مرنم نشأت واصف (41 ترنيمة )

القرار- (وباغني بين الناس أنا ليَّ إله عظيم)2
(أنا ليَّ إله عظيم )2
باغني بين الناس أنا ليَّ إله عظيم
1- (سامحني رغم إني عوَّجت المستقيم
ومحا صك ذنوبي وماضيَّ الأثيم)2
2- (أنقذني من الهبوط إلى حفرة الجحيم
وجدت أنا فدية في دمه الكريم)2
3- (إتراءف عليَّ إلهي الرحيم
وعلى الركبتين حملني كالفطيم)2
4- (من حوله أغاني تسبيح السيرافيم
لكن سامع مني الصلاة والترنيم)2

(يا منبع الأفراح ياروح الله املانا
عايزين فرح حقيقي يكبر ويزيد جوانا)2
(لا يفرحنا ولا يشبعنا خمر العالم الحزين
لكن نفرح لما بتفتح أبوابك لينا يا معين)2
(كرمة وتين مش عايزين ولا كُتر أراضي وأملاك
أنت أمين يارب ومين يسعدنا ويكفينا سِواك)2
(لا زنزانة ولا ترسانة هاتوقف تسبيح الرب
الفرحة الحلوة الرنانة تكسر كل قيود القلب)2
(مين يحرمنا من أحلامنا اللي إحنا بنحلمها معاك
شوقنا يا فادي نقف وننادي نعلن عن حبك وفداك)2

1- (أمر إلهي .. بعزِّي وجاهي .. وقلبي معاه متشجع
أنا ماسك .. في وعود البركة .. اللي بترفع وتشبَّع)2


القرار- (راح أقول لأ .. و أقف بثبات .. قدام المغريات
وهاقاوم إبليس .. وهاقول له .. زمنك ولَّى وفات)2

2- (إلهي ملاني .. بروح القوة .. مش روح العبودية
أسلوب حياتي .. أعيش يوماتي .. في قداسة حقيقية)2
3- (بالسلطان الروحي .. هاكمِّــــل .. ناظر للي فداني
كل جسور .. الشر العاتية .. هاكسرها بإيماني)2
4- (حتى إن خورت .. في لحظة ضعف .. يمين إلهي بترفع
اسم يسوع .. برج حصين .. أجري عليه وأتمنَّّع)2

(خجلان منك لكن جايلك بقلب كله بَرص وذنوب
بنعمتك ورحمتك توّبني ربي فأتوب)2
(عندك حب ورحمة وفيرة عند صليبك ليَّ بتظهر
وإن كانت خطايايَّ كتيرة غفرانك يا إلهي أكبر)2
(ندمان إني تركتك مرة باحلم إني أعود ليك تاني
وأنسى معاك أيامي المُرة وتردني يا يسوع لمكاني)2

1- (باحبك سيدي اوي و كفاية تبقى جوايا ومعايا)2
(غالي عليَّ وحبك ليَّ)2 (أعظم حب وأحلى رواية)2


(ليك السيادة والملكية من دلوقتي وللأبدية)2
من كل قلبي بانشد ياربي (أنا لحبيبي وحبيبي ليَّ)2

2- (حبيبي صورتك مالية عينيا ولا في غيرك أقرب ليَّ)2
(مين يسبيني غيرك يا شاريني)2 (ياللي لذة قلبك فيَّ)2
3- (إيماني بيك بيقويني لما العالم ييجي يغريني)2
(أقول باطل أيوه باطل)2 (ده حبيبي يسوعي مكفيني)2

1- (وجود يسوع فيَّ مالي الدنيا عليَّ)2
(شرف عظيم ليَّ إني أكون صغيره)2
القرار- (أنا عايش في خيره إزاي أعبد غيره)2
(ده هو حبيبي)2 (وأنا قلبي أسيرة)2
2- (حنانه مشبعني وحبه مشجعني)2
(هو اللي بيرفعني وأنا حامل نيره)2
3- (بالبركة حملّني بالرحمة كللني)2
روحه هايكملني ويظهر عبيره)2
4- (الشيبة على راسي تاج جمال وأنا ماشي)2
(في طريقه مش ناسي إني هنا سفيرة)2

1- (عايز أعيش في مخافة اسمك ده سلامي في خضوعي إليك
ويشوف فيَّ العالم رسمك لما أنظر يا يسوع بعينيك)2

القرار- (انت الصفقة الرابحة في عمري انت المنفعة تحت الشمس
حقك وحدك تستخدمني ولغيرك ممنوع اللمس)2
ولغيرك ممنوع اللمس

2- (طهِّر كل خزاين قلبي أعن يا سيدي ضعف إيماني
خليني أبقى أمين في عبادتي واخلِق فيَّ شخص روحاني)2
3- (دخلني لأعماق الشركة انت صديق منتصف الليل
متّعني بفيضان البركة حبك غمر وعطفك سيل)2

1- (مش عايز أجيلك ربي زي كل مرة
يومين ويرجع قلبي ينساك بالمرة)2
2- (ساعدني أجيلك أعيش وياك للمنتهى
و سلوك إيماني يأكد إن ضياعي أنتهى)2
3- (مش عايز أعيش مؤمن ضعيف جِسداني
وصوت الموج يتعبني ويهز إيماني)2
4- (خليني أكون ذابح ليك ربي مشيئتي
ضد الريح سابح وإيماني عوامتي)2
5- (مش عايز أكون خادم الناس تهنيني
حب الظهور يخدعني والأنا تغريني)2
6- (علمني أكون خدّام أغسل الرجلين
وليوم لقاك أعيش يسوع زيك أمين)2

القرار- (حنانك يا إلهي يحيّر و يفوق كل حدود العقل
حبك ثابت ما بيتغيّر يحمينا من الخوف والجهل)2
1- (سامع صرخات الإيمان أبدًا مش بتضيع ولا صرخة
تشفي التعبان و الحيران يعرف وياك معنى الفرحة)2
2- (مين يعفو ويُنجي سواك بطيء الغضب وصبور
تحمل أولادك لحماك راكبين أجنحة النسور)2

1- (الحاجة ليك وحدك يا راعينا وسط النار والشوك بتجينا)2
(نتعلق بيك وتنجينا)2 وعلشانّا ياما بتتحمل
القرار- (ياللي حبيتنا من الأول بُعدنا عنك طول)2
(أشتاقنا نرجع لك تاني)2 وبخلاصك نفرح ونهلل
2- (الحاجة ليك وحدك يا فادينا قادر تنعشنا وتحيينا)2
(نرجع نلقاك مستنينا)2 وبجودك أيامنا تكلل
3- (الحاجة ليك وحدك يا بار ياللي دُقت عشانّا مرار)2
(نطلب وجهك ليل ونهار)2 ولا نجري لغيرك نتسوّل