هاني منير (20 ترنيمة )

(أمسك بوعده وشدد أيديك صدق كلامه وسط العيان
ده مين هايقدر يكون عليك وأنت في صفك رب الأمان)2
القرار- لا يمكن يا مؤمن تجاهد وأنت لسه في قلبك محبة غريبة
وعينيك في أحيان كتيرة تتوه وتنسى اللي حبك محبة عجيبة
2- (قوله:"ياربي دربني أضحي بكل غالي مهما يكون
وأنا باجاهد كله هايرخص "واثق تعوّض ده أنت الحنون)2
3- (جاهد في خدمة موضوعة ليك سيدك واضعها قبل الزمان
نفسه تتمم قصده ومشيئته وسط سلوكك حلاوته تبان)2

1- كيف وأنت الحبيب .. يهوى قلبي سواك!
(فأنت غذاء نفسي .. قصد عمري رضاك)2

القرار- لك ربي جملتي .. أغلى ما في الحياة
لك تبري فضتي .. لك نفسي يا الله

2- كيف وأنت المجيب .. أرجو ربي سواك!
(فأنت تغني حياتي .. تعطي حسب غناك)2
3- كيف وأنت النصيب .. يشبعني سواك!
(فأنت تكفي حياتي .. لا يكفيني سواك)2

(ربي عايشين وسط دنيا انت أدرى منّا بيها
كل حاجة فيها توجع ويا عالم إيه ماليها
عايشة فيها الناس مظاهر والدواخل جوه تحزن
ولسان حالها بيحكي نفسي ألقى الراحة فيها)2
(ده اللي مستنيها تحلى أو مأمل فيها لحظة
يبقى ظنه فيها خايب ولا يستأمنها بكرة
مش تشاؤم دي الحقيقة فكَّر فيها لو دقيقة
كل واحد فيها ماشي بس مش باينة له سكة)2
2- (واللي فاكر ليها عدلة راح تجيها بعد ميل
وانتظاره طال وعشمان لو للحظة منها خير
واللي حظه كان قليل ويا دوب أخد له كيل
يعرف إن الدنيا خايبة والكريم فيها بخيل)2
(ده الكتاب سبق وقالها احنا عايشين وسط ليل
بس جاي نهار جديد جاي بعد ليل طويل
واللي حزنه كان مِطوِّل أو مُهمَّش من كتير
راح يعوضه زيادة أصله مصدر كل خير)2
3- (وأما يُحبُك في ضيقها أجي أرفع عيني ليك
ألقى طاقة مفتوحة لي وابتسامة من عينيك
ألقى حضنك جاي يطمِّن رغم عيشتي وسط ضيق
و الأنين والشكوى تبرد لما ألقي سلامي فيك)2
(لولا احنا لسه فيها والسلام في أراضيها
كان زمانها شكل تاني والغضب كان جه عليها
ده اللي فيه دلوقتي أرحم بس مين يعرف ويفهم
جوه فُلك النعمة ادخل ده الطوفان هايجيب عاليِها)2

القرار- (اللي يجيلك ربي حالاً راح يلاقيك
يلقى محبة ونعمة وخير من مِلء إيديك)2


1- يشبع بيك يتلذذ تفتح له أحضانك
ينسى الوقت معاك ياربي ما أحلى كلامك
تكشف فكرك ربي وتعلن ذاتك ليه..ده اللي يجيلك
2- تفتح ذهنه ويعرف ازاي قلبك حَبُّه
مُت وكانت كُلفة وصرت خطية لأجله
كل غِناك يبقى له وتملا الغربة عليه..لما يجيلك
3- يمسك بيك يتعلق عارفك هاتنجيه
مهما إن كان الضيق واثق في غلاوته عليك
والمواعيد إن طالت لازم تيجي أكيد..بس يجيلك

1- كلامنجي وكلامي كتير وحياتي من غير تأثير
ولساني عمال بيلخبط وأنا فاكر نفسي كده كبير

القرار- يا رب ساعدني أتكلم وكلامي يصبح له طعم
وكأنه بملح مرشوش ولا أقول كلمات مالهاش طعم

