يارب خليني أعيش لك (8 ترنيمة )

1- (وانت معايا بارمي كل الدنيا ورايا
وافضل ابص عليك جوايا
و اشتاق إني ألقاك في حكاية)2
(واشوف حبك مالي الكون
مالي حياتي ماله نهاية وانت معايا)2
2- (وانت معايا ألقى سلامك ليَّ في آية
ألقى كلامك جاري جوايا
زي الشهد ده ليَّ هنايا)2
(و سباني حبك ولقيت
نفسي جاية لك برضايا وانت معايا)2
3- (وانت معايا صورتك هي شمس ضيايا
صورتك ليَّ هي سمايا
وصليب حبك ليَّ حماية)2
(هو رجايا وعزايا منه رضايا
إني أكون ابنك ده كفاية)2
4-(وانت معايا نسيت وياك كل آسايا
شُفت الحب اللي ماله نهاية
وكان لي نوري وخطايا)2
باعيش حبك وسط العالم
كل صباح ألاقيك ويايا وانت معايا

1- (هو فيه في الدنيا ايه يستاهل إني أخاف عليه
غير إني أفرح قلب سيدي وأشوف رضاه عني في عينيه)2
(و أعيش عشانه وأديه مكانه)2
وتزيد غلاوته واشتاق إليه

القرار – (يارب خليني أعيشلك
أعيشلك انت يا إلهي وحدك)2
في كل يوم لأ ساعة وكل لحظة أمجدك

2- (أد إيه من عمري فات قليل فرحت وكتير آهات
عشان حاولت أعيش لنفسي وف آثامي كنت أبات)2
(لكن طموحي زوّد جروحي)2
ورجعت أقول بعد السُكات

1-)ارحمني يارب في مشواري اهديني وصفي أفكاري
بصليبك امنحني القوة من بعد الليل يجي نهاري)2
لو مرة زماني هايخدعني
باصرخ لك وبصرخة قوية ارحم يا يسوع
ولا أوفي الدين اللي عليَّ أبدًا يا يسوع
القرار- لو كل العالم حوالي لو ربطوا إيدي ورجلي
ولا أوفي الدين اللي عليَّ أبداً يا يسوع
السيف والحربة وعصياني وده تاج الشوك اللي ملاني
وطريق الأمل اللي كياني يوصفه بدموع
2- (علمني طريقك أحكامك والنور اللي في بر كلامك
والأيد اللي بتسند قلبي تديله أمانك وسلامك)2
وإن مرة الدنيا هاتاخدني
بضمانك بارجع يا فاديَّ بجبين مرفوع
ولا أوفي الدين اللي عليَّ أبداً يا يسوع

1-يارب أنا باجيلك قلبي مليان بحيرة
مشتاق إليك يا ربي تملاني بالسلام
أنا مهما بعدت عنك بتردني لحضنك
مافيش أحن منك يملاني بالأمان

القرار - ربي باهرب إليك من ضعفي باجري عليك
ما في أمل غير فيك بتردني إليك

2-ياما قاسيت كتير من حملي التقيل
ولقيتني ماشي وحدي في طريق صعب وطويل
ماهنش عليك تسيبني لظروف كانت أقوى مني
مديت إيدك شفيتني بحنان مالوش مثيل
3-لما نظرت إليك لقيت صورتي في عينيك
بسرعة لجأت ليك وف حضنك ارتميت
سمعت نبضات قلبك اللي بتعلن عن حبك
ولمست دفء حضنك لما قربت إليك

القرار – (أحتاج إليك وأجري عليك وتحميني
وأشبع أمان وأنا بين إيديك مخبيني)2
ولو مشيت في وسط موج تبقى رجايا ومنقذي
ولو بحور الدنيا هاجت على شراعي ومركبي
هافضل معاك يا ملجأي

