1- (عارفني وعارف إني ابنك الغالي عليك
وقت أنيني تسمعني من غير حتى ما أهمس ليك)2
(وبتجيني تلاقيني لوحدي أنا مرمي وسط الشوك
تمد إيديك وتشفيني وتقول لي كتافي هايحملوك)2
(عارفني وعارف إني رغم جحودي أنا غالي عليك
عارفني وعارف إني مهما بعدت أنا هارجع ليك)2
2- (عارفني وعارف إني قلبك انت كبير وطيب
وقت آلامي ودموعي يا يسوعي مين غيرك يطيِّب؟)2
(وبتجيني تلاقيني مجروح ومرمي في الطريق
تمد إيديك وتشفيني بالحب يا أغلى رفيق)2
(عارفني وعارف إني لما في يوم أملي يضيع
مالقاش غيرك يا ضامنّي انت يا أوفى صديق)2
