عارفني (8 ترنيمة )

1- كل ما أحس إن أنا وحداني
وألقى همومي بعيد وخداني
كل ما ضعفي يقرب مني
وألقى أيديك م الخوف شداني
بألجأ إليك وأتحامى فيك
وبحُب أب تمد أيد وتاخدني ليك
ألقى الأمان وأنسى اللي كان
وأنهض وأقوم ناسي الهموم
أيدي في أيديك
القرار
(يا أوفى قلب يحبني ويخاف عليَّ
أيديك يا رب أحن أيد تمسك أيديَّ
في وسط عتمة الحياة أنت اللي ليَّ)2

2- لو مرة تُهت وسِبت مكاني
وفشلت إني أرجع لك تاني
صوتك يردني ويفكرني
إن أنت حضنك كان عنواني
أنهض وأفوق وأرجع بشوق
وبعد خزيي وعاري ترفع راسي فوق
أفضل معاك ستري في حماك
وبعد ظلمة قلبي يدخل لي الشروق

3- لما الأنين يبتدي يملاني
وهموم وخوف مالي كياني
أيديك بتنزع كسرتي مني
وتداوي كل جروح في ثواني
ما أنت الطبيب وأنت الحبيب لو
كله سابني وكله باع ألقاك قريب
قلبك كبير خيرك كتير وآسرني
بيك يا إلهي بالحب العجيب

1- غيَّرت فيَّ شفيت عينيَّ خليتني أشوفك وأشوف كفوفك
مسمار ثاقبها علشان أعيش
طب ايه يكفي لو قُلت أوفّي ده أنا عمري أصله على بعضه كله
من غيرك انت شيء ما يساويش

القرار - أنا كنت واحد خاطئ مات دلوقتي فيه غيره اتولد
شخصي العتيق مابقاش يليق على قلب راح عندك سجد
وأنا من النهاردة مش ممكن أرضى أرجع يا ربي
ومن اللي عدى في قلبي ليك حب اتولد

2- طيّبت جَرحي كتَّرت فرحي مرّيت عليَّ شدّيت أيديَّ
قوِّمت فيَّ كل اللي فات
قدمت حبك فتحت قلبك وطلبت مني أقبل تشيلني
وإنك تعينني وأنسى اللي فات

3- قرَّبت مني حسّيت كإني أنا لا اتولدت قبلك وعِشت
أنا بس كنت في غيوم وليل
ده انت اللي جيتني يا يسوع حييتني أنا لو بافكر أكيد هأقدَّر
وعمري ما أقدر أنسى الجميل

1- (عارفني وعارف إني ابنك الغالي عليك
وقت أنيني تسمعني من غير حتى ما أهمس ليك)2

(وبتجيني تلاقيني لوحدي أنا مرمي وسط الشوك
تمد إيديك وتشفيني وتقول لي كتافي هايحملوك)2

(عارفني وعارف إني رغم جحودي أنا غالي عليك
عارفني وعارف إني مهما بعدت أنا هارجع ليك)2

2- (عارفني وعارف إني قلبك انت كبير وطيب
وقت آلامي ودموعي يا يسوعي مين غيرك يطيِّب؟)2

(وبتجيني تلاقيني مجروح ومرمي في الطريق
تمد إيديك وتشفيني بالحب يا أغلى رفيق)2

(عارفني وعارف إني لما في يوم أملي يضيع
مالقاش غيرك يا ضامنّي انت يا أوفى صديق)2

1-) بقالي مدة كبيرة ما أقعدتش معاك
مع إني عارف قد إيه بتحبني
مع إني ضايع في الحياة من غير لُقاك
كل ما أقرب ليك حاجات بتشدني)2

