نورك جوايا (11 ترنيمة )

لأنك إنت إلهي ملجأي
مش عايز أخفي عنك ضلمتي
لكن جاي أحكيلك على اللي في قلبي
عن أشرس صراع أكبر مني

أنا اتنين كتير باحس إن أنا اتنين
كأني في الدنيا دي أنا بدورين
أنا اتنين جوايا فيه طبيعتين
وقلبي وإرادتي مقسومين
كل ما أعوز أمشي في طريقك
ألقى شري يشدني
ألقى جوه قلبي ميل
لأهوائي وشهوتي
عايز أمسك فيك لكني
مش سايب خطيتي
كل ما أعوز أعمل مشيئتك
ألقى شري في قلبي

كتير باحتار في حبي وصدقي ليك
لكنك كاشف قلبي وعارفني
وعارف حبي ليك وعارف ضعفي
قد إيه محتاج إليك انت تحررني
أنا اتنين كتير باحس إن أنا اتنين
كأني في الدنيا دي أنا بدورين
أنا اتنين جوايا في طبيعتين
وقلبي وإرادتي مقسومين
وحِّد قلبي في طريقك
واهدي عمري وخطوتي
متعة إني أعمل مشيئتك
أروع من خطيتي
انا باختار حياة ليها معنى
عن خطية تهدّني
إنت وعدت بروح القوة
هاترفع راسي وتردني

١- (إنت إلهي أمامك إنت شبع سرور
شمسي ونهاري وبيك أيامي مليانة نور)٢

القرار- هارنم وأغني وأملا الدنيا أنغام
أيامي معاك أمجاد
وعمري هايحكي عن حب وعن إكرام
غامرني بيه طول الأيام
(وفي الليالي هايكون ليك انتظاري
ومنك تعزياتي وفيك باصحى وأنام)٢

٢- (ليك انتمائي وامتناني والاحتفال
بيك افتخاري وانبهاري والانشغال)٢

١- (تفرق كتير لو تيجي لحضنه
تفتحله قلبك بكل اللي فيك
تفرق كتير لو سيبته يطبطب
يعلن عن حبه وحنانه ليك)٢

٢- (هايفرح قلبك
مين زيه اللي فاهمك
فاهم أعماقك وبيحنو عليك
حمل آثامك اتحمل أوجاعك
هو رجائك هو فاديك)٢

٣- (تفرق كتير لو تهرب لحضنه
برغم ضعفك وخيانتك ليه
تفرق كتير لو متخافش منه
لكن تخاف لو تفضل بعيد)٢

٤- (هايطهر قلبك هايغفر إثمك
على حساب دمه فوق الصليب
هايفك قيودك
هايساعدك في حروبك
هو الشفيع هو نور الطريق)٢

٥- (تفرق كتير لو تفضل بقربه
سامع لصوته
وماسك في إيديه
تفرق كتير لو تثبت في حبه
ترتوي بيه وعينك عليه)٢

٦- (هايحفظ قلبك هايصونلك نفسك
ويملا أيامك بالنور وبالخير
هايجدد قوة بالنعمة اللي جوه
قلبك هايفيض حب وبركة للغير)٢

(دايماً بقربك ربي باتغير أكيد
أنا هافضل كل عمري حبي ليك يزيد
أنا قبل ما أقول أو أعمل
راح أفكر نفسي وأسأل
هل يبقى يسوع موافق بسلوكي وسعيد)٢

القرار- (أنا هافرح وأزقطط أنا ابن ليك
وهازقف وأتنطط طول الطريق
وفي بيتي ومدرستي ومهما كنت فين
هاخضعلك وأطيعك عايز أعيش أمين)٢

(لما حد يدايقني وبيغلط في حقي
إنت وصيت ماردش غلطته بغلطي
علمني إزاي أحبه لكن أرفض إساءته
علمني إزاي أسامح زي ما بتسامحني)٢

١- زمان ومن سنين
كان فرحي أكتر من الأنين
كان أقصى الهموم
لو عندي لعبة مش لعبتين
سمعت إنك جميل
إنك المصدر لكل خير
صالح وأب كامل
كنت في طريقك باجري وأطير
(كنت باشكر قبل ما أنام
ع اليوم الحلو وبابا وماما
وكنت باطلب كل الأحلام
حتى لو حلم كله بساطة)٢

٢- لقيت ويا الأيام
أنواع جديدة من الآلام
واللي كنت باشكر عليه
اتحول ذكرى ويا الأيام
لقيته عالم فسدان
إبليس رئيسه
وفي شره غرقان
الظلم سايد وبيكبر
و الكره شوِّه جمال الإنسان
(لقيت أمواج الحيرة تعلى
هو إنت فين ليه سايبه يحصل
مش إنت صالح وأعلى سلطة
هو إنت فين امتى تتدخل)٢

