منال سمير (134 ترنيمة )

١- أؤمر بالحياة للقلب اللي مات
حتى الذكريات نسينا واشفينا
قادر من العظام من كوم الحطام
تخلق جيش لمجدك انفخ روحك فينا

القرار- اشرق علينا.. بإيدك داوينا
استر ماضينا.. في دم المجروح
شدد إيدينا.. ارفع عينينا
والنصرة لينا.. بقوة الروح

٢- عشنا لروحنا.. وزادت جروحنا
راجعين لك سامحنا.. وفي قلبك اقبلنا
ده اللي فات كفاية.. عشناه للنفاية
اكشف الخبايا.. قدسنا وطهرنا

٣- رجانا في إيدك.. وفي قوة صليبك
نادينا نيجي لك.. ع المية تمشينا
نتغير لصورتك.. ونفرح في قربك
ولو يوم ضعفنا.. من تاني تقوينا

القرار- تعال يا يسوع بيتنا.. واملا حياتنا صلاة
وبــارك عيلتنـــا.. وادينا أحلى حياة

١- (بمحبتك حوالينا.. قربنا من بعضينا
وكل واحد فينا.. تملُك بالحب عليه)٢

٢- (نعبدك يا إلهنا.. في بيتنا إنت ملكنا
وكلمتك في حياتنا.. أساس بنرجع ليه)٢

٣- (حياتنا تبقى شهادة.. كل يوم زيادة
واملا قلوبنا إرادة.. نعرَّف الناس بيك)٢

1- يا اللي مت بدالي.. وشايل كل أحمالي
في السما بتشفع فيَّ
عمري ضاع واشتريته.. قلبي تاه ولقيته
وفتحت لي عينيَّ

القرار- يا إلهي أنا قلبي يسجد ليك
يا إلهي أنا قلبي يخضع ليك
يا حمل مذبوح عني

2- ليك المجد والكرامة.. والبهاء ليك علامة
سلطانك بيحررني
ليك القوة والجلال.. من البشر أبرع جمال
نعمتك بتغيرني

1- يا سبب وجودي ليك سجودي
فديتني بدم صليبك فكيت قيودي
وحدك فاديَّ حقك حرية
نلت في حبك براءة وحياة أبدية

القرار- دمك غطاني برك كساني
حبك نجاني وملا قلبي أغاني

2- عايش في خيرك ولا هاعبد غيرك
حاضر في حياتي وأيامي وماليني عبيرك
ساكن في قلبي ملكك يا ربي
لا هاتسيبني ولا هاسيبك وده عهد أبدي

1- يا ملك الملوك يا سيد الأسياد
بنحتفل بفادينا الحي من الأموات

القرار - يا يا مسيحنا يسوع إلهنا حي
يا يا ملكنا يا إلهنا مالك زي
لما عينينا تشوفك تملا حياتنا ضي

2- يا غالب الأعداء بمجد وبسلطان
قوة قيامتك فينا بنعيشها بالإيمان

3- يا غارس السماوات ومهدي نَوّ بحور
بتفك أسر شعبك وتخرجه للنور

4- يا مفتح العيون يا صانع الآيات
دي أرضنا بتشهد لك وفي السما علامات

ملك الملوك وجلالك مالي الوجود حوالينا
وجبال بتدوب قدامك اسمك عالي يا فادينا
دي الأنهار بتصقف لك كل الآلات تعزف لك
ويارب بكلمة منك كل الملوك تخضع لك
إنت عالي... فوق كل اسم مهما يكون
عالي... فوق السحاب ومالي الكون
عالي... هاتشوف ملكك كل العيون
عـالـــــي

١- النجم في السما بيشاور ع المسيح
وملايكة مرنمة بالحمد والتسبيح
وفي المذود يسوع نايم ومستريح
مع إن سرير يسوع أكيد ماهوش مريح

القرار- ماكانش فيه شجرة ميلاد في المذود البسيط
وماكانش فيه فريق كبير واقف بيقول نشيد
وماكانش فيه وياه عيال لابسين هدوم العيد
ولا بالونات ولا مخبوزات ولا أي شيء جديد
لكن ميلاد يسوع لينا النهارده عيد

٢- بترنم الملايكة بأجمل النغم
وفي المذود يسوع نايم مع الغنم
أمه بحنان تضمه بالحب والكرم
يرفع عينيه يشوفها يفرح ويبتسم

١- (يسوع اسمـه عجيب هو المسـيّا
يسـوع هـو القديـر هـو فـاديَّ)٢

القرار- (على الأرض السلام ومسرَّة لكل الناس
المجد في العلا يسوع جِه للخـلاص)٢

٢- دي ملايكـة في السما بتبشَّر أرضنـا
ملـك الملـوك جـانـا علشـان يردنا
وجِه للأرض فقير علشان بفقره نغنى
زي العبد الأسيـر واخـد مكاننا إحنا

٣- (يا كنيسة افرحي املي قلبك أغانـي
بصلاتك اسهري ده عريسك جاي تانـي)٢

1- إلهي ملكك إبدي.. وعظيم اسمك في الجبروت
قدامك تهرب عداك.. ويصير لينا الملكوت

القرار- ملكي يا ملكي.. قدامك نطرح تيجان
ملكي يا ملكي.. وحدك صاحب السلطان

2- وحدك كاشف الأسرار.. كلامك سيف ذي حدين
بينور أقسى القلوب.. ويغيرها في غمضة عين
٣- التايه يلاقيك طريق.. والضعيف يصبح بطل
لما من الموت بتناديه.. يحيا وحاله يتبدل
٤- مافيش زي عمل إيديك.. ولا فيه زيك إله
هاقضي حياتي باسجد ليك.. إنت العالي وإنت الله

١- (للمنتهى أحببتني.. مريت عليَّ وقوِّمتني
علّيت مقامي قدِّستني.. أنا قلبي ليك على طول مديون)٢

القرار- (قلبي مديون لحبك ليَّ.. رديت حياتي بنعمة غنية)٢
وعشان حنانك سبى حياتي.. وعشان جمالك ملا العيون
قلبـــــــي مديــــــون

٢- (عندك سلطان يكسر القيد.. ودمك ياما حرَّر عبيد
ضمدت جروحي وحرَّرتني.. نسيت آثامي بقلب حنون)٢