عايزينك (15 ترنيمة )

١- لو تزول السموات حتى مهما الوقت فات
لكن كلمة من كلامك مش هاتبقى ذكريات
انت لينا إله أمين ثابت طول السنين
وعدت هاتيجي لبلدنا ويعرفوك المصريين

القرار - دي البلد اللي انت قُلت عليها يارب.. "مبارك شعبي"
دي البلد اللي انت جيتها ومكتوب.. منها "دعوت ابني"
دي البلد اللي بدماك وصليبك اشتريتها
مصر محتاجة حضورك اسمع لصراخها وصلاتها

٢- حوالينا أكاذيب ضلمة وخوف رهيب
أعلن يارب حقك وموتك ع الصليب
مهما العدو قال انت إله المحال
ده المقطم ليك بيشهد انت ناقل الجبال

٣- أيادينا مرفوعين بنصلّي وسهرانين
مستنيين مجيئك ده انت ف وعدك أمين
ليسوع تسجد جباه وتعترف شفاه
خلّي شعبك كله يعرف إنك أعظم إله

1- من بعد سنين وسنين كنت فيها بعيد
من بعد وقت طال عنك كنت باحيد
من بعد زمان قضيته في هم وحزن شديد
أنا عايزك ربي تخلق فيَّ قلب جديد

القرار - غيّر حياتي وخليني أعيش وياك
نسّيني الماضي ووجّهني لفعل رضاك
وحياتي الجاية أعيشها لمجدك وفي حماك
مستني أشوفك ربي تاني في سماك

2- أيامي الجاية يا ربي باسلمها إليك
واثق إنك هاتقودني وعيني عليك
أحلامي مخاوفي وحياتي كلها في إيديك
ده أنا منقوش على كفيك محفوظ جوة عينيك

يسوع أنت كل ما أريد
فمهما تسأل حيثما تذهب أتبعك
فأنا محتاجٌ لك .. محتاجٌ لك يا الله

القرار- فأنت كل ما أريد .. أريد أن أكون قربك قربك
فحياتي معك تحلو لي .. حياتي بدونك سرابٌ سرابٌ

١- ( ضممتني إلى شعبك.. حررتني وسكنت داخلي
أسبحك يا خالقي.. أبارك اسمك الغالي )٢

٢- ( أنت تعرف ما بقلبي.. فهمتَ فكري ربي من بعيد
اختبرني وامتحنّي.. قدّسني واعطني قلباً جديد )٢

القرار- (عظموا الرب معي )٢.. ( ومعاً نعلّي اسمه )٢
هيا لنعلّي اسمه.. يســـــــــوع اسمـــــــه

١- فهو الإله الجبار المهوب.. من له المجد والإكرام
اسمه يدعى عجيباً مشيراً.. أباً ورباً رئيس السلام

٢- اسمه برجٌ حصينٌ فيركض.. له من طلب الاحتماء
اسمٌ ستنحني له كل ركبة.. ممن في الأرض وفي السماء

٣- اسم يسوع قويٌ قديٌر.. أزال الصك والقصاص
من قد أعطانا فداءً بدمه.. ليس بغيره الخلاص

القرار - في بلدنا اللي إنت باركتها تعال يا رب إلينا وادينا نشوف بعنينا كل وعودك لينا

1- عايزين نشوف سلطانك ترجع تاخد مكانك تبقى إنت ملك علينا وحدك سيد أراضينا

2- وتشددنا بكلامك تملا قلوبنا بسلامك وتكون مجد في وسطنا وسور نار من حوالينا

3- وكنيستك تبقى منارة ترشد نفوس محتارة تشرق بنورك فيها وتسود يارب عليها

القرار- عايزينك يا يسوع .. عايزينك يا يسوع
طالبينك يا يسوع .. طالبينك يا يسوع

١- عايزينك تيجي بلدنا .. تيجي تملك وتسود
تيجي وتعلّي إيماننا .. تغمرنا برحمة وجود
تمحي ظلام السنين .. ترفع كل الأنين
تؤمر لينا بالبركة .. بقلوبنا ليك صارخين

٢- عايزينك تسكب روحك .. على كل العطشانين
وبجلداتك وجروحك .. تيجي تشفي المحتاجين
تيجي تدي جمال .. عوضاً عن الرماد
وتعوض عن السنين .. اللي أكلها الجراد

1- مهما العالم.. مهما العالم شكله اتجمِّل قوي في عينيَّ
مهما جذبني.. مهما جذبني وحاول إنه يشد إيديَّ
مهما حاوطني.. مهما حاوطني بكل حباله ونادى عليَّ
هافضل رافع عيني عليك.. لأنك إنت

القرار - إنت يسوع اللي إديت المعنى لحياتي
إنت كفايتي ومعاك بانسى كل أوقاتي
وبتشبعني وتسدد كل احتياجاتي
بالقى أماني وراحتي فيك يا سر نجاتي

2- يمكن أضعف.. يمكن أضعف وأرجع تاني أبص ورايا
يمكن أنسى.. يمكن أنسى عملك رغم إنك جوايا
يمكن أحوّل.. يمكن أحوّل عيني عن شخصك يا فدايا
لكن بارجع تاني إليك.. لأنك إنت

1- مريت عليَّ وأنا في الخطية مارضيتش أصدق حبك ليَّ
مريت وعينك جت في عينيَّ وشفت حضنك مفتوح ليَّ

القرار - ده زماني زمن الحب وإلهي صانع العهد
يغفر الخطية وينسى ماضيَّ وبيضمن لي حياة أبدية

2- افتح عينيَّ يا فاديَّ خليني أقبل كل عطية
افتح وأعلن إنه ليَّ في المسيح نعمة غنية

3- أنا ليك وأنت ليَّ ملكك حياتي وكل ما ليَّ
أنا ليك يا فاديَّ يشهد عنك كل ما فيَّ

القرار - كل أرض ناشفة غطيها بمطر
وبروحك تعال على كل البشر
تتوب قدامك قلوب.. تنفك قدامك قيود
تسجد ليك ركب تشهد لإله مهوب

1- تعال لبلدنا وافتح ايديك.. غير أحوالنا أنا مستنيك
ده الكل ملكك منك وبيك.. نرفع تسبيحنا ليك يا مليك

2- تعال بنهضة ترد البعيد.. تعال واخلق ليك شعب جديد
يرنم ويرفع ذبيحة تسبيح.. يكرم ويعلّي اسم المسيح

3- لأنك إلهنا اتكالنا عليك.. تسمع صلاة شعبك يناديك
تأمر بالبركة وبمطر جديد.. يغطي بلدنا والخير يزيد

القرار - بحب مصر.. بحب مصر
وشايفها بعنين اللي بارك شعب مصر
بحب مصر.. بحب مصر
مش صدفة إني اتولدت وعشت في أرض مصر
وبحب أشوف يسوع بيجول في أرض مصر
يشفي التعابى ويفك النفوس من الأسر
ده أنا وإنت لينا دور نعيش شهادة
دي بلادنا مش هاتتغير إلا بيك

1- باجي وأتوب عن كل مرة رددت فيها مافيش أمل
كان فين إيماني لو حتى مرة إيمان يصدَّق ينقل جبل
لكني هاطلب علشان
2- قلبي مشتاق شعبي يرجعلك يعرف زمان الافتقاد
تيجي بالنهضة وتقوّم شعبك يقف قدامك في اتحاد
وأنا هافضل أطلب علشان