أسندني٣- تخطيطك رائع (18 ترنيمة )

١- رب المراحم بنجي لك .. نسكب نفوسنا عيوننا عليك
نمسك في شخصك ننادي لك .. ارحم ده شعبك مستنيك
يا رب شعبك محتاج لك .. أرسل كلامك واشفينا
نسقط في يدك ونعود لك .. نترجى رحمة تحيط بينَا

القرار- يا رب أفكارك لينا .. صالحة وقصدك خير وشفاء
حتى إن سمحت اتذلّينا .. نرجع نردد لينا رجاء .. لينا رجاء

٢- انت اللي بتنجّي من الموت .. نجيت ودايماً هاتنجّي
وفي التجارب لينا الصوت .. كل التجارب هاتعدّي
تسمع صراخ شعبك في الضيق .. تنقذ واسمك يتمجد
تفضل ساندنا يا أقوى صديق .. وعدك لشعبك يتجدد
٣- انت اللي حاسس بألمنا .. لازم في وقتك هَاتجيينا
انت اللي شايف أتعابنا .. وكل هَم بيسبِينا
اسمع يا سيد لصُراخنا .. اغفر وعُد لنا و أحيينا
يا ربي رجّع أفراحنا .. واظهر مراحمك ورّينا

١- (تخطيطك رائع لحياتنا .. ولا يمكن أبداً تغلط
من كل كلامك الصالح .. مش ممكن كلمة هاتسقَط)٢
(عارف إيه الأفضل لينا .. كل حياتنا معاك في أمان
حاشا في يوم إنك تؤذينا .. كله لخيرنا مهما إن كان)٢
كله لخيرنا مهما إن كان
٢- (صالح دايماً مهما بيحصل .. عارف انت بتعمل إيه
قصدك دايماً هو الأفضل .. ليك الحكمة في امتى؟ وليه؟)٢
(ليك في الموت أكثر من مخرج .. بتغيَّر أوقات وأزمان
ومن الجافي حلاوة بتخرِج .. وحدك ليك كل السلطان)٢
وحدك ليك كل السلطان
٣- (عينك دايماً ع اللي يخافك .. واللي بيترجى مراحمك
عندك رحمة وخير لولادك .. صالح و كثيرة أمانتك)٢
(فكرك دايماً من ناحيتنا .. خير وسلام والآخرة رجاء
وبتحمِلنا في طـول سكتنا .. وعندك لينا يارب شفاء)٢
عندك لينا يارب شفــاء
٤- (انت إله القدرة وملجأ .. في رعايتك تحمل وتصون
وبيدك ترسم أيامنا .. ومستقبلنا معاك مضمون)٢
(راسم كل العمر وعارف .. كل الخير لحياتنا منين
لما بنتعب وحدك شايف .. تقدر تسند ما انت معين)٢
تقدر تسند ما انت معين

١- (جابلني وفديتني وليَّ مراحم ..
ولسه في ضعف إيماني باخَاف
وقلبي يشكك في قدرة يمينك ..
وناسي ماضيَّ وشيلة الكتاف)٢
وأعمال عنايتك تأكد وتحكي ..
بإنك راعتني في وقت الكفاف
سامحني وساعدني وزوّد إيماني ..
فأسلم يا ربي ولا يوم أخاف

٢- (ما أجمل إيماني في وَسط المصاعب ..
تغيَّر ثوابت وتصنع محال
وايدك بروعة بتضمَن نجاتي ..
وتفتح طريق ولا يخطر ببال)٢
ده لو كنت فكرت أختار لنفسي ..
أكيد كنت تُهت وضاعت الآمال
سامحني وساعدني وزوّد إيماني ..
فاشوفك ولا أرفع عينيَّ لجبال

٣- (وصالحة إرادتك يارب لحياتي ..
لو تفتح عينيَّ أشوفها بصحيح
وأسلِّم وأرضى عشان انت طيب ..
ودايماً ترتب لي كل مُريح)٢
ولا يوم أشك في غلاوتي عليك ..
ده برهان غلاوتي الجنب الجريح
سامحني وساعدني وزوّد إيماني ..
أتمّم إرادتك يسوع المسيح

