مرنم ماهر فايز (312 ترنيمة )

1- ممتن لك ومافيش كلام.. يوصف مشاعر الامتنان
والقلب فاض وسجد أمام.. حبك يا أب مليان حنان

القرار- يا موسيقات الروح خديني
وقدمينــــي تشكـــــــرات
لمن فدى نفسي وسيبيني
أسكب له طيب التسبيحات

2- ممتن لك على الذبيح.. اللي اشتراني بدم الفداء
ونظم بصرخاته المديح.. لروحيَ المتعبدة
3- ممتن لك على الأمانة.. اللي صنعتها مع حقارتي
سترتني بنعمة ومعونة.. وأصلحت بالرحمة قيثارتي
4- ممتن لك على عمر عدى.. بكل خير يملى حكايات
وفي كل واحدة منها فيه سندة.. رفعتني لك بالتعزيات
5- ممتن لك على المحبة.. اللي حضنتني بيها في رضاك
عرّفت روحي تروح بطلبة.. وتهيم بشوق ناحية لقاك
6- ممتن لك ودموعي حمد.. لمعانها عرفان بالجميل
تحتيها بسمة اتسعت بمجد.. إله حنون مالهوش مثيل

1- (أنا حي بيك.. يا شمس الحياة.. متكون من تراب.. وروحي في الإله)2
(يا من صنعتنى.. وسكّنت فيَّ آه.. وشيء بيشدني.. من أرضي للسما)2

القرار- (يا محلاه.. تسبيح إنسان سابح لله
في مرآة.. شايف واخد رايح لله)2
وشيء جواه.. بيزيد ويفيض ويقول الله
يا الله.. يا الله.. يا الله.. يا الله

2- (شهيقي وزفيري.. مرهون بنسمتك.. وتكويني ومصيري.. موجود بكلمتك)2
(قول لي أنا بحبك.. ألاقيني كلّي عندك.. وأما ترجعني ليَّ.. أرجع و اشتاق لقربك)2
3- (في الحضرة اسألني فيني.. ألاقيني في اتجاه.. وجهك وألاقي عيني.. مفتوحة بالصلاة)2
(مطرح ما القلب ساكن.. باسكن على رجاء.. تتغير الأماكن.. وألبس سكني السماء)2
4- (ويسافر بيَّ نورك.. و أدوق في الرحلة شيء.. من الحق في حضورك.. يشبعني في الطريق)2
(وأهيم وأنا باغني.. في دواير من ضياء.. يرقص قلبي وكأني.. طفل في إيدين باباه)2
5- (حبك عَمَلني كائن.. بيعيش ع الحب فيك.. ويتدفّى المهابة.. ويروح بمخافة ليك)2
(جمراتك تحمي قلب.. العابد من أي موت.. لما يريدك ويقبل.. يموت حب في سكوت)2

1- أنا ماقدرش أتحمّل.. حياة وأنا مش في رضاك
دي الدنيا وما فيها.. لا تساوي لحظة معاك

القرار- ويا دوب أتوب.. وروحي تحن إليك
أطيب في طيب.. وأتحرك نواحيك
والفرحة تخليني أدوب.. وأتجمّع تاني فيك

2- أنا ماقدرش أكمّل.. من غير وعد و إيد
تسندني أعبُر بيها.. وتجيبني وأنا بعيد
3- أنا ماقدرش أطوّل.. في الغربة ولا في دار
أتغرَّب وأنا فيها.. عن وجه الأنوار
4- أنا ماقدرش أحوّل.. عيني عن طرف إيديك
أنا عبدك خدامك.. وباقبِّل قدميك
5- أنا ماقدرش أغفّل.. في رحلة طُهر معاك
عيني بمجدك فيها.. افتحها على ضياك

1- استيقظي استيقظي البسي عزَّكِ
يا محبوبة البسي ثياب جمالك

القرار- أنا أنا هو معزيكم أنا هو الحي إلى الأبد

2- انتفضي من التراب و خذي مكانك
يا مفدية انفكي وعودي من سبيك
3- لا أنساكِ أبداً على كفيَّ نقشتكي
أسواركي دائماً أمامي فأنتي لي
4- أنصتوا لي يا شعبي ويا أُمتي اصغي لي
قد أُعلن خلاصي وذراعي تحكم لي
5- ستعلمين أنني أنا الرب القادر
الذي لا يَخــزى أبداً منتظـــروه
6- ترنمي وانشدي و افرحي وهللي
وأوسعي خيمتك وامتدي وامتلكي
7- آتي بكي و بنسلكي إلى جبل قدسي
فيفرح ويهتف إلى الأبد في مظلتي

1- (أحبك معنى كل وجود.. وأحبك والكلام محدود)2
وحبك عدّى كل سدود.. (حبيبي يا يسوع البار)2
2- (أحبك تنتهي الآلامات.. وأحبك تبتدي النغمات)2
وحبك حب للنهايات.. (حبيبي يا يسوع البار)2
3- (أحبك رب للإنسان.. وأحبك راحة للحيران)2
وحبك راية للإيمان.. (حبيبي يا يسوع البار)2
4- (أحبك فوق صليب العار.. وأحبك بين لهيب النار)2
وحبك حب للأسرار.. (حبيبي يا يسوع البار)2
5- (أحبك القساوة تدوب.. وأحبك ترفع المغلوب)2
و حبك خلَّي قلبي يتوب.. (حبيبي يا يسوع البار)2
6- (أحبك انت أوفى صديق.. وأحبك حتى لو في الضيق)2
و حبك ليَّ أعظم شيء.. (حبيبي يا يسوع البار)2

