أوبريت رامبو في المدرسة (24 ترنيمة )

(يلا بينا نعرف نعرف ربنا ونخلي جماله يملا قلبنا)٢
زي ما هو ماشي هانمشي وراه هانتبع خطواته في طول الحياة
(هانخلي بالنا منه وإحنا بنتعلم منه)٢
(هانفتح عنينا وودانا وقلوبنا ومفيش حد أبداً أبداً يقدر يغلبنا)٢

عايز أرنم وأعلي صوتي وأرفع لربي شكر قلبي
عايز أغني أجمل ألحاني وأهدي لربي حب قلبي
(عايز أقوله زيك مافيش كل كلامي مايكفيش)٢
علشان كدة

عايز أرنم وأعلي صوتي وأرفع لربي شكر قلبي
عايز أغني أجمل ألحاني وأهدي لربي حب قلبي
معاه الدنيا باشوفها أحلى طول ما أنا عارف إنه جنبي
(هافرح قلبه وأطلب رضاه أنا هنا عايش باستناه)٢
علشان كدة

عايز أرنم وأعلي صوتي وأرفع لربي شكر قلبي
عايز أغني أجمل ألحاني وأهدي لربي حب قلبي

القرار- (إنت قربت تيجينا)٢ يا حبيبي يا يسوع
يا حبيبي يا يسوع (ايمتى هانشوفك بعينينا)٢
يا حبيبي يا يسوع يا حبيبي يا يسوع
هانمشي في رضاك وإحنا بنستناك)٢)
أبداً ما هاننساك لحد يا يسوع ما تيجينا

شايف نور الشمس إزاي مالي الكون في كل مكان
وسط العالم راح أخليك تسطع زي الشمس تمام
رايح أعمل بيك أعمال وتصبح راجل في الإيمان
واملا حياتك مني محبة علشان تبعد أي خصام
بس بشرط تعالَ لحضني وسلِّم قلبك ليَّ كمان
علشان تبقى زيي تمام علشان تبقى زيي تمام

القرار- تليفون السما عمره ما كان مشغول أبونا السماوي بيردّ عليك
هو وعد بنجدتي لما قال اطلبني في وقت الضيق أنقذك تمجدني

١- مكتب سنترال مفتوح ليل ونهار بيوصَّل للسما كل محب البار
خدمة مجانية لأولاد الله في أوقات الضيق حالاً تضرب له تليفون تليفون

٢- لو السكة عطلت وماسمعتش رد وكأن السما فضيت ومافيهاش حد
صلِّي وخلِّي إيمانك دايماً بالرب مريح التعابى لازم يلحقك بالرد تليفون

١- اسمعوني يا أصحابي هاحكي لكم يا إخواتي
ع التغيير اللي حصل لي لما يسوع جه في حياتي
لما يسوع جه قلبي لما يسوع جه قلبي
غيَّر كل حاجة وحشة وملا أيامي هنا

٢- والكدب ده مش من طبعي لأنه طبع الشيطان
لما هاغلط مش هاخبي وأعترف إني غلطان
وكمان ماقولش اشمعنى وكمان ماقولش اشمعنى
لأني بحب إخواتي زي نفسي أنا

كل ديوني وفاها يسوع كل ديوني وفاها يسوع
أهتف وأرنم وأنا فرحان كل ديوني وفاها على الصليب
خطايايا في بحر النسيان كل ديوني وفاها على الصليب
كل ديوني وفاها على الصليب كل ديوني وفاها على الصليب
أهتف وأرنم وأنا فرحان كل ديوني وفاها على الصليب
خطايايا في بحر النسيان كل ديوني وفاها على الصليب
خطايايا محاها الدم..
خطايايا محاها الدم خطايايا محاها الدم.. إبليس لن يؤذيني
لن يؤذي لن يؤذي..
لن يؤذي لن يؤذي خطايايا محاها الدم..
إبليس لن يؤذيني
يسوع خد خطايايا ورماها جوه البحر..
طش رماها جوه البحر.. طش ..رماها جوه البحر
يسوع خد خطايايا ورماها جوه البحر لا يعود يذكرها أبداً

عندي قوة في قلبي جوه أقدر أحب كل الناس)
علشان أبقى زي يسوعي اللي منحني الخلاص)٢
عندي كمان قوة غفران أقدر أسامح الغلطان)٢)
وأنسى كل غلطه في حقي وأتمنى يبقى فرحان

ما تفوت يا زمان ده يسوع شايلي مكان)٢)
وقرب ييجي بسرعة وأعيش معاه فرحان)٢)
في السما ما فيش أحزان مع يسوع الحنّان
دانا مستنيه من بدري وكمان دايماً سهران
ما تفوت يا زمان

ربي يسوع علمني أكون رقيق زيك من فضلك خليني أتعلم منك
والناس لما يشوفوني يقولوا إني ابنك عشان تصرّفاتي خلتني شبهك
ده أكيد كان صوتك هادي ومش بتتخانق أبداً
تطلب وتقول من فضلك تاخد حاجة تقول شكراً

علم إيدي تعمل رضاك ومثال يسوع أتمسِّك بيه
ولو في يوم واحد عيَّط بإيدي أطبطب عليه
وفي متى خمسة تسعة وتلاتين لو اتضربت على خدك اليمين
حوِّله التاني كمان مش ضعف دي قوة إيمان صدِّقني دي قوة إيمان