١- (كل المخاوف شلتها لما في حضنك شلتني
مش دي وعودك قلتها؟ صرخة ليك أنقذتني)٢
(وقت البلايا والمحن جيت زي رابع في الأتون
رثيت وقلبك لي حني إزاي أمين زيك يخون)٢
القرار- ربي باعظم نعمتك وأهتف بفضلك كل حين
وأشهد بروعة رحمتك وقت التجارب والأنين
٢- (مش هانسى روعة وقفتك لما بإيدكخدتني
ولا هانسى لحظة سندتك لما تعبت حملتني)٢
(جيت لي بنعمة رفعتني رغم التجارب والآلام
لما انحنيت طمنتني ما هو إنت ليك آخر كلام)٢

١- الناس دي عايشة حياتها في مرارة
في أيام حزينة مالهاش ملامح
كله بيشكي مافهاش أمان
فيها اللي جاي زي اللي رايح
إلا ولادك موضوع غلاوتك
ليهم مكانة وأي مكانة!
(في حضنك انت بتحتويهُم
بحب دافي مالهوُش نهاية)٢

٢- ولسان بيحكي ع الضيقة
دايماً ونفوس حزينة عمالة تشكي
دي العين بصيرة والإيد
قصيرة ومين لحاله يقدر يوفّي
وولاد أسود بتجوع وتطلب
أما ولادك في الخير يباتوا
(تعرف تنجي م الضيقة ربي
واللي يعوزك تغمر حياته)٢

٣- ونفوس حيارى مش عايزة
ترسي ولا قادرة تدّي للرب لحظة
وبكرة يمكن مايجيش عليها
وهي راسمة خطة لبكرة
لكن حبيبي مرثى لنفسي
ثابت وصادق دايماً أمين
(سلّمته عمري ومِجداف سفينتي
وفين ما هَارسي هلقاه معين)٢

١- أنا عايز أوفي بوعدي
أحيا لشخصك نذير
وأعيش صادق في حبي
مش بس كلام كتير
ضيعت سنين في عمري
عشته لنفسي وقاسيته
جاي لك باصرخ ساعدني
من قلبي باقول نويت

القرار- دي حياة واحدة بتجري
والعمر ظل وبخار
لو عشت لنفسي هخسر
جاي لك واخد قرار
قدسني عشان أعيش لك
وأبقى لحبك أسير
والباقي أعيشه ملكك
(ما كفاية ده راح كتير)٢

٢- شعارات زايفة باقولها
وكلام مافيهوش حياة
وإرادة ضعيفة عاصية
وحدك فيك النجاة
أمسك أيدي وساعدني
طاهرني من الذنوب
إللمس وأشفي ضعفي
توبني عشان أتوب

٣- القدرة الإلهية تحميني
من الفساد فأعيش
في طريق مخافتك وأبذل
كل اجتهاد أنكر ذاتي
وأمشي من فوق
كتفي الصليب
أخدم والحب يشعل
جوايا نار لهيب

١- لو نفسك تعبت وانهارت
.واتقلبت كل العمدان
فيه فكرة عن قلبك تاهت..
أنا ربك ليَّ السلطان
أنا ع العرش وإيدي قديرة..
مهما بيحصل مهما إن كان
كل صعابك عندي يسيرة..
استناني بكل إيمان

القرار- (هاضمن راحتك طول أيامك..
شبعك بيَّ وعندي خلاص
مهما الواقع بان قدامك..
أعلن ثقتك فيَّ أساس)٢
أعلن ثقتك فيَّ أساس

٢- مش هانسى لك كل صلاتك..
أنا شفت دموعك في عينيك
أناتك وصلت وآهاتك..
أنا حاسس بالضغط عليك
أنا عارف إيه اللي على أكتافك..
أنا حاسب حملك مظبوط
وهاجهز منفذ قدامك..
ارمي عليَّ كل ضغوط

٣- وفي ضيقتك دايمًا باتضايق..
وفي حزنك أنا بيك دريان
بس في حبي هافكوأبارك..
وهانجيك طول الأيام
زي ما ابن أبوه بيشيله..
طول السكة لو تعبان
إنت في حضني يا ابني مكانك..
وفي قلبي رحمة وإحسان

١- (مش مهم إن طال ظلام الليل وعتم حولنا)٢
وجه يطفىضينا
ما بقينا نميز ملامح نسانا قد إيه
إنت صالحتهنا بين أفكار كتيره تهمنا
(مهما طال الليل بيمشي وييجي نور
ودمعة الأحزان هتتلون سرور)٢

٢- (لو هننكر فيك صلاحك يبقى فاضل إيه بقى)٢
ده صلاحك فيه الرجاء
هو بيجاوب السؤال هو بيهون مُحال
كل لغز وحيرة بيه يصبح رضاء
(إنت صالح أيوه صالح للدهور
وبكده بنشكر على كل الأمور)٢

