتهيه علشان يجملني
فوق الخيال حبك إلهي
إنت رئيس السلام
كلك محبة فيك الراحة والأمان
أنا باسجد ليك عمري بيك
إنت واهب نعمتي

١- طوبى للمساكين بالروح لأن لهم ملكوتي
طوبى لمن في حزنٍ ونوح لأن لهم تعزياتي
طوبى يا ودعاء القلب لأنكم وارثون الأرض
(طوبى للجياع للبر أشبعهم دوماً من دسمي)٢

٢- طوبى لكل الرحماء لأنهم يُرحمون
طوبى لأنقياء القلب فشخصي سيعاينون
طوبى يا صانعي السلام لأنكم أبناء الآب
(طوبى يا من كنتَ لأجلي مضطهَداً فلك أكاليلي)٢

٣- طوبى للذي لم يعبد سوى اسمي فسيرى مجدي
طوبى لكل من يخضع فأمامه سيسير وجهي
طوبى للمتكِّل عليَّ ومن وضع رجاءه فيَّ
(طوبى لمن يحفظ حقي يثبت يزهو كالنخل)٢

طوبى يا ودعاء القلب لأنكم وارثون الأرض
طوبى للجياع للبر أشبعهم دوماً من دسمي
طوبى يا من كنتَ لأجلي مضطهَداً فلك أكاليلي
طوبى لمن يحفظ حقي يثبت يزهو كالنخل

١- قالوا عليك إن إنت خاطي
عشان قريب من الخطاة
ميعرفوش إنك عشانهم إنت جيت
قالوا عشان إبليس معاه
هو بيعمل معجزات
ميعرفوش إن إنت الأعلى فوقيه
(ولما قلت إنك إله
قالوا عليه تجديف أكيد
راسمين إله عالي وبعيد
مع إنك الحب المجيد)٢
(ميعرفوش إن الإله حر وبيقدر
وإنه خلاصهم في عينيه بيساوي أكتر)٢
بيساوي أكتر من حياته
أو من اللي اتقال عليه

القرار- (لكن أنا عند الصليب
باسجد هنا قلبي سكيب
وأشهد بإنك ربنا حبك عجيب)٢

٢- فضّلت تعلن من زمان
ذاتك وإحنا في بعدنا
إنت القدير بطرق كتير كلمتنا
ظهرت في هيئة ملاك
وفي عمود نار وسحاب
وفي الأتون ظهرت إنسان زينا
(ولما كان عقابنا موت
الكل في الموازين لفوق
كان مفيش غيرك يا بار
يفتدي وعنا يموت)٢
(أنكروا واستعجبوا إنه الإله
أخلى نفسه وجانا من أعلى سماه)٢
حضنك برغم شرنا
مفتوح لنا نلقى النجاة

١- (لا مش راجع تاني لذلي يا الله
أنا بإرادتي عايز أعيش عمري معاك
محتاج تساعدني
مش قادر وحدي
لكن بيك هاقدر أمشي وراك)٢

القرار- املا قلبي بحبك
املا عقلي بفكرك
بدّل شهواتي الشريرة بشهوة معرفتك
قلبي حسب قلبك
وحياتي تشهد لك
(إنه مفيش غير عندك حق وحياة)٢

٢- (عندي إيمان إنك تشفيني يا حنّان
أنا كل اللي زرعته بإثمي حصاده هوان
شايل حملي
ولسه شايف إني
ينفع تعمل مني بطل إيمان)٢

١- لما أفتح عيني واشوف بسمة وجهك
أول واحد باشتاق أقعد وياه
ألقاك إنت مستني
أحكيلك وتكلمني
مين في جمالك
(ما أحلاك)٢

القرار- هابدأ يومي بتسبيحك
هافرح وأنا باسمع صوتك
منك بتعلِّم عنك وعني
هاكبر في النعمة في حقك
أنا هامشي في مشيئتك
أفرَّح قلبك دايماً
(يا مفرَّحني)٢

٢- أنا هافضل طول اليوم
باطلب وجهك
نورك هو اللي يقودني
خيرك يتبعني
مشيئتك هي طعامي
روحك دايماً يملاني
باشهد عنك
بكلامي (وبأعمالي)٢

القرار- لما تجسدت وشفتك
سهلت كتير معرفتك
ولمست الحب
لما إنت فديتني باسمي
أدركت إن إنت محبة
وإني غالي على قلبك
ليك كل الحمد
ياللي مسرة قلبك قربي

١- كنت خالقني على صورتك
لكن شوهت أنا صورتي
لما اخترت أبقى سيد لحياتي
لكنك أخليت نفسك
وأخدت صورة ضعفي
عشان إنت ترد صورة مجدك لكياني