٣- لكن في ظلمتي
شمس بتدفيلي قلبي
خليقة تعلن وجودك
مع كل خلية جوه جسمي
الغروب راح جاب نجوم
نجمة منهم بتشاور من فوق
على مذود إنت جيته
عشان هاتاخد مكاني وتموت
لقيت في صوت يملا كياني
إزاي فاديك يقسي عليك
ده حبي ليك اللي خلاني
اسيب المجد وأسرع إليك
أنا مفيش فيَّ تغيير
افتح عينيك فتنور وتشوف
إن الخطية شوهت العالم
وجه معاها الموت والخوف
أنا فاديك وفي كل الآلام
بتألم ليك وإيديَّ بترفع
أنا راعيك وفي كل الأيام
عندي سلطان عجايب أصنع

١- (كتير كنت حاسس بالأمان لكن لقيت
لقيته أمان مزيف وانحنيت
لما بعت الغالي وبالرخص اشتريت
اشتريت سرابي وفي ذلي بقيت)٢

القرار- مين غيرك يملا حكايتي نور وحياة
إيه أسمى من كوني ابن لله
مين غيرك بررني شبّعني رضاه
(ولمجده عييني سفير الله)٢

٢- (باخاف أبقى زي ورقة شجرة في الخريف
كأنها لم تكون وكأني طيف
كأني عابر على طرف التاريخ
حياة برة الهدف مليانة زيف)٢

١- (لسه نورك جوايا رغم إني باطفيه
إنت لسه بترحمني رغم إني قاسي
أنا لسه حبيبك
مع إني باستهين
بالحب العظيم)٢

القرار- (ربي جايلك طهرني
واغفر إثمي العظيم
قلبي تايب حررني
واشفي قلبي الحزين)٢

٢- (دايماً عينك عليَّ مهما كنت بعيد
إنت فيك الحرية مهما كان القيد
رد بهجة خلاصك
حياتي قدامك
ترجع تشهد ليك)٢

١- لِيَكُنْ لَي كَقَوْلِكَ
لِتَكُنْ لِي مَشِيئَتُكَ
لِتَكُنْ إِرَادَتِي مثل إرادَتِك
أُؤْمِنُ بِوَعْدِكَ
فَمِنْ أُصَدِّقُ غيرُك
فَكَلِمَاتُكَ أبديةٌ تدومُ مثلُكَ

القرار- (قُدُّوسٌ هُوَ اِسْمُكَ قُدُّوسٌ هُوَ شَخْصُكَ
قَدَّسَنِي وَاحْفَظْنِي كي أحيا لمجدكَ)٢

٢- بِكَ يبتهجُ قلبي
لكَ تهللُ نفسي
فأنتَ مخلصي وإني ملكُكَ
صنعتَ بي عظائم
وستصنعُ عجباً
ولكلِ متقيكَ رحمتُكَ دوماً

(مش الظروف اللي تحدد
مدى صلاحك وجمال قلبك يسوع
مش الغيوم اللي تأكد
إذا كان في شمس مليانة نور)٢

(لكن فداك بيّن صلاحك
حب الصليب أعظم دليل)٢

(بالإيمان هاخضع وأسلم
إن الكلمة العليا ليك
بالإيمان هاهتف وأسبح
هاغلب كل مخاوفي بيك)٢
بالإيمان أنا جاي ألقي كل حملي عليك

١- مش مستحيل عليك تجدد قوتي فيك
وأرفع جناح وأطير لفوق زي النسور
مش مستحيل عليك تشفي أقوى الجروح
تشفي الآلام وبفيض سلام تشرق بنور

القرار- ما أنت ديني دفعته
وأقوى الأعداء هزمته
وسلطان الموت نزعته
إنت يا قدير
شخصك بذلته ليَّ
روحك أعظم عطية
نعمة وبركات روحية
فيك يا يسوع

٢- مش مستحيل عليك تكسر أقوى القيود
تفتح سجون تأسر عيون أبطال تقوم
مش مستحيل عليك تأمر تهدى الرياح
وسط الأتون تحفظ تصون
ما أنت معايا

٣- مش مستحيل عليك تعوض عن السنين
من أرض بور تخرج بحور بركة وخير
معندكش المستحيل
إنت صخر الدهور
إنت الإله رب الحياة ملك الملوك

١- (أعلى صليب العار والموت
كان بيصلي عشاننا حبيبنا يسوع
كان بيتم فداء بيفتح لينا الباب
للراحة الأبدية)٢

القرار- (يسوع رب الحياة
يسوع فلك النجاة
من غيره هاقضي عمري
بالمراحم والدماء)٢

٢- (وسط عذاب وصراخ وآهات
أحلى نشيد اتغنى وعدى صداه
كل زمان ومكان
قد أُكمل إعلان نشيد الحب الأبدي)٢