وهيب نيقولا (2 ترنيمة )

١- تعالوا تعالوا يا تعابى.. من العالم الحزين
تعالوا خدوا السعادة.. من فادي العالمين
(هاتنسوا هموم العالم.. في لحظة في طرفة عين)٢
في لحظة في طرفة عين

القرار- (ده جماله بارع بارع.. أجمل من كل الناس
نور وجهه ساطع ساطع.. كله محبة وإخلاص
(مش لاقي زي حبيبي يسوع.. دورت في كل مكان)٢
دورت في كل مكان

٢- مين يمسح دمع عيوني.. إلا يسوع الحبيب
ده مات علشان يفديني.. مطعون على الصليب
(وقلبي في عز جراحه.. يلاقيه هو الطبيب)٢
يلاقيه هو الطبيـب

٣- الناس يمكن ينسونا.. لكن يسوع أمين
في الضيق بيتركونا.. لكن يسوع معين
(هو اللي بيده ماسكنا.. في الضيق وفي الأنين)٢
في الضيق وفي الأنين

٤- حبيبي مالك حياتي.. اللي وهبني الحياة
معاه لقيت نصيبي.. روحي هيمانة وياه
(وأنا مهما نظرت لغيره.. تشتاق روحي لرؤياه)٢
تشتاق روحي لرؤياه

1-(عجز لساني عن التعبير.. لما نويت أوصف يسوع)2
(حاولت أسمو بالتفكير.. نطق فؤادي وقال يا جموع)2

القرار-(يا ريتني أقدر أقول وأعبر)2.. عن أوصاف الرب يسوع
يا ريتني أقدر أقول وأعبر.. عن أوصاف الرب يسوع

2-(بلحظة واحدة في طرفة عين.. طهرني دمه وصرت سعيد)2
(طوباك يا قلبي بقيت مليان.. فرح لا يُنطق به ومجيد)2
3-(لما ضعفت في الطريق.. والعدو خدني في الظلمات)2
(لقيت يسوع أغلى صديق.. سحق عدوي وقال هيهات)2
4-(قدوس إلهي يسوع البار.. مجدًا لصاحب الأمجاد)2
(طوباك يا مؤمن يا مختار.. هتعيش في ظله للأبد)2