ألبير سمير (4 ترنيمة )

1- طول ما في ايدك كـل حياتـي طول ما أنا ضامن عمـري الآتـي
ربي باركت ف كل الماضـي فيك يا يسـوع أمنـي وثبـاتـي

القرار- (هافضل أسبح وأرفع اسمـك وأفضل رغم آلامي باعيش لك
وأشهد وسـط الكل بحُبـك ضامن ليَّ مكـان فـي مجـدك)2

2- طول ما مكاني في دائرة حبك تفضل راحـة قلبـي في قربـك
تِحمي حياتـي بقـوة دمـك ويدوم فرحي لأنـي في حضنـك

1-(وقت المِحَن مالقاش أحن.. منك انت يضمني
تيجي أكيد وابقى سعيد.. وأحس بيك بتحبني)2
(تسمع وتشفي تعطي ويكفي.. ويفيض كلامك بالحنان
وألقاك أمامي راحتي وسلامي.. نوري ونبع من الأمان)2
نوري ونبع من الأمان
2-(كل اللي فات من تعزيات.. يشهد لوعدك الأمين
حي بوجود يمحي السدود.. ويفُك قيد المتعبين)2
(لامس وجودك خيرك وجودك.. رغم الصعاب اللي تزيد
بشهد لحبك وحنان قلبك.. تظهر تملي بفجر جديد)2
تظهر تملي بفجر جديد

1-بنجيلك واحنا بنقدم روحنا حزننا وفرحنا ده ملك إيديك
ولو يوم محنة جات لنا تجرحنا وعدك يحرسنا و بترعانا ليك
2-بنجيلك بنسلم القلب اللي أتألم والحزن اللي يعلِّم جوه في قلوبنا
تشفي إيديك وتداوي وتطيّب وتحامي من كل الجروح اللي بتصيبنا

القرار
أنا هافرح بيك علشان إنت بتكفيني
أنا هاهتف ليك علشان إنت بتحميني

١- مش مستني يا ربي موقف راح يفرحني
أو مستني كلام هايطمني ويسعدني
أو مسنود على ناس تتغير وتجرحني
وأرجع لك من تاني علشان تشفي وتشبعني
٢- مش راح أنزل عيني من على شخصك وجمالك
وأتذكر ضعفاتي وخيانتي وكسر كلامك
وياك يتجدد عهدي تغمرني بنهر سلامك
وتفيض فيَّ بروحك بشهادة لمجد جلالك

١- أنا عايش في الفلك أنا عايش في سفينة المسيح
أنا قلبي متطمن جدا وضميري مستريح
مهما تيجي الأهوال بركان ولا زلزال
لو ينابيع الغمر انفجرت فأنا مرتاح البال

٢- هانعيش طول العمر نصلي ونمجد اسمه العظيم
ونسبح دايماً ونرنم ليسوع فادينا الكريم
ونبشر كل الناس بالإنجيل والخلاص
والباب مفتوح للي يدخل بشرى لجميع الأجناس