القرار- فرحي بيزيد وأنا ماشي مع يسوع
فرحي بيزيد ومافيش تاني رجوع
باحبه في الصبح لما أشوف الشمس طالعة
باحبه في الليل لأنه خد باله مني
ولو في يوم من الأيام أحس إني متضايق
أفتكر إنه حبني وبيحبني على طول

القرار- (توت توت توت توت ده القطر هايفوت توت توت توت توت أنا جوه مبسوط)٢
١- قطر السما بيجري والوقت بيعدي رايح لحبيبي ومش ممكن هايهدي
٢- وإنت ياللي لسه واقف ع المحطة يلا بسرعة اركب دي زمارته بتضرب

القرار- شكراً يارب على الأرقام بتفكرني تمام تمام
إزاي يارب وقت الظلام تيجي وتعطينا السلام

١- واحد ده لص على الصليب صلى أذكرني يا حبيب
رديت عليه بسلطان عجيب اليوم تكون معي في الفردوس

٢- بولس وسيلا دول اتنين في السجن كانوا مقيَّدين رغم التعب
والأنين للصبح صاروا مرنِّمين

٣- بطرس يعقوب ويوحنا ثلاثة مع يسوع راحوا في جنازة قلبوها فرحة
وسعادة لما أقام ابنة يايروس

٤- وسط أتون النار أربعة فتيان ثلاثة بكل شجاعة صارت النار بهجة
وسعادة مع الحبيب الرابع ربي

٥- خمسة دول عدد الخبزات في إيدين يسوع صاروا بركات
مع اتنين من السمكات أشبعوا خمسة آلافات

٦- ستة دول عدد الأجران اللي اتملوا بالخمر تمام في عرس قانا الجليل
ذهب سقاهم بدل السكر سلام

٧- سبعة أيام الأسبوع كل المجد لربي يسوع
يوم الأحد أجي بخشوع أسمع كلام ربي يسوع

أنا شفت بستان وبقيت سرحان
في الورود والأزهار من كل الألوان
وسمعت العصافير بتقول ألحان
والشمس بتصبَّح على كل الأغصان
واليوم بيقول لتاني شوف الله إيه اداني
وشفت النملة مشغولة بشغلة
والنحلة بتعمل بيت من الشمع بتعمل بيت
وأنا لما شفت البستان بقيت سرحان ياربي
أسمع صوتك الجميل صبح وظهر وعصر وليل
وأسبحك كل يوم مع الشمس والنجوم
حتى الأنهار بتصَّقف بتصَّقفلك بإيديها
وبترفعلك أصواتها وكمان أنا معاها

أنا الحوت هو الحوت ضخم كبير باكل كتير بياكل كتير
مرة بلعت حاجة غريبة بيتهيألي سمكة عجيبة
وسمعت صوت بيقول: أنا فين يا ترى أنا فين
أنا مش عارف أنا فين أنا خايف مش شايف أنا خايف
إنت مين يا أخينا جيت من أي سفينة
يووه دي حكاية طويلة.. أنا اسمي يونان
أنا راجل غلبان وفي يوم من الأيام
الرب قالي كلام.. قلك إيه؟
قال لي روح بلد بعيدة والبلد اسمها نينوى
والناس اللي فيها عنيدة وأنا اللي عندي الدوا
لكن أمر الرب كان عليَّ صعب
قررت أهرب في سفينة أروح لأي مدينة
والبحر هاج علينا ولقينا نفسنا وحدينا
عملنا قرعة علينا نعرف المذنب فينا
نرميه من السفينة ويهدى البحر علينا
وبعدين؟ قرروا يرموني في البحر سابوني
حكاية ليها العجب بس إنت برضه السبب
أنا لو كنت محلك ماكنتش هاعمل زيك
مالك خايف محتاس ده الرب مد إيديه
عايزك تروح للناس وتكلمهم عليه
أنا فعلاً غلطان كان مخي عطلان
مش هاعمل زي زمان ولا أخليك زعلان

فاكر شاول قبل إيمانه قبل ما يعرف الرب يسوع
إزاي قلبه كان مليان كره وبغض لربه يسوع
لكن ربي كان بيحبه رغم ده كله ظهر لي
غير قلبه واسمه كمان أصبح بولس ملك إيديه
وإنت يا صاحبي بالإيمان قرب منه تنال غفران
قول له ياربي أنا مغلوب تاخد نصرة على الشيطان

القرار - أنا بكره هاطير في الهوا راح أطير
ده وعدني هايجي قوام تاني
عيني هاتشوفه وهاسمع صوته
وياخدني معاه على أوطاني

1- وفي لحظة هاطلع على فوق
ساعتها هايدي صوت البوق
وع السحابة هالقى يسوع
يستقبلني بمحبة وشوق

2- وهناك راح هانلبس تيجان
ونعيش في أحلى الأوطان
في السما الحلوة بأمجادها
ده جمالها يسوع وزينتها كمان

3- على طول في إيدينا القيثارات
ونرنم أحلى النغمات
وحدك يا يسوع المستحق
المجد يا من علشانا مات