يا كنيسة يا متغربة (13 ترنيمة )

1- (يا كنيسة يا متغربة.. ده يسوع واقف ع المينا
والدمعة اللي مقربة.. دي علامة قرب فادينا)2

القرار- راجع راجع لينا.. ده كلامه اللي معزينا
راجع راجع لينا.. كلنا سايبين أراضينا
(شاهدين عارفين)2.. (بمجيئه التاني إلينا)2

2- (بالعالم متجربة.. وآلات إبليس حوالينا
أهي شمسك أهي مقربة.. ارفعي هلبك يا سفينة)2
3- (ومدينتك أهي مرحبة.. وعريسنا أهو مستنينا
أكاليلك مترتبة.. قبل ما هاتشوفها عينينا)2
4- (شهدائك زمن الصبا.. بدماهم رفعوا ايدينا
الناس قالوا متغربة.. ماشافوش يسوع وسطينا)2

1- (أوعى تنسى إني معاك.. طول اليوم عيني بترعاك)2
(نقشتك يا ابني على كفي.. علشان كده يا ابني ما تخافشي)2

القرار- ماتخافشي ماتخافشي.. (في وعودي ليك أنا ما رجعشي)2

2- (وعدتك يا ابني أحميك.. وفي خوفك سلامي ليك)2
(وفي ضعفك نعمتي تكفيك.. وفي مرضك أنا اللي شافيك)2
3- (أنا ساندك وسط الأزمات.. أنا رافعك فوق الضيقات)2
(وأعوّض عن اللي فات.. ده أنا إله المستحيلات)2
4- (أنا حافظك طول السنين.. إوعى تنسى أنا وعدي أمين)2
(هانجيك من قلب النار.. هاعديك كل الأسوار)2
5- (وقت خوفك أنا وياك.. وفي ظروفك مش هانساك)2
(في عالم مليان أشرار.. إلهك ده إله جبار)2
6- (أنا جاي لك على السحاب.. استناني مع الأحباب)2
(هانسّيك أرض الأتعاب.. تلقى الراحة في بيت الأب)2

القرار - (محتاجين لك كلنا مد ايدك ضمنا)2
انت شايف انت عارف انت كاشف ضعفنا يا يسوع

1- (مش ممكن أبداً هاتعيننا من غير ما نجيلك بآثامنا
ونقولك يا يسوع طهرنا نعترف لك احنا تعبنا)2
يا يسوع يا يسوع
2- (يعرفوا ايه الناس عن حالنا لا احنا منهم ولا همّا منا
عن العالم كله عُزلنا ده احنا شعبك و انت ملكنا)2
يا يسوع يا يسوع
3- (الشياطين نفسها تطعننا والعالم يتمنوا آلامنا
وانت دايماً بتطمنا نشكي ليه مادام انت شايلنا)2
يا يسوع
4- (فيض بروحك املا كياننا من غير روحك يفنى إيماننا
مد ايدك احيي عظامنا مجّد اسمك علّي عَلَمنا)2
يا يسوع يا يسوع

1- ( وكلامك حبيناه في قلوبنا خبيناه)2
(ده كتاب من روح الله ده رسالة ابن الله)2
2- (في كلامك شُفنا صليب شخص يسوع الحبيب)2
(إعلان عن حب عجيب فرحة لكل الخطاة)2
3- (وقرينا المعجزات أموات تحيا في لحظات)2
(نسّانا حب الذات لذّتنا كلام الله)2
4- (ورجال شهدوا بإيمان وكتابنا بيهم مليان)2
(نحتاج من الوقت زمان لو قلنا رجال الله)2
5- (قالنا صخر الدهور ده كتاب كل العصور)2
(السما والارض تزول والكلمة دي باقية معاك)2
6- (بيقولوا حرّفناه ماشافوش يسوع جواه)2
(ده الحي واسمه حياة أصحوا ده كلام الله)2

(ده يسوع اتنازل علشاني ده بصلبه وموته أحياني)2
(ده إلهنا البار خلانا أحرار)2 (هانرنم ونرنم تاني)4
(مش ممكن أنسى اللي فداني ولا هو في يوم راح ينساني)2
(الحزن أهو راح وضميري أرتاح)2
(فرحان بالراعي اللي لقاني وبارنّم وهارنّم تاني)2
(مش هارجع للعالم تاني لو جاني في يوم واتحداني)2
(هاتحدى وأقول غالب على طول)2
(أنا غالب باللي اشتراني وبارنّم وهارنّم تاني)2
(أبدية جميلة و هبهالي وسعادة لا تخطر على بالي)2
(أفرح في سماه و أسعد بلقاه)2
(ده وعد يرجعلنا من تاني هانرنم ونرنم من تاني)2
*****************************
1- ملك الملوك اللي رعاني
رب ومافيش أرباب تاني
رب الجنود اللي فداني
أشهد وأعلن إيماني

القرار- عمانوئيل جه وسطينا
يا كنيسة اهتفي بأغاني
مجداً ليك حمداً ليك
مجداً ليك شكراً ليك

