أفراح وشفاء (5 ترنيمة )

1-(وقت المِحَن مالقاش أحن.. منك انت يضمني
تيجي أكيد وابقى سعيد.. وأحس بيك بتحبني)2
(تسمع وتشفي تعطي ويكفي.. ويفيض كلامك بالحنان
وألقاك أمامي راحتي وسلامي.. نوري ونبع من الأمان)2
نوري ونبع من الأمان
2-(كل اللي فات من تعزيات.. يشهد لوعدك الأمين
حي بوجود يمحي السدود.. ويفُك قيد المتعبين)2
(لامس وجودك خيرك وجودك.. رغم الصعاب اللي تزيد
بشهد لحبك وحنان قلبك.. تظهر تملي بفجر جديد)2
تظهر تملي بفجر جديد

1-(أمانينا معاك تتحقق.. أتعابنا بنصرة تغيب
ماشيين وياك بنصدق.. في وعدك العجيب)2
(أفراحنا اليوم راح تشهد.. بإيماننا في شخص البار
والروح جـوانا يأكد.. غالبـين أوجاع ومرار)2
(وحياتنا ماليها سلامك.. سلطانك ويا كلامك
وأنين في القلب بيهرب.. ومكانه بييجي حنانك)2
ومكانه بييجي حنانك
2-(وبروحك فينا ننادي.. بوعودك لينا يا فادي
لقلوب بجروح مأسورة.. وعمر عايش باكي)2
(ده في حضنك كل الراحة.. حضنك مليان بأمان
وإن جت سهام جرّاحة.. يفضل قلبنا فرحان)2
(وهـاتفضل لينا فادينا.. وملكنا وأحلى ما لينا
نوهب لك عمرنا كله.. ونفرّح قلبك بينا)2
ونفرح قلبك بينا

1-بنجيلك واحنا بنقدم روحنا حزننا وفرحنا ده ملك إيديك
ولو يوم محنة جات لنا تجرحنا وعدك يحرسنا و بترعانا ليك
2-بنجيلك بنسلم القلب اللي أتألم والحزن اللي يعلِّم جوه في قلوبنا
تشفي إيديك وتداوي وتطيّب وتحامي من كل الجروح اللي بتصيبنا

1-جاي وبسلم قلبى يا ربي تارك كل أموري إليك
باعلن ثقتي و باعلن حبي مهما يكون أنا خاضع ليك

القرار-(أيامي كلها في إيديك مش خايف من بكره معاك)2
(والمستقبل كله لديك مضمون فيه الخير وياك)2

2-ياللي بتدي القلب تملي وعد وراحة في الأيام
وعدك ليّ راح يضمن لي جود ومراحم ويا سلام
3-نفسي حاميها بسور من نار روحك في يا رب ماليني
ولا راح ممكن يوم أحتار علشان انت اللي بتهديني
4-ربي بحبك تحلى حياتي أقضي أيامي ماسك فيك
كل الحاضر كل الآتي زي الماضي مضمون فيك

القرار-(تسبيح يعلالك ويزيد.. ونفوس تتحدى الأتعاب
بإيمان تتحقق مواعيد.. وملكنا ده رب الأرباب)2

1-(وسط الأزمات.. وعدك مضمون
من بين آلامات.. ترفع وتصون)2
2-(أعلى الأسوار.. بندوس عابرين
ولا يوم نحتار.. وياك غالبين)2
3-(أفراح وشفاء.. غفران بإيمان
وياك يا رجاء.. كل الأزمان)2
4-(نكسر أرواح.. نفرح وياك
وقلوب ترتاح.. يسبيها غناك)2
5-(وأراضي بعيد.. اليوم هاتعود
بالوعد أكيد.. هانفُك قيود)2