1-يارب أنا باجيلك قلبي مليان بحيرة
مشتاق إليك يا ربي تملاني بالسلام
أنا مهما بعدت عنك بتردني لحضنك
مافيش أحن منك يملاني بالأمان
القرار - ربي باهرب إليك من ضعفي باجري عليك
ما في أمل غير فيك بتردني إليك
2-ياما قاسيت كتير من حملي التقيل
ولقيتني ماشي وحدي في طريق صعب وطويل
ماهنش عليك تسيبني لظروف كانت أقوى مني
مديت إيدك شفيتني بحنان مالوش مثيل
3-لما نظرت إليك لقيت صورتي في عينيك
بسرعة لجأت ليك وف حضنك ارتميت
سمعت نبضات قلبك اللي بتعلن عن حبك
ولمست دفء حضنك لما قربت إليك
