أعظم شريك معايا (10 ترنيمة )

الله بيقول كمان نقشتك على كفى ليه بتخاف وانت في عيني محمي؟
دي حقيقة ثابتة مهما تدور الأيام مهما تعلى الغيوم أنا باعرف أصون
أنت في أمان أنت في أمان
إن كنت ضمنت ليك مستقبلك الأبدي إزاي ماضمنش ليك مستقبلك الأرضي؟
لو بتشك تعالى ألمس جراح صلبي هتلاقي رحمة وخير ومراحم جديدة كتير
كل الأيام كل الأيام
3- عايز قلبك يكون دايماً ثابت فيَّ ويكون دايماً حساس لصوتي ولمسة إيديَّ
تختبر كل يوم مطر من الغيوم تختبر كل يوم مطر من الغيوم

1- (سنين بتمر سنين وكل يوم بتقويني
أمين دايماً أمين وأمانتك ليَّ بتسبيني)2
القرار – ( أعظم شريك معايا هو نبع الحياة
هو دايماً يرشدني وفي وقت ضعفي بيسندني)2
2- (مُعين طول الطريق هو أوفى صديق
ومين غير شخصه مين أقرب ليَّ حتى مني)2
3- (حكيم دايماً حكيم ووجوده معايا
يطمني كريم دايماً كريم ووجوده فيَّ بيغنيني)2

1- عايز أحكيلك على اللي في قلبي أحكيلك عن حيرتي ووجعي
وأشكيلك من ضعفي ونفسي أنا محتاجلك يا يسوع
عايز أقول لك أنا من غيرك عمري ضايع في الأنين
أنت يا ربي اللي بيفهمني ويفّهمني وكمان بتعين


القرار- أنا من غيرك معرفش أكمل لو لثانية الطريق


2- وأنا باحكيلك ع اللي في قلبي انت حبيبي بتسمعني
حتى ولو مش شايفك جنبي انت في ضعفي شايلني
انت ياربي اللي يطمني ويهدّيني وبيهديني
الوحيد اللي يعزيني من ألمي بركات يديني
3- احفظني قريب من قلبك صديق دايب في صديق
خلينا أنا وانت واحد انت فيَّ وأنا فيك
كل يوم عايز أقرب لك تُملك فيَّ وتملاني
وكلامك يبقى فوق راسي رايتي ودايمًا عنواني

1- (لأنك الإله ورب ذي الحياة نفسي تسبح وقلبي يعبد)2
القرار- (ربي ما أحلاك ربي ما أشهاك ليس لي سواك ربي لأعبده)2
2- (لأنك قدوس ولك سلطان لذا أحمدك وأفرح بشخصك)2
3- (لأنك يسوع ما أمجد اسمك فهو يلَذ لي ويأسر قلبي)2

١- نبع من قلبي دمعة للسما على شرنا
ولقيتني في قلبي باصرخ أول الخطاة أنا
ده احنا بخطية واحدة اتشوه كل جمال هنا
ولحد النهاردة بنرجع ونعيش لنفسنا


القرار - ما كفاية فتور ما كفاية شرور ويوم طالع ويوم نازل
ما كفاية زيف حاطط قناع والصدق ضاع فين الفاصل
وحب ذات خد وهات ودوافع لسه بتفاصل
ما كفاية غيرة ظنون شريرة بطرق العالم نتواصل
ما كفاية وعود لله بتدوب ولا في تغيير بادئ حاصل
وحب ذات خد وهات ودوافع لسه بتفاصل


٢- وعدتك أعيش لمجدك لكن لسه باعيش ليَّ
فاكر ينفع أعيشلك وأنا ليَّ نصيب فيَّ
أنا جايلك باعترفلك احرق كل أنانية
أنا عايز أعيش لمجدك عايز أعيش في الحرية

1- (ده في ليل وفي البستان يسوع في حزنه كان
مأسور في حب ومغمور بالألم)2
القرار- (وكان ينادي الآب يقول له الوقت جه
كاس العذاب اتملا وأنا جاي ليه
وأنت أبويا اللي تقدر على كل شيء)2
2- وكان صوته بيروح أنين قلبُه مجروح
واصل علشان حبايبه للسما
وكان بيحاربه الخوف وهو الإنسان بيشوف
تفاصيل ألم صليبه من هنا
3- وكان عرقه بيسيل كدم بالحب يقول
هو القدوس هايشيل خطايانا
وإزاي هايروح يموت إزاي عشان ينقذ م الموت
حتى اللي بيصلبوه بكل إهانة
4- خلاص لازم يموت إنسان من غير عيوب
علشان ينجوا من الموت وأحييهم
قد أيه تمن غالي تمن صعب ورهيب
لكن يا أبويا باحبك وباحبهم
القرار- (وصار ينادي الآب يقوله لأني ليك
كاس العذاب بقبلُه من بين أيديك
إرادتنا واحدة أنت فيَّ و أنا فيك)2

1- (عارفك لما تيجي ببركة في كل ماضيَّ
عارفك لما تيجي تعوضني
ترد كل حقك تجدد ليك سنين
فيها قلبي يعيش ويغنيلك)2

القرار- علشان حبك ياربي تكمل دايمًا فرحتي
وأعيش عمري متعزّي حتى في وسط دمعتي
عشان أبويا صالح عشان إلهي صالح
عشان أبويا صالح رغم جهلي ومحنتي

2- (عارفك لما تيجي بقوة لكل ضعف فيَّ
عارفك لما تيجي وتشفيني
تغمرني بنهر حبك تغرق خجلي
تخلي قلبي يعيش ويغنيلك)2

1- (بقالي كتير باطير بعيد فارد جناحي
بادور على اللي يخلي قلبي سعيد
طفت كتير عرفت وكمان جربت أكتر
وكان فراغ قلبي كل يوم بيزيد)2
القرار- (عايز أكون عايز أوصل عايز أعيش حياة أفضل
محتاج لمعنى وحب وحلمي لسه بعيد)2 لسه بعيد
2- (ومرة لقيت بريق بعيد لنجمة بيضوي
من جوعي طرت وراه أمل جديد
وكنت كل ما أقرب البريق بيبعد
وفي سراب أسرني حلمي بقيت شريد)2
3- (وسط دموعي سمعت صوت جنبي نداني
فتحت عينيَّ لقيت يسوع على الصليب
أيوه لقيت يسوع على الصليب بدالي
عشان أعيش حر وألقى نفسي فيه)2
القرار- (مات يسوع علشان أوصل علشان أعيش حياة أفضل
من هنا للأبد أنا ملك ليه)2 أنا ملك ليه