٢- إنت مريت بآلامي
قادر ترثي لضعفاتي
بمعونة وحب
إنت معايا في أيامي
اسمك وحده يطمني
عمانوئيل يحفظني
إنت اللي وعدت
طول الأيام ترعاني

٣- قلبي فرحان بميلادك
قلبك فرحان بميلادي
أنا في المسيح
خليقة جديدة
وعهد جديد
دي عقيدتي هي يسوعي
وعبادتي ليك خضوعي
أنا باسجد ليك
ياللي بملكك قلبي سعيد

القرار- (لو سانتا كلوز جه سألك إنت عايز إيه
في الكريسماس عشان يجيلك
إيه رأيك تلبس إنت سانتا ويا سانتا الكبير
وتوزع فرحة كبيرة)٢

١- (يمكن متعود كل سنة إنك تطلب كتير
إيه رأيك تبقى السنة دي إنت سبب تغيير
قدّم من اللي ربك أهداك واعرف إنك
وإنت بتدي إنت بتدي المسيح)٢

2- (وبابتسامة روح اسأل عاللي شايفه حزين
شجعه إنه ابن غالي لإلهنا العظيم
صدّق وإنت بتزرع الخير إنك هاتشبع
دي تبقى حياتك مش كريسماس ويطير)٢

القرار- (مشتاق لقعدة وياك
ترويني من روحك تملاني بإعلان
مشتاق أتلذذ بلقاك
أتدفى بحضورك وأشوفك بإيمان)٢

١- يسوع مين في جمالك
يسوع مين في جلالك
إنت المحبة وأعلى سلطان
يسوع مين في كمالك

٢- حقك وعدلك يا مليك
أساس عرشك وكرسيك
أمانتك ومراحمك أمام وجهك
وعهودك لكل محبيك

١- هل في أمل يجيني بكره أحسن
هل في سبب إني أكمِّل وأعيش
هل في أكبر من حزني وإيه اللي يضمن
آخر ضي فيَّ مينطفيش
هو اللي راح وخسرته إيه هايعوضه
هي الجراح والحزن مين هايقدره

القرار- لا مش هاقبل لا أكون موجود
من غير حياة
لا أنا ليَّ إله غالب الموت
واداني رجاء

٢- لو أغلب صفحات قصة حياتي
مليانة بالهزيمة والفشل
مليانة لكن لسه مش نهايتي
هل يرجع يعيش فيَّ الأمل
مفاضلش غير رحمة إله بيحبني
مادد إيديه ينقذ حياتي يردني

٣- مين يشفي قلبي ويرجع شبابه
بعد ما عجّز قلبي من زمان
مين غيرك يا يسوع أجري لحضنه
يرمم الكسور يدي الأمان
عندي إيمان شمسك تنور سكتي
آن الأوان أنهض وأكمل رحلتي

(سكّنتني النعمة بحبك
أعيش معاك في نور مشيئتك
هافرد جناحي بقوة منك
ولما هاتعب هامسك في وعدك)٢

(ده وجودي فيك أعظم معجزة
تفضل تبهرني طول الحياة
أنا لحن عمري نغمته الشكر
أفراح وحمد وغنا)٢

(لما إنت اخترت طريق خلاصي
جيت واحتملت شايل قصاصي
عشان أعيش مليان سلام
بسرور اتحملت الآلام)٢

(مهما الصعاب هاتزيد في الطريق
هاكمل زيك وأتمثل بيك
أفراح ونور روحك جوايا
هاتفوق الخوف وتمحيه)٢

(يومي معاك فرصة جديدة
أتبع خطاك وإيديك سنيدة
أملك أراضي كانت بعيدة
وأطلع وياك جبال عنيدة)٢

(إيماني بيك هاعيشه في قرار
مجدك يوجه كل اختيار
اديني أكون في إيدك خاضع
كسهم في يد الجبار)٢

١- وسطَ كلِّ ضجيجِ العالمِ قلبي يهدأُ يسكنُ
ولصوتِكَ الرقيقِ قلبي يُصغي يُنصتُ
في الشروقِ والغروبِ نفسي تنتظرُك
في الهمومِ والكروبِ نفسي تباركُك

القرار- (يسوعُ مَن مثلُكَ
مَن في كمالِكَ
ملكُ الملوكِ
لكَ السجودُ
أنا أعبدُكَ)٢

٢- وسطَ كلِّ فراغِ العالمِ بك قلبي يشبعُ
وقت ضعفي وارتباكي لكَ نفسي تلجأُ
فاحتياجي العميقُ لدفءِ حِضنِكَ
واشتياقي الشديدُ أن أبقى قربَكَ