٣- (مش مهم إن جات ظروفنا عكس ما كنا نريد)٢
وجات نفوسنا في الحديد
والسؤال بقى 100 سؤال والصعوبة بقت
محال وملتنا الحيرة والغم الشديد
(إنت قادر ع الأمور دي كلها
وإنت عارف إمتي تيجي تحلها)٢

٤- (إي حاجة جنب حبك تبقي مش المقارنة)٢
مهما يتأخر نهارنا
مش هنتساهل في حبك
مش ظروفنا اللي هتغير قرارنا
(حبك إنت حاجة لوحدها مش
هينفع جنبة حاجة تانية نحطها)٢

١- (أنا عارف إن الحاجة
ليك فيك الشبع راحة وسلام
أجمل مكان قربك وفيك
هاسمع و ادوق أحلى الكلام)٢

القرار- حريتي راحتي
وأماني عند رجليك
وفرحتي شبعي وضماني يا غالي فيك
وجلستي في قربك نِعَمْ دايماً تدوم
محتاج أعيش ربي في قربك كل يوم

٢- (وجعي يزيد لو يوم
أسيب ربي مكاني وأنشغل
عنك بعيد وانت النصيب
لما باغِيب مش باحتمِل)٢

٣- (ليه أشكي من حر النهار
أو أحيا في الجوع والعطش؟
حقّي ادوق أحلى الثمار
وأنا تحت ظلّك وانتعش)٢

١- تقدر توصل لي في ضعفي
وتعوض عن كل ما فات
تعضدني وأنا ساقط محني
ترفع تحيي بعد ممات

القرار- تقدر مانت قدير مين زيك
تحيي الموتى وليك سلطان

٢-وتحرر من قيد طال أسره
وترجع عصفور كان تاه
يرجع لمكانه ولعشه
وإنت مكانه وإنت شفاه

٣- تقدر تخلق خير من شري
وتحول لعنة لبركات
مين يمنع فيض لما بتدي
قلبك مليان لينا هبات

٤- تقدر تحسم وقت طويل
عدى على وأنا في صراع
تشرف رغم ظلام الليل
وتغير كل الأوضاع

١- يا رب مين يقدر يداوي
اللي انجرح يشفي بكلمة
مهما كان عمق الآلام
وقت الدموع فوق الخدود تدي
فرحت دي القلوب
وقت الكروب راحة وسلام

القرار- إنت اللي قلبك كله جود من نحونا
كلك صلاح أبدًا ما ترضى تضرنا
وقت الألم عندك بنيجي
وننحني فكرك أكيد
أعلى بكتير من فكرنا

٢- رغم الظروف نشهد نقول إنت أمين
جودك عظيم وقت المحن بتأكده
كل الجراح تشفيها وان مرت سنين
واللي أتكوي بنار الألم بتسنده

٣- كاهن عظيم قادر رحيم ربي
يسوع مهما نقابل من مشاكل من الألم
يقدر يعين متجربين يمسح دموع
يشفي إنين المكسورين يدي سلام

٤- بحكمتك نخضع لأمرك يا حبيب
إنت الحكيم فوق العقول طرقك يارب
بعد السفر لازم يروح بيته الغريب
وإنت رفيق للي في سفر وأحن أب

١- عدت طريقي ترشدني..
تعلمني وتنصحني
وفي البرية تسندني..
بإيدكإنت تمسكني

القرار- وأكيد الوعد دهليَّ..
ضمانه فيك ومش فيَّ
(كلام صادق إله صالح..
أميــن مـا تتغـــير)٢

٢- وعدت وضمنت إحسانك..
وانا صغير ولا أستاهل
وتغم قلبي بسلامك..
وتحفظ فكري بالكامل

٣- وعدت إنك بسلطانك..
لخيري الكل يتحول
ما كل شيء في إمكانك..
ومجدك إنت في الأول

٤- وعدت إنك هتشفيني..
بكلمة ولمسة إلهية
إلهي الحي نجيني..
ده كـل قدرتــك لـــيَّ

٥- وعدت هايبقي فيه
منفذ برغم التجربة المرة
خلاصي هتحمي
وهتنقذ مهما جاي بكرة

٦- وعدت النعمة تكفيني
برغم الشوكة ترفعني
تثبتني تقويني لمجدك
راح توصلني