آدي سنة (9 ترنيمة )

1-(لما دعاني ربي قاللي تعال ارتاح
أنا عندي سلامك عندي لك أفراح)2
(مال الهم يسودك ليه بيحني عودك)2
خليني أمسك إيدك (وأمشيك في فلاح)2
2-(لما سمعت صوته قلت له يا ربي
كيف بتنادي عليَّ وأنا مش طايق ذنبي)2
(قاللي دمي يطهر من كل الشرور)2
أنا بحب الفاجر (وأخرجه للنور)2
3-(قلبي ساعتها اتهلل وامتلا بالروح
لما قبلت كلامه وشفت المجروح)2
(يا ربي بحبك وأعيش لك طول عمري)2
هافضل أغني وأهتف (وأسلم لك أمري)2

1-(أنا مستنيك رب الأرباب أنا مستنيك تفتح لي الباب)2

القرار-(أنا مستنيك رجايا فيك)4

2-(أنا مستنيك يا إلهي تعال أنا مستنيك تنظر للحالة)2
3-(أنا مستنيك يا إلهي لوحدك أنا مستنيك توفيني بوعدك)2
4-(أنا مستنيك كرامة لجروحك أنا مستنيك تملاني بروحك)2
5-(أنا مستنيك يا أعظم معلم أنا مستنيك أنا عايز أتعلم)2

1-(أوعى تكون مشغول.. أيامنا مش هتطول)2
عالم فاني ويزول

القرار-(يا فرحنا بيسوع الحي .. يا هنانا ما وعدنا جاي)2

2-(بكره ننسى الهموم.. لما يجينا اليوم)2
آلامنا مش هتدوم
3-(هيجي على السحاب .. كما قال الكتاب)2
ويتمّ وعد الآب
4-(نترك هم الأشرار .. ونرنم ع القيثار)2
بجوار يسوع البار
5-(نحضر عرس الخروف .. ونرنم بالدفوف)2
ده فرح مثله ما هانشوف

1-(سنين طويلة مضت والرب معتني بيَّ
وكل يوم محمول على الأذرع الأبدية)٢
(ويسوع بيده ماسكني في مراع خضر رابضني)٢
2-(ملك الملوك يا يسوع يا سيد الأسياد
نفوسنا بانتظار تأخذنا للأمجاد)٢
(وأتملي فيك بعينيّ يا يسوع يا غالي عليّ)٢
3-(يسوع سباني بحبه والقلب بقي فرحان
وعد يجينا من مجده وتنتهي الأحزان)٢
(تبقى السماء كلها ليّ أعظم ما فيها فاديّ)٢
4-(ملك الملوك يا يسوع يا ربنا المجروح
نفوسنا في اشتياق أن تمتلي بالروح)2
(وتفيض يا ربي فيّ بمواهبك الروحيّة)2

القرار-(يوم ما قابلتك يوم ما عرفتك)2
(أجمل)2 (أجمل أيام عمري)2

1-(يوم ما أطعتك يوم ما خدمتك)2
(أسعد)2 (أسعد أيام عمري)2
2-(يوم حلولك فيَّ بروحك)2
(أقدس)2 (أقدس أيام عمري)2
3-(يوم ما تجيني ومعاك هتاخدني)2
(أمجد)2 (أمجد أيام عمري)2

القرار-(مسيحي حلو ويتحب مكانه جوه العين والقلب)2
تمشي له خطوة يمشي اتنين ويحفظك في نني العين

1-(مشى لي من السما للأرض بحبه مالوش طول ولا عرض)2
وأخلى نفسه وترك المجد ورضي ياخد صورة العبد
2-(من غير ما تتعب وتدور تعال خد قلب منور)2
مفيش غيره هو النور يملا الحياة فرح وسرور
3-(وأنت يا رايح قول للجاي مسيحي يغفر كل شيء)2
زكا والخاطية وكل أثيم نالوا الحياة دخلوا النعيم

1-(عجز لساني عن التعبير.. لما نويت أوصف يسوع)2
(حاولت أسمو بالتفكير.. نطق فؤادي وقال يا جموع)2

القرار-(يا ريتني أقدر أقول وأعبر)2.. عن أوصاف الرب يسوع
يا ريتني أقدر أقول وأعبر.. عن أوصاف الرب يسوع

2-(بلحظة واحدة في طرفة عين.. طهرني دمه وصرت سعيد)2
(طوباك يا قلبي بقيت مليان.. فرح لا يُنطق به ومجيد)2
3-(لما ضعفت في الطريق.. والعدو خدني في الظلمات)2
(لقيت يسوع أغلى صديق.. سحق عدوي وقال هيهات)2
4-(قدوس إلهي يسوع البار.. مجدًا لصاحب الأمجاد)2
(طوباك يا مؤمن يا مختار.. هتعيش في ظله للأبد)2

1-(آدي سنة من السنين فاتت وأنا كلي أنين)2
(والرب جالي ومد إيده قاللي تعال هاتروح لمين)2
(أغفر لك ذنبك وأفرح قلبك)2
(أفضل بجنبك طول السنين)2
2-(يا ريتني أندم على اللي عملته من فكر وعمل وكلام قولته)2
(وأبكي من قلبي وأنظر لربي ما كنتش عارفه دلوقتي عرفته)2
(يغفر لي ذنبي ويفرح قلبي)2
(يفضل بجنبي طول السنين)2
3-(وليه ماعيشي أيام سعيدة وأبدأ حياتي حياة جديدة)2
(وسنيني اللي فاتت أنساها أنسى ماضيها وكل ما فيها)2
(وأعيش لربي من كل قلبي)2
(يفضل بجنبي طول السنين)2

1-(أنا واقف ع الباب واقرع مستمر وآديني باقرع)2
(وأنت يا ريتك كنت تسمع)2
(وتنتبه يا ابني وترجع)2

القرار-نسيتني ليه تاركني ليه ما تقوم ما تقوم
(ما تقوم أنا واقف مستنيك)2

2-(إيه حبك في الخطية علشان بتفضلها عليا)2
(عايزك معايا في الأبدية )2
(علشان ده أنت غالي عليا)2
3-(اسمح لي ادخل لحياتك وأعوضك اللي فاتك)2
(يا ابني أحشائي دابت)2
(ودموعي من أجلك سالت)2