القرار
(ما أنا ياما سيبتك وأنت ياما ندهتني
ولا ثانية واحدة بعدت عني وسبتني)2

وعشان حنانك يا يسوع راجع إليك
راجع باقول إنك بجد وحشتني

2- (أنا ياما حسيت بالتعاسة والمرار
كان جوه مني خوف رهيب بيهزني
ومعاك سعادة مافيش مرار ولا إنكسار
وانا مش هاخاف ما أنت بحياتي بتعتني)2

3-(ضاعت سنين من عمري وأكلها الجراد
وعن اللي ضاع يا إلهي بيك عوضتني
أنا جاي بعد الغيبة وسنين البعاد
واللي أتهدم بأيديك ياربي هايتبني)2

القرار – (عالم صعب بس معاك الصعب يهون
أنا من غيرك مابقاش حاجة .. و ايه راح أكون؟)2

1- (ماسك يدي وبتقول عدّي مهما يكون
دايماً جنبك وبإيدي ماسكك بارعى وأصون)2
عالم صعب
2- (واقف جنبي مطمِّن قلبي وسط أتون
ياما نديتك ربي لقيتك راعي حنون)2
عالم صعب
3- (عالم صعب ومليان حرب شرور وجنون
بس معاك وأنا وياك بانسى الكون)2
عالم صعب

1- (نفسي أرتمي تحت رجلك وأبكي كل دموع عينيَّ
وأنسى نفسي يارب جنبك وأنت بتطبطب عليَّ
وتضمني وتدي الأمان وتهد سور حُزني اللي خانق فرحتي
وأعلى بيك فوق نفسي)2

القرار
(بألقى فيك كل اللي راح بأنسى بيك أعلى الجراح
وأستعيد كل اللي ضاع تحت الحمول المتعبة
أطوي بيه صوت السُكات أردم الماضي اللي فات
وأبقى ليك دايق معاك أجمل مشاعر طيبة)2

2- (نفسي أطرد مني خوفي اللي ساكن وأسيب لك أيديَّ
بيك يا ربي يسوع تشيل كل السدود وتعدي بيَّ
ترجع لي الأحلام تتحرر معاك نفسي وترجع ضحكتي
بيك هاترجع روحي ليَّ)2

1- (عارف إنك متحملّني وإني مارخصتش في عينيك
وماكنتش تستاهل مني أجرح قلبك وأقسى عليك)2
وبرغم ده كله تستنى وبتتأنى
وأما أحتاجلك دايماً بالاقيك

القرار - يا يسوع أنا جايلك وأنا عارف إن أنا غلطان
وماليش عين أنطق وأتكلم أنا جاي خجلان
طبعاً غلطان أيوه أنا عارف
لكن متأكد مش خايف
علشان جاي تايب من قلبي راح أنال غفران

2- ( مصلوب علشان واحد زيي مش بس عشان الأبرار
أنا جايلك وعايزك ضيي ده الليل هولازم له نهار)2
أنا نفسي المطفية الضلمة شبعت عتمة
وأنا عشمان تبقى لي نهار

القرار – (يا طبيبي هات دوايا ودوايا تكون معايا)2
في حياتي في طريقي أنت ربي وصديقي
وأنت نوري في الحياة وأنت فرحي وهنايا
(يا إلهي يا حبيبي يا طبيبي)2 يا يسوع

1- يا طبيبي نجي نفسي م الشرور والآثام
نقي قلبي م الخطية وأملاه خير وسلام
خد بأيدي في طريقك في حياتي مالي غيرك
أحن قلب أوفى صديق طبيب شافي للآلام
يا طبيبي هات دوايا يا حبيبي معاك شفايا
(يا إلهي يا حبيبي يا طبيبي)2 يا يسوع

2- يا طبيبي اهدي نفسي من اضطرابات الحياة
ونور حياتي امنحني الطريق للنجاة
طمن قلبي ريح بالي دبر ليَّ كل أحوالي
سايب نفسي بين أيديك وعارف إني عندك غالي
يا طبيبي هات دوايا يا حبيبي معاك شفايا
(يا إلهي يا حبيبي يا طبيبي)2 يا يسوع