مرنم مينا جميل (90 ترنيمة )

١- نبع من قلبي دمعة للسما على شرنا
ولقيتني في قلبي باصرخ أول الخطاة أنا
ده احنا بخطية واحدة اتشوه كل جمال هنا
ولحد النهاردة بنرجع ونعيش لنفسنا


القرار - ما كفاية فتور ما كفاية شرور ويوم طالع ويوم نازل
ما كفاية زيف حاطط قناع والصدق ضاع فين الفاصل
وحب ذات خد وهات ودوافع لسه بتفاصل
ما كفاية غيرة ظنون شريرة بطرق العالم نتواصل
ما كفاية وعود لله بتدوب ولا في تغيير بادئ حاصل
وحب ذات خد وهات ودوافع لسه بتفاصل


٢- وعدتك أعيش لمجدك لكن لسه باعيش ليَّ
فاكر ينفع أعيشلك وأنا ليَّ نصيب فيَّ
أنا جايلك باعترفلك احرق كل أنانية
أنا عايز أعيش لمجدك عايز أعيش في الحرية

القرار
(يوم مليان بركات بدأته بفرحة معاك
بارفع ليك تسبيحي وماليني بتعزيات)2

1- (الصبح أما أفتح عيني وأشوف وجهك يا يسوع
جمالك يغمر يومي نورك يملاني خضوع )2
هافرح بيك و أهتف ليك انت سر حياتي
2- (مبهور بروعة لبسه العصفور الجميل
وف صوته باسمع أنتو أفضل من العصافير)2
هافرح بيك و أهتف ليك انت سر حياتي
3- لو حتى الناس حواليا سكتوا ومافيش تسبيح
ثابت فرحي يا فادي وف قلبي وفمي مديح
هافرح بيك و أهتف ليك انت سر حياتي
4- اديتني روح القوة وعايزني معاك في نجاح
دي مراحمك دايماً حلوة وجديدة في كل صباح
هافرح بيك و أهتف ليك انت سر حياتي

1- (سيبت مكانك ليه وفين أنت دلوقتي
بعد ما كنت أمير عايش في غنايا وحضني)2
وبعدت تجرب إيه يخليك فرحان
ده لأنك حارم نفسك مني من زمان
اسمك عايش في الخير لكنك مش شبعان
القرار – (ارجع يا بطل ده مكانك هنا في العالي
غالب ومقامك غالي وفي أيديك سيف الروح
ما فضلش كتير عايز أعمل فيك تغيير وأغيّر بيك
وتصير بركة منين ما تروح)2
2- (بدلت بمجدي بإيه وإيه اللي إنت كسبته
لحياتك قصد عظيم لو تحيا جوه مشيئتي)2
دي إرادتي إن أنت تعيش نور يمحي ظلام
لكنك بإرادتك أنت أخترت ظلام
اسمك ويا الأبطال لكن عايش في هوان
3- (هتشوف المجد أكيد لو شلت صليبك تاني
ده طريق واحد ووحيد أنكر نفسك واتبعني)2
عايزك ملح ونور ليل ويا نهار
وتعيش العمر كسهم في أيد جبار
من مجد لمجد تعيش والبركة تفيض أنهار

القرار
كل حاجة تعبت فيها كل حلم حلمت بيه
إن ماكنش يمجد اسمك يبقى باطل أمسك فيه

1- (مش عايز أعيشلك إنسان عادي عِرفك واكتفى وعايش راضي
بالاسم ليك لكنه فاضي أنا عايز أعيش بالكامل ليك)2
2- (وفي كل يوم هاجري عليك باطلب منك لمسة إيديك
تعمل فيَّ تشكلني ليك فأعيش منك وبيك وليك)2
3- ( أنا عايز قلبك ينبض فيَّ وأعيش دايما حياة يسوع
أانت اللي تزيد وتفيض عليَّ ف تشوفك وتجيلك جموع)2

القرار - (أنا قلبي يسجد ليك ولساني يرنم بيك
حبك خلى حياتي تبقى ليك ترنيمة شكر)2
1- تسبيح من الطيور بيعلا لك
والكون يشهد لعظمتك وجلالك
لازم تسبيحنا يعلى عنهم ويبقى أحلى
أنت مش بس خالقتنا أنت فادينا
2- وفي كل مرة بحكي لك برتاح
بفرح لما معاك بفتح قلبي
لكن فرحي بيكبر لما برنّم وبشكر
عشان أنت بقيت أغلى من حياتي
3- (فوق تسبيح الطيور أعلى من أي سور
إطلق تسبيحي ليك في حياتي
مهما كانت ظروفي زادت أسباب لخوفي
أنا فرحي فيك ثابت طول أيامي)2