1- كتّر أغانيك يا مسافر.. احنا في ترحال
شد الأوتار للصابر.. خليه متشال
خلّي الأشواق شغالة.. والروح شغّال
يسند في قلوب الرحالة.. ويحيي الأبطال
(كتر أغانيك)3 يا مسافر.. احنا في ترحال

2- كتر أغانيك يا مهلل.. بكلام الله
واغني الألحان من نغم الـ.. هللويا
اضبط وترك على أصوات الـروح في المكتوب
وحَّد نغمك مع نغمات الـشعب المحبوب
(كتر أغانيك)3 يا مهلل.. بكلام الله

3- كتر أغانيك واتكلم.. واخزي الشياطين
الغُنا يصفعهم ويجيبهم.. عند القدمين
ضرب الأوتار و الصقفة.. وبوق الفرحين
هَتَف الأبرار والكفة.. عليت بآمين
(كتر أغانيك)3 واتكلم.. واخزي الشياطين

4- كتر أغانيك يا معلِّي.. صوت الإيمان
علّاك الروح اللي محلي.. حب الفرحان
ما أحلى التجميع اللي يخلي.. كل الإخوان
رافعين أسماء المتجلي.. في طيب العرفان
(كتر أغانيك)3 يا معلِّي.. صوت الإيمان

5- كتر أغانيك طوّلها.. وقول عنه كتير
بالذكر نقصّر أيامها.. ويحلى المسير
بتهون الغربة وأتعابها.. لحظة ما نطير
من عتمتها ومن آلاماتها.. لوجهه المنير
(كتر أغانيك)3 طوّلها.. وقول عنه كتير

6- كتر أغانيك قول هانت.. جاي ابن الله
اصرخ صحّي في قلوب نامت.. وهي منتظراه
طوباه الساهر والثابت.. مستني لقاه
ويومين ويعدّوا وفي التالت.. هانكون معاه
(كتر أغانيك)3 قول هانت.. جاي ابن الله

القرار
مالناش غيرك انت إلهنا الحي بنترجاه
جايين ناحية قلبك بابا الكل امنحنا صلاة

1- رافعين قلوبنا إليك يا فاتح لنا باب الرحمة
ندخل نقبِّل إيديك الممدودة لنا بحياة

2- يا أبانا يا متكلنا مين غيرك انت يحن؟
ومين يجدد آمالنا لحياة في ملء الرضا؟

3- انت الإله اللي قلت لن يخزى منتظريك
منتظرة نفسي ورجوت بالحمد لك والدعاء

4- يا إلهنا حرر وحل من كل رُبُط الخطية
وامسك إيدين اللي ذل ولا تنساش اللي تاه

5- يا أبانا توبنا ليك وفيض علينا بنعمة
تخلّي شوقنا إليك يليق بحب الإله

6- عدِّي وزور اللي مَل أو كَل تحت المرض
واشفي المطروح وكل من صدق إنك شفاه

7- عزّي المحزون وزيد مخزون الفرح له
ده مافيش غيرك يعيد البسمة فوق الشفاه

القرار- (الرب راعي فلا يعوزني شيء في مراعٍ خضر يربضني)2..

1- (إلى مياه الراحة يوردني)2.. يرد نفسي هللويا
2- (يهديني إلى سبل البر)2.. من أجل اسمه هللويا
3- (أيضاً إذا سرت في وادي ظل الموت)2.. لا أخاف شراً لأنك معي
4- (عصــــاك وعكــــــــازك)2.. هما يعزيانني هللويا
5- (ترتب قدامي مائدةً)2.. تجاه مضايقي هللويا
6- (مسحت بزيتك رأسي)2.. كأسي ريا هللويا
7- ( خيرٌ ورحمة يتبعانني)2.. كل أيام حياتي هللويا
8- (وأسكن في بيت الرب)2.. إلى مدى الأيام هللويا

1- مصرنا يا أم الدنيا.. شعبنا يا (أجمل شعب)2
متباركين في الأرض الغالية.. وبنباركك (بكلام الرب)2

القرار- (ليكي سلام من قلب الله كوني يا بلدي أرض لسكناه)2
(كوني في خير وانتي في رضاه سيري في نور وجه الله)2
(وارتاحي وافرحي وافتحي قلبك لله)2

2- يد الله تحميكي يا بلدي.. و ترسّيكي (المرة دي)2
على مرسى حبه الأبدي.. ينسّيكي (تعب الماضي)2
3- يا أمي أنا ولدك.. وهاشيلك (وامسح دمعك)2
وفي دمي ساكن حبك.. وفي روحي (صلوة تهمك)2

آه لو نطق شجر الزيتون في جثسيماني عنك يا يسوعي آه لو يحكي ليل الشجون ويصف الصرخة بين الضلوع وكيف أحببت البشر في وسط الألم والقلب هناك انعصر والعرق كدم
في جثسيماني.. آه آه خررت هناك على الحجر بين الشجر.. بين الشجر آه آه شجر الزيتون - آه آه وبكى الشجر معك ورأى ما حدث وسمع وشهد كيف بسيوفٍ قد خرجوا عليك قُيّدت ومن معك ركض والباقي كان في النوم لم يسهروا معك ويهوذا أتى بين القوم جاء يقبّلك
في جثسيماني.. آه آه منفرداً والقلب انفجر بين الشجر.. بين الشجر آه آه شجر الزيتون - رجل الأحزان أنت يا من حمل وتحمّل عنا الوجع وقبل أن يشرب كأس المر والعلل لتحيي من قبل فيك الأمل وتعيد الأذن لمن فقد السمع في الليل وتقول أنا هو من يعطي الحب بلا كيل في جثسيماني.. آه آه الكوكب في الظلمة انتصر بين الشجر.. بين الشجر آه آه شجر الزيتون