شوق المفديين (6 ترنيمة )

1- (أنـا مـطمّــن وأنـــا ويــاه أصله نقـشـنـي عـلى كفيـه
أمشي فخور وأنا مـاشي معاه زي الطفل في إيد والديه)2

القرار – (أصل أبـويا هـو إلهـى هـو صنـعـنـي وهو فـدانـى
ازاي بعـد مــا جـه ونجانـــى أنـسى وأقول انه بينسـانى)2

2- (أمشي وأرفرف أنـا بجناحي من فرحتي إني ليسـوع
يــوم عن يـوم بتزيــد أفراحـي مهما قابلت عطش أو جوع)2

3- (أنـت يــا ربـي كــل آمـالـي أنت الراحـــة لـكل جـريـــح
لحظة بلحـظة رأيت أيامـي مش متروكة لعصف الريح)2

القرار –(ربي يا غالي غالي يا ربي ربي يا شوق المفديين
أنا من غيرك ربي يا غالي أنا من غيرك أبقى مين؟)2

1-(انت كمالي وانت آمالي انت جمالي ربي يا غالي)2
2-(انت كرامتي وانت هويتي انت حمايتي وانت صديقي)2
3-(انت عزايا وانت هنايا انت مُنايا وانت رجايا)2

1-غريب أنا غريب والأرض ما فيها مكاني
إمتى ييجي الحبيب ده أكيد راح ييجي تاني أترك ديار الغربة وأروح وطني

القرار -غريب أنا غريب وغريب عن وطني (مشتاق)5 لوطني

2-غريب أنا غريب وان كان في الغربة مرار
لحظة ما ييجي الحبيب ها أنساها مع الأبرار أترك ديار الغربة وأروح وطني
3-غريب أنا غريب مستني سحابة وصوت
يسوع ربي الحبيب وياه راح أعدّي الموت أترك ديار الغربة وأروح وطني
4-غريب أنا غريب ورحالي أكيد له نهاية
رايح دار الحبيب أفراحي تدوم يا هنايا تارك ديار الغربة ورايح وطني

1-(لا يستحيل عليه شيء هو القادر ربي الحي)2
أسود ..أتون ..ما يهمنيش ما دمتُ واثق إنه حي

القرار –(من إيه أرهب ولا أخاف؟ وأنا في إيد راعي الخراف
اللي بيده ماسك الدفة وهايوصلني للضفاف)2

2-(عينه عليَّ طول السنين ماسك دايماً يدي اليمين)2
قائد ليَّ في غربتي ويكفكف لي دمع العين
3-(أرفع راسي في الصعاب أرى حبيبي ورا الضباب)2
حالاً يملا قلبي سلام أهتف وأغني يا أحباب
4-(بيعوّضني عن الأيام اللي قضيتها في الآلام)2
ويغطي كل العمر خير وبرحمة يغفر الآثام

1-(مهما آلام الغربة تزيد ونيران الشر تقيد)2
(يسوع حبيبنا جاي أكيد والفرح راح يكمل ويزيد)2

القرار –(هانوصل الديار ونعزف ع القيثار)2
ونهتف يا أبرار (قدوس إلهي البار)2

2-(على السحاب نُخطف ونكون من غير همّ ودمع عيون)2
(نتمتّع بيسوع فادينا ده يا هنانا يا بختينا)2
3-(يسوع مستني ع المينا وبصوته الحلو ينادينا)2
(هيا أدخلوا يا أحبابي رثوا عزّي وأمجادي)2

1-(بإرشاد من روحي بديت بإيمان وخشوع صليت)2
(بوعود السما أيدتك ده أنا عنك ما تخليت)2
ثق فيَّ ثق فيَّ

القرار –(واترك لي السفينة سلم ليَّ المجداف)2
وأنا أقودك للمينا ثق فيَّ لا تخاف
(هلل ده يسوع فادينا تلاقيه آخر المطاف)2

2-(خايف من الموج والريح والعودة بقلب جريح)2
(ظل إنت في مشيئتي وأنا ليك في الضيقة مريح)2
ثق فيَّ ثق فيَّ
3-(بتقولي العمر قصير والصخر معاند السير)2
(خللي الدفة في إيدي وأنا أطير بسفينتك طير)2
ثق فيَّ ثق فيَّ
4-(لا تلومني كغافل عنك ده أنا يا ابني أقربلك منك)2
(اسمك منقوش على كفي ولا يمكن أخيب ظنك)2
ثق فيَّ ثق فيَّ
5-(قد أسمح لك بتجارب عايزك في الثغرة محارب)2
(أسقط ربوات من حولك تهتف بالرب أنا غالب)2
ثق في ثق في