هدية ليك - الألبوم الثالث (9 ترنيمة )

1- (جايين وشوقنا تبقى انت رب البيت
أسسته انت بكلمتك وانت بنيت)2
دي قلوبنا محفوظة بسلامك في المسيح
وحسب غِناك كل احتياجنا انت مليت

القرار- (البيت ده بتاعك .. ملك ليك طول الحياة
املانا حب وفرحة واملا البيت صلاة)2

2- (حقق مشيئتك انت في البيت الجديد
خلّي قلوبنا قلب واحد يا مجيد)2
جوانا مصدر حبنا ؛ حب المسيح
من حبه لينا حبنا هايزيد أكيد

1-(ابنك وبنتك .. شايفين أمانتك
طالبين حضورك يملا بيتنا مصدقين
أنت اللي واعد .. فيك نبقى واحد
جمعت أنت يا رب ويفرقنا مين ؟!)2
القرار- (بارك بيتنا .. واضمن كل حياتنا فيك .. وادينا فرحة وسلام
دى طلبتنا : إن عيلتنا تبقى ليك أحلى شهادة مش كلام)2
2-(هافضل أحبك .. هاخضع لحُبك
زى الكنيسة والمسيح عايزين نعيش
مهما يقابلنا .. الله جامعنا
مع بعضنا طول عمرنا .. وفراق مافيش)2

1- جمعت قلوبنا بيك .. خليتنا واحد فيك
واديتنا الحب يملا القلب .. نفرح نتهنى بيك
بيتنا يبقى ليك .. يبقى محفوظ في أيديك
بيتنا هيغني ليك
القرار- (بيتنا هيغني لك)4 .. وهيرفع لك هتاف
طول حياتنا راعينا .. ماسك أنت أيدينا
وشايلنا على الأكتاف
2- أنت الراعي الأمين .. تشهد كل السنين
عن كل جودك ووعودك .. وحنانك يا معين
بيتنا هاتخليه بيتك .. وتنور فيه
بيتنا هيغني ليك
3- وهتسكن عندنا .. وأولادنا بعدنا
ليك يسجدوا ويعبدوا .. ضامنين فيك سعدنا
تملا البيت أفراح .. تبقى أنت فيه بترتاح
بيتنا هيغني ليك

1- (قلبي بيفيض بكلام صالح لجلالك
ولساني يرنم يا ملك الملوك)2
ياللي انت أبرع من بني البشر في جمالك
ياللي انت أغلى ما في حياتي يا يسوع

القرار- (جاي باغنيلك وأتمنى تبقى سعيد
بارفع تسبيحك وفرحة قلبي تزيد)2

2- (بيك أنا متهنِّي لأني بافرح قلبك
وأنا هافضل أغني و أقدملك أناشيد)2
اقبلها ترنيمة محبة باهديهالك
هدفي مسرة قلبك انت يا مجيد

القرار- دبلة وطرحة وورد كتير
فرحة وصوت ترتيل
سُبح ولحن جميل بنغنيه
رب المجد يكون بيقود هو البيت ويسود
وحده بخير وبجود من فيض إيديه

1-(ده فرح بنته وابنه دول مش جايين هايبنوا بيتهم
لكن ده هو اللي بناه
بيتهم ده هايبقى بيته وسراج مليان بزيته
بيشِع بنور يسوع وبصوت غُناه)2
2-(لو خطر أو ضيق وجوع تيجي لمسة يسوع
ويبارك زي عُرس قانا الجليل
تلمس بالنعمة إيده وبإيده الخير يزيده
يضمن أبدية الحب الجميل)2

1- جايين بآلاتنا نهتف .. نشكر من قلبنا
لو كل كلامنا يوصف .. نحتاج ولا 100 سنة
أيوة أنت يا رب رايتنا .. وأبونا وفخرنا
جايبين لك تسبيحتنا .. وتقديرنا وشكرنا
القرار- شكرًا ليك بنعلّيك .. مجدك يرجع ليك مش لينا
كل ما فيك أحلى وأجمل .. من الأوصاف اللي في أغانينا
شكراً ليك بنعليك .. مجدك يرجع ليك مش لينا
كل ما فيك أحلى وأجمل من أغانينا
2- مايهمش كام سنة فاتت .. ولا فيه كام سنة قدام
دي قلوبنا بجد اشتاقت .. تهديك باقي الأيام
راجعين نبقى لجلالك .. قدام رجليك خدام
نفضل باصين لجمالك .. ونعبر بالأنغام

1-غني يا شعب يسوع للي فدانا
غنوا مجدًا مجدًا لاسم يسوع
قدموا له المجد وأعلى مكانة
بالتسبيح علوا الهتاف لشخص يسوع
القرار- غنوا ليه غنوا ليه .. مجدًا لاسم الفادي
سبحيه سبحيه .. كل الأرض ونادي
صوت فرحة وصوت ترنيم .. في خيام الصديقين
والرب بنفسه معانا .. ده ملكنا وليه خاضعين
(وقلوبنا بيه شبعانة .. وبيه فرحانين)2
2-إهتفي له يا كل الأرض وغني
غنوا ليه ملك الملوك هو الإله
هو الرب صانعنا وهو راعينا
واحنا ليه شعبه وليه غنم مرعاه

فرحة وزينة وورد وتاج وأغاني
سددت كل الاحتياج .. ايه تاني؟
بس المشوار ده مانتهاش .. قُدنا انت أو بلاش
مين غيرك لينا القائد والمعين؟

القرار : مش بيتنا .. ده بيتك بين أيديك
و ياريتنا نبقى احنا ضيوف عليك
وراحتنا لو بيتنا راحة ليك
(ويكون بيت عنيا .. لكن بعيلة تانية)2
(كلنا فيه مريم نيجي نسجد ليك)2

2- انت اللي جامع القلوب وحاميها
انت اللي سامع لو يا دوب أغانيها
اسمع أغنية من قلبين .. عارفين إنك أمين
يا منَّور بيتنا وبيتك الجديد

1-فوق كل اللي طلبناه أكتر من اللي حلمناه
كل اللي بنتمناه اديت
طول ما انت معانا يكون أحلى بيت في الكون
عارفين بكرة مضمون طول ما انت فيه

القرار- (هايكون أحلى بيت و هاتفرح بيه
عايزين ايه تاني؟ .. طول ما انت فيه)2

2-فاكرين شاكرين عمل إيديك طول عمرنا
(مش ناسيين بركات سنين بيك شبعانين يا عمرنا)2
3-وعدي إني أكون ليك شمعة تنور لياليك
وأحاول إني أخلّيك مبسوط
وعدي أشيلك في العين جوة نني العين
بيسوع واحنا الاتنين نبني أحلى البيوت