القرار – (دايماً سلامك أعظم من كل مخاوفي
دايماً حنانك أعظم من كل جروحي
دايماً كلامك يرفعني روحك يعزي ويسندني
أنا نصرتي في شخصك حقيقة بتملاني)2
1- ( فتح عينيَّ عشان أشوفك معايا شددني بالإيمان وجودك كفاية)2
مهما صعابي تتحدى والبحر هايج ما بيهدى
ولا موجة تقدر تتعدى أمر القدير
2- (دمك يغطيني ويستر لي ضعفي أنت اللي تشفيني وترفع عني ذنبي)2
مهما عدوي راح يزأر وفي ضعفي يشكي ويعيّر
أنت شفيعي اللي هتقدر تحميني فيك

القرار – (عشان محبتك أنا جاي أتوب
عشان محبتك أنا برفع علمي فوق
أنا مش عايز أكمل في الخطية
محتاج روحك يعِينّي وبحُبك هقوم)2
1- (إزاي بتحبني وبرغم ضعفي وسقطتي
إزاي بتحبني وأنا ياما مشيت ورا شهوتي
إزاي بتحبني وأنا ياما وعدت وما وفيت)2
عجيبة محبتك ربي بتدوّب كل قلبي
2- (ياربي محبتك مصدر لعمري اللي أنا بحيّاه
ياربي محبتك مصدر أماني وكل رجاي
ياربي دي نعمتك سكني وحصني اللي أنا جواه
أنا بسجُد بشكرك على عهد وحب للمنتهى)2

1- (مافيش حاجة تغير حبك ليَّ برغم خيانتي و عندي و قسوتي
فديتني و انت عارف باللي فيَّ أد ايه قلبي نجيس بخطيتي)2

- القرار -
انت اللي تقدر على أنا مقدرش عليه علشان كده بلجألك جاي باتعلق بيك
انت اللي تقدر تحرر من كل قيد انت شفيعي ونوري وضامن نصرتي

2- عندك شبعي وراحتي الأبدية وفيك بالاقي أمني وفرحتي
ده كل ما ببعد وأحفر في آبار فاضية بزوّد تعبي وبروي آنّتي
3- تعالى وبدِّل لي يأسي بحبك ليَّ تعالى بنعمتك ثبِّت قلبي
تعالى وقدس كل أيامي الجاية يكون مجدك نصيبي وشهوتي

القرار - (تعالوا نفرح نهتف و نسبح
نفرح بمليكنا وتعلا له تسبيحاتنا
تعالوا نشبع قلبه ونعلي مجده
هو فرحان بينا بتحلى له ترنيماتنا)2
1- ( يا يسوع مين زيك مين زيك في الجمال
لابس العزة والقوة والجلال)2
أنت سيدنا وليس سواك
ضامن نصرتنا طول ما إحنا معاك
(ما أعظم حبك ما أمجد شخصك)2
وإيماننا إنك فرحتنا وسر حياتنا
2- (يا يسوع بنحبك بنحبك مجداً ليك
من كل قلوبنا نهتف لك ونعليك)2
نعلى بتسبيحنا فوق كل جبال
تنهض بإيماننا فوق كل محال
(ده مليكنا غالب عنّا بيحارب)2
ولو وسط تجارب نرفع أعلام نصرتنا

الله بيقول كمان نقشتك على كفى ليه بتخاف وانت في عيني محمي؟
دي حقيقة ثابتة مهما تدور الأيام مهما تعلى الغيوم أنا باعرف أصون
أنت في أمان أنت في أمان
إن كنت ضمنت ليك مستقبلك الأبدي إزاي ماضمنش ليك مستقبلك الأرضي؟
لو بتشك تعالى ألمس جراح صلبي هتلاقي رحمة وخير ومراحم جديدة كتير
كل الأيام كل الأيام
3- عايز قلبك يكون دايماً ثابت فيَّ ويكون دايماً حساس لصوتي ولمسة إيديَّ
تختبر كل يوم مطر من الغيوم تختبر كل يوم مطر من الغيوم