1- مرت سنين وشُفت فيك راعي أمين
تنام عينيَّ وانت عينك سهرانين
(وأبعد وأتوه عن سكتي وألقاك معايا في وحدتي)2
تشفي جروح القلب وتشيل الأنين
(وينادي عمري يا مالي قلبي)2 يا أغلى حبيب..أغلى حبيب
2- أجري عليك تخطفني من وادي بُكايا
تمسح دموعي وتنسى كل خطايايا
(وأعيش وتبقى لي الحياة وتكون لعمري منتهاه)2
ألقاك في ضعفي تضمني وترشد خُطايا
(وينادي عمري يا مالي قلبي)2 يا أغلى حبيب..أغلى حبيب

1-) رفضت كلامك وقُلت أمامك
أمورك في عيني بقت ماتساويش
وحلمي بطريقي هايبقى حقيقي
وأفراح هاتبدأ ومابتنتهيش)2

وساعتها هاكبر وهاكبر وأكبر
وهاقدر أحقق طموحي وأعيش

القرار
(أتاريني بابني بيوت من رمال
وحلم لحياتي مجرد خيال
دي روعة حياتي إني أعيش لشخصك
ومن غير وجودك سلامي محال)2

2- (ومهما هافكر وأتعب وأدور
مش هالقى يا ربي مثيلك حبيب
صليبك طريقي حضورك رفيقي
وكل حياتي هاتفضل قريب)2

وتفضل يا غالي غلاوتك قُبالي
وساعتها هاقبل أعيش لك غريب

3-(محتاج لك ياربي تنور لي
دربي من نار الخطية قلبي إكتوى
مش هاقدر أسيبك حياتي في أيديك
وباصرخ ساعدني ونمشي سوا)2
ماهو أنت نصيبي وشخصك
طبيبي وصوتك بيشفي وحبك دوا

1-) مين يديني الحب الأبدي اللي مافيش زيه في إنسان
وأما ياخدني في حضنه الأبوي ألقى نفسي في بحر حنان)2

القرار – (ولا أب يكون ولا أم حنون ولا شيء في الكون إلا فاديَّ
لو كلي شجون المُر يهون لو أيدك يا يسوع في أيديَّ)2

2- (مين هايكون دايماً ويايَّ لو آلامات الكون حاوطتني
خطوة بخطوة يبقى معايا أيدي في أيده ويبقى ساندني)2

3- (مين هايكون لي وسط ضيقاتي عني أبدًا مش مشغول
ويمجد اسمه في حياتي عشان دايمًا أفضل أقول)

1- (يسوع رفيقي بهذه الحياة وما من مُعين لروحي سواه)2
إذا اليأس مزق لُب الفؤاد تلملم أشلاء قلبي يداه
ويرفع عني تراب الخطايا ويسمع صوتي إذا قلت أه
(إلى الشط يُرسي سفينة حياتي ويلقي لروحي بطوق النجاة)2
2- (رفيق طريقي ومالي رفيق سوا حب ربي الحبيب الرقيق)2
إذا ما بعدت أراه ينادي ويغفر بالحب كل عقوق
ينير دروبي بكل إتجاه وما معه يوم ضللت الطريق
(حنان وحب وفيض أمان ونور وحق ونِعمَ الصديق)2
3-) إلهي رفيقي وربي الحبيب وشمس حياتي التي لا تغيب)2
إذا ما طوتني ليالي الحياة وأرّق جفني صراع القلوب
أراه مُحبّاً يقول تعالَ وإلقي بحملك عند الصليب
(ويرفع عني سِياط المآسي ويمسح دمعي بحب عجيب)2
4- (إلهي رفيقي ورب الأنام وحارس نفسي الذي لا ينام)2
إذا ما سقيت كؤوس العذاب وتوجت بالظلم أو بالظلام
أراه محبًّا الذي يحتويني ويملأ قلبي بنور السلام
(فكم من حلول لأجلي لديه وكم من جراح لها التئام)2
5- (إلهي رفيقي وأصل الوجود وبالحب والعطف دوماً يجود)2
إذا ما بدأت طريق الجهاد يساند ضعفي بحب وجود
يطهر فكري يقدس نفسي يؤهل روحي لأرض الخلود
(صديقي ونوري ونبض حياتي إلهي رفيقي وحُبي الوحيد)2