2- وساعات حاجات أكبر مني برضه بقدم فيها رأيي
أحيانًا باطلع مكسوف أو واحد يطلع يجرحني

3- وإلهي خلق لي ودنين وخلق لي بس لسان واحد
وبكده أنا هاسمع ضعفين وأتكلم بلساني الواحد

1-(ياللي معاك الرحلة بتحلى رغم تعبها وكل ما فيها
ياللي أمانتك بتشجعني إني أسلِّم وأنا بامشيها)2

القرار- (كل نجاحي بيرجع ليك ياللي النفس ارتبطت بيك
عرفت نفسي الخير وياك ولقيت كل آمالي فيك)2

2- (لما بصِغر النفس باجي لك تفتح عيني على أمجادك
حامل كل الكون ده في إيدك أبداً مش راح تنسى ولادك)2
3- (تِجبِر كسر النفس تعوَّض أي خسارة في البرية
ليك في الموت يا إلهي مخارج ليَّ في شخصك نعمة غنية)2

1- انت جندي يسوع البــــار أوعى تكون غرقان في النوم
صحصح و أعرف أن عــــدوك حربه معاك طول اليـــوم

القرار- (لما تحس انك مهزوم وإنك خايف من الشيطان
اعرف إنه يسوع موجـود بيقويك و عليك سهـــــــــــران)2

2- اوعى تقول أنا لسه صغير بص وشـــوف داود إزاي
لما جه جليات راح قـاله بقوة ربــــــــي ليك أنا جاي
3- اوعى عدو الخير يغريك عن أوقات الصلاة بحَاجـات
علشان يسحب كل سلاحك تبقى وحيد من غير قــوات

عارفين يا أولاد الابن الضال مشي في يوم
ويا الأشرار فكر ياخد كل حاجاته وزعل منه
أبوه البار لف ودار في كورة بعيدة بعد ما كان
في بيته أمير جاع واتهان من كل الناس وبقت
عيشته مع الخنازير وإنت يا شاطر ياللي بعيد إزاي
تاكل من الخرنوب ده الخير كله عند يسوع اللي
عشانك مات مصلوب ارجع ليه قوام تلاقيه
فاتح قلبه مستنيك يغفر ذنبك يسعد قلبك
والسما كلها تفرح بيك

1- مرة في يوم والحر شديد تحت الشجرة جيت أرتاح
ضلة جميلة ونسمة رقيقة وكمان برضه الأرض براح
2- فجأة وأنا قاعد سرحان جت في وداني صوت عصفورة
صو صو صو صو فضلت تشكر اللي خلقها وبيه مسرورة
3- هو عايلها يوم ورا يوم ومشبعها ده خيره وفير
ده علطول فكرني بآية أنتم افضل من العصافير
4- قلت ساعتها أنا قد إيه غالي على قلب اللي فداني
هو أكيد في حياتي مرتب كل أموري ولا ينساني
5- علشان كده أنا لازم أشكر وأكتر من العصفورة كمان
ده مش بس يرتب أكلي ده رتب لي خلاص مجان

أنا عندي كمبيوتر.. جواه ألعاب جنان
جديد وشاشته كبيرة.. أحلى من بتاع الجيران
وبقيت شاطر في لعبه.. وبتبهرني الألوان
مش فاضي لأي حد.. وبقى وقتي مليان
وفي يوم صاحبي كلمني.. قال لي يا عم إنت فين
ما بقاش حد بيشوفك.. العب ماتش ولا اتنين
ما أنا كنت بالعب كورة.. في الشمس والهوا
وكنا شلة كبيرة..على طول نلعب سوا
أيوه بحب الكمبيوتر.. لكن بقيت لوحدي
ونسيت نفسي وصاحبي.. اللي أغلى حاجة عندي
صاحبي هايكبر معايا.. صاحبي هايسمعني
صاحبي بيلعب معايا.. لما باعيا بيسأل عني
صاحبي بيحس بيَّ.. صاحبي بيشاركني
صاحبي بفرحة ليَّ.. يضحك ويضحكني
صاحبي مش كمبيوتر.. صاحبي زيي إنسان
صاحبي عنده قلب.. عنده عينين وودان