لغيرك ممنوع اللمس (9 ترنيمة )

1- (مرفوعين دايماً بإلهنا بالتسبيح مالي أفواهنا)2
(في سنين الجوع العُجاف محمولين فوق الأكتاف)2

القرار – (بالحب يضمنا ويبارك عمرنا)2
الرب أحن علينا من أبونا وأُمنا
2- (منتصرين دايماً بإلهنا وإيماننا بيه هو سلاحنا)2
(وسطينا يصنع قوات وما يعرفش المستحيلات)2
3- (منتظرين من يد إلهنا بركة تفيض فينا وتفرحنا)2
(أمامه يشبعنا سرور في حضوره حرية ونور)2

القرار – (جاي وعارف إن أنا محبوب رغم كل عيوب
ده اللي يحط حياته في أيدك أبداً مش مغلوب)2
1- (حبك ليَّ يخلق فيَّ قلب ثابت قلب جديد
روحك فيَّ جدد ليَّ كل حياتي والمواعيد)2
2- (صوتك ليَّ أثر فيَّ كل يوم عن يوم بيزيد
شكل فيَّ أرسم ليَّ خطوات عمري بالتحديد)2

القرار – (عالٍ مرتفع فوق كل القمم مجدك عظيم فوق كل الأمم)2


1- (لا لن تسقط شعرة من رؤوسنا ها في يديك نسمة حياتنا)2
نسبح اسمك نبارك اسمك فأنت يا الله عالٍ عالٍ
2- (لا لن ينطفي الحب العظيم طُرح المُشتكي لأعماق الجحيم)2
نسبح اسمك نبارك اسمك فأنت يا الله عالٍ عالٍ
3- (لا لن نخشى غزوات الشعوب وكيف نخاف وأنت المهوب؟)2
نسبح اسمك نبارك اسمك فأنت يا الله عالٍ عالٍ

1- (لإله خلاصي باهتف وأنادي مجد وكرامة وعظمة للفادي)2
(حبه أبدي يا ناس مش عادي يرفع النفس المحنية)2
القرار – (يا نفسي هللي بالروح وأعلني إنك مش منسيّة
اهتفي و رنمي عن حبه إتكلمي وحنانه على البشرية)2
2- (وقت انحداري يسوع لقاني مجروح م العالم جاني وعزاني)2
(من قسوة إبليس نجَّاني وسكب زيت النعمة عليَّ)2
3- (أمني و سلامي في أيده وحده ودموع ألامي هانساها في مجده)2
(من كأس التعزية سقاني ورفع علمه محبة عليَّ)2

1- (عايز أعيش في مخافة اسمك ده سلامي في خضوعي إليك
ويشوف فيَّ العالم رسمك لما أنظر يا يسوع بعينيك)2

القرار- (انت الصفقة الرابحة في عمري انت المنفعة تحت الشمس
حقك وحدك تستخدمني ولغيرك ممنوع اللمس)2
ولغيرك ممنوع اللمس

2- (طهِّر كل خزاين قلبي أعن يا سيدي ضعف إيماني
خليني أبقى أمين في عبادتي واخلِق فيَّ شخص روحاني)2
3- (دخلني لأعماق الشركة انت صديق منتصف الليل
متّعني بفيضان البركة حبك غمر وعطفك سيل)2

1- (لو بردت فينا محبتنا أو يوم تُهنا عن سكتنا)2
( يعبر بينا ويرسينا)2 (لا بيهملنا ولا بيُتركنا)2
القرار- إلهنا عظيم حنان ورحيم لامسين حبه يوم ورا يوم
إلهنا مهوب قدامه تدوب كل جبال أحزان وهموم
2- (ناظر للي أتكلوا عليه للي أحتموا تحت جناحيه)2
(ويدي أمان للإنسان)2 (وف ضعف إيمانه يقويه)2
3- (يشفي الأعماق المجروحة و أحضانه دايماً مفتوحة)2
(وبيبنينا ويجمل فينا)2 (بالكلمة الحية الممسوحة)2

القرار – (مين زيك يا إله المجد أحكي إزاي عن أوصافك
و جمايلك اللي ما تتعد صغير أنا عن ألطافك)2
(ياما خدعتني الحيّة زمان وعشت ليها عبد أسير
جيتني لقيتني بقايا إنسان حملتني أيدك يا قدير)2
(لما سمعت يارب أنيني أخرجتني من طين الحمأة
ما أنت النسمه اللي بتحييني وأنت الراحة في وقت الخنقة)2
(ثبتت حياتي على الصخرة واختبرت حمايتك ليَّ
شفت سواقي مياه ف الصحرا منابعها من صخرة روحية)2

1- (وسط آهات قلبي المسلوب قَوَّاني بوعده المكتوب)2
(لمسني بروحه شفت جروحه إتأكدت إن أنا محبوب)2
القرار – (راعي جميل وقلبه كبير حبني حب مالوش مثيل)2
حبني حب مالوش مثيل
2- (كنت أعمى فقير عريان مر عليَّ في أحلى زمان)2
(بدمه غسلني بثوبه سترني مسحني بروحه بقيت فرحان)2
3- (شافني في عجزي وهواني حَس بضيقتي وقوّاني)2
(رد كرامتي دة عارف قيمتي نسّاني همي وأحزاني)2
4- (مولود خاطي بين الأنجاس وقلبي ياما إتهان وإنداس)
(لكن حبه خلاَّني ابنه وعلَّى مقامي بين الناس)2

1- (ياما وقفت كتير على بابي وأنا كنت باقدم أعذار
لكن اليوم بافتح لك قلبي وأبتدي وياك المشوار)
القرار – (ماتسبنيش من غيرك أنت إزاي راح أعيش
ماتسبنيش أنا زي حمايتك ربي ماليش)2
2- (بقيود الزيف والعبودية كان قلبي مقيد مأسور
لمستني بشارة الحرية صار في الحال القيد مكسور)2
3- (بخيانتي أنا ياما جرحتك ولا كان عندي أي ولاء
وأنت بحبك وبجراحاتك أهديتني يا إلهي شفاء)2
4- (ما أستحقش أقرب منك ولا أكون أبداً يوم مرغوب
بحنانك ضمِّتني لحضنك وبقيت ابنك المحبوب)2