2- صلبك وموتك خلاني
أحيا وأعيش إنسان تاني
وضعت ذاتك علشاني
أشهد وأعلن إيماني
3- صخر الدهور جّه نجاني
بدل الشرور بِرّه عطاني
من العالم واتبناني
أشهد وأعلن إيماني
4- نسّاني حزني وعلّاني
أنا عالي فيه عن أحزاني
وهناك مافيش احزان تاني
أشهد وأعلن إيماني

القرار - (انت معانا كفاية علينا بتنوَّر قلبنا وعينينا)4

1- (إحنا نصلي للي جاي والعالم يبكي اللي فات)2
(إحنا إلهنا يسوع الحي مادد ايده بمعجزات)2
2- (العالم يشكي الآلامات والضيقة ويا المجاعات)2
(واحنا بنشكر في الأزمات ونرنم وسط الضيقات)2
3- (أفراحهم تنتهي بمرار وفرحنا بيسوع البار)2
(وممالك أكلتها النار واحنا نرنم باستمرار)2

1- اغفر زلاتي وطهرني عن كل العالم اعزلني
افحص أفكاري ارضى عني أنا عايز أشبع بيك

القرار - دي حياتي بتشبع بيك والنبع يفيض بإيديك
(يرجع ويسبِّح ليك)2 يجعلني أعيش فرحان

2- ثبّتني بإيدك ظلّلني على صخرة اسمك
حَصِّنِّي احفظ إيماني وكمّلني أنا عايز أشبع بيك
3- ارفعني بإيدك واحملني اسبيني بروحك علمني
وبصوتك حنّ وكلّمني أنا عايز أشبع بيك

1-(ماتفكرش كتير ده يسوع مش محتاج تفكير
متألمش كتير بدموع متألمش كتير)2

القرار - (ده عارف خباياك ده كاشف نواياك)2
ده قايل في وعوده إني هاكون وياك
(ماتفكرش كتير ده يسوع)2 مش محتاج تفكير

2- (ماتفكرش في حالتك دي و سيبها في إيد الرب
مهما هاتعمل زي ماهي صليله يقرب)2
3- (لو هاتشوف الدنيا اتقلبت فكّر إنه معاك بيقول
إن الدنيا اتغلبت لحظة صلبه هناك)2
4- (ارفع كل همومك عنك وافرح باللي فداك
شايل همك فرّح قلبك رنم ويا صلاة)2
5- (شوف الفرحة في وسط اخواتك شوف ابليس ع الباب
شوف الرب في وسط صلاتك فرحان بالأحباب)2

1-(أنت الأمان والأماني أنت الحنان في زماني) 2
القرار - أنت الوجود أنت الحياة أنت الإله أنت الإله
2- (أنت يسوع من فداني أنت يسوع من هداني)2

1- (بعد بعادي وبعد عنادي بعد ما كنت غريب وشريد
جيت يا حبيبي مسكت بإيدي اديت لحياتي طعم جديد)2

القرار - (مجداً مجداً ليك يا فاديَّ شكراً شكراً ع الأبديّة
ضمّتني وفتحت عينيَّ على حب مالوش أي حدود)2

2- (في كل أماني وفي أعمالي لقيته جنبي أعز صديق
عينه عليَّ وإيده في إيديَّ خطوة بخطوة في كل طريق)2
3- (في كل آهاتي وفي صعوباتي لقيت الصعب معاه بيهون
في لحظة طلبته جاني بحبه وإدّى حياتي طعم ولون)2
4- (لما أفكّر أو أتذكّر أفضالك يا إلهي البار
أرفع إيدي وأجدّد عهدي وأهتف لك وبكل فخار)2

القرار- أنا عايزك انـت.. يا صاحـب القـوات
تشغـل يمينـك.. تعمــل معجـزات

1- انـت عارف ظروفي.. قبل أنا ما أشكيهـا
مهمـا كانـت صعبـة.. هاتقدر عليـهـا
2- آدي البحـر هايـج.. وأنا مستنيك
وانت صاحب القوة.. والسلطان في إيديـك
3- الأسود جوعانة.. ارسـل ملاكك
خلّي الملك يعـرف.. إنـي أنـا ملكك
4 - الأتـون محـمَّـى.. انزل قـدامـي
و بيـدك الحلـوة.. طلعـنـي تـانـي
5- الأطبـاء احتاروا.. ورِّيهم ايـدك
خليهم يقولوا.. إن مافيش زيك

1- ملك الملوك اللي رعاني
رب ومافيش أرباب تاني
رب الجنود اللي فداني
أشهد وأعلن إيماني

القرار- عمانوئيل جه وسطينا
يا كنيسة اهتفي بأغاني
مجداً ليك حمداً ليك
مجداً ليك شكراً ليك

2- صلبك وموتك خلاني
أحيا وأعيش إنسان تاني
وضعت ذاتك علشاني
أشهد وأعلن إيماني
3- صخر الدهور جّه نجاني
بدل الشرور بِرّه عطاني
من العالم واتبناني
أشهد وأعلن إيماني
4- نسّاني حزني وعلّاني
أنا عالي فيه عن أحزاني
وهناك مافيش احزان تاني
أشهد وأعلن إيماني