لامس قلبى - شباب (8 ترنيمة )

القرار – (لامس قلبي وكل الروح و اشتياقاتي فين بتروح)2
عارف دقة قلبي وحبي
(وياك مش ممكن ابات مجروح)2

1- (امتى تيجي وتفرَّحني وتخلّي حنانك يجرحني)2
وأحس بديني وأرفع عيني وأشوف الحب اللي بِيسبيني
وع العالم ده بيعلّيني
2- (وقت الضيق افتكرك ناسي والخوف يتملّك إحساسي)
امحي بحور ظنون وشرور واسمع ندا قلبي المكسور
قول كلمة فيكون النور
3- (إملأ كل لحظة في يومي ارويني في صحياني ونومي)2
عيش من تاني جوه كياني سيب غيري يتمنى أماني
أما أنا أحضانك دي أماني

القرار – (يسوعي بحُبك إلهي بقُربك العالم يبقى في سلام
ويّاك يا ربي وجداني وقلبي ترفعهم إنت من الأحزان)2
1- (جوه البحور وسط الأمواج والريح شديدة وف هياج
نرفع قلوبنا ليك في سماك ترسل إيديك بحنان فياض)2
(تبكم رياح وتهدي أمواج وتوصل مركبنا بأمان
وتقول أولادي أنا مشتاق أخدكوا لحضني من زمان)2
2- (خطايا سنين حياتنا كتيرة أحزان وآلام مرت علينا
لكن بصليبك جيت تفدينا وترجعنا ليك يا فادينا)2
(خطاة لكن بتقول أولادي وتنزل لينا من سماك
أشرار وبصوتك لينا تنادي وتنجينا م الهلاك)2

القرار – (شاكرينك يا إلهنا الصالح على كل عطايا إيديك
حبك ساكن جوه قلوبنا رجلينا ماشية ورا خطاويك)2

1-(كل تعبنا عدى وراح وأتحول ضيقنا لأفراح)2
طول ما انت ماسكنا بيمينك هايبَات القلب مرتاح
2- (عارفينَك طيب وحنين تدّي ولادك كل الخير)2
واحنا يا ربي بنشكر حبك اللي إدانا عطايا كتير

1-(مفيش زيك حبيب لينا يشبعنا ويكفينا)2
وبإيده يغسل رجلينا ولخطايانا ينسينا
ومن جوه ينقينا نبيض أكتر من الثلج
القرار - وإزاي ياربي أرد جميل دايقه وعايشه نهار وليل
ومهما عمري ياربي يطول هاشكر وأسبح وأفضل وأقول
مديون أنا مديون لك أنا يا إلهي على طول
2- (مافيش زيك حبيب لينا بحب حقيقي يحينا)2
وبالبركة بيغنينا من غير ما نطلب يدينا
وييجي هنا أراضينا على الصليب يفدينا
بأعماله يعزينا وقلوبنا من الفرحة بتلهج
3- (مافيش زيك حبيب لينا ومين زيك ساكن فينا)2
يا مالي الكون ومالينا تعالى هنا في وسطينا
دي قلوبنا مننا راح تخرج
وإزاي يا ربي نرد جميل عايشينه في النهار والليل
ومهما عمرنا ها يطول يصلي كل واحد ويقول
مديون أنا
مديون لك أنا يا إلهي علطول

القرار - (لما لمست قلبي الميت فيَّ قام .. وأمّا لمست توبك زالت كل الآلام)2

1- (رغم الجراح رغم الأنين
رغم الخطية الساكنة فيَّ من سنين)2
(جاي بإيمان جاي بيقين
إنك هاتتحَنن وتشفي قلبي الحزين)2
2- (عِشت بآثام أيام كتير
كان ذنبي سجني اللي كنت جواه أسير)2
(وندايَّ ليك أملي الأخير
اسمع يا ربي صوت ضعيف إنسان فقير)2
3- (الضعف كان مالي الكيان
لكني راجع بارمي نفسي بين إيديك
(محتاج أمان لمسة حنان
محتاج أقولك ع اللي فيَّ وأشكي ليك)2

(ياربي عايز أجيلك لكني متربط)2
(هموم ومشاغل الدنيا خلتني متخبط)2
مستني إيدك الحلوة بلمسة إلهية)
تلمس حياتي وتغيرني بكل ما فيَّ)2
ماليش مريم ومرثا بيبكوا على قبري)2)
مش عايز غيرك أنت تبكيني ياربي)2)
وسمعت صوتك الحاني من موتي أحياني)
ولقتني فيك إنسان جديد ولدتني تاني)2
سنين وأنا كنت عايش جوه الظلام مسجون)2)
لكن لما قابلتك خلقت ليَّ عيون)2)
ولقيت عيونك عليَّ بنظرة إلهية)
تحضن كياني وتنور لي قلبي وعينيَّ)2

القرار – (جيت وأنا مشتاق لحضنك جيت ورافع عيني ليك
جيت وأملي تنسى جُرمي نفسي أرمي حمولي عليك)2
) -1بعد ما سيبتك يا أبويا بعد ما الأيام خانتني
بعد كل المال ما راح حتى كل الناس سابتني)2
2- (لما سبت زمان طريقك كنت فاكر إني هافرح
لقيت فرحي ده وهم كبير والأصحاب كمان بتجرح)2
3- (قلت لازم أدق بابك لازم أرجع أقول سامحني
أنا من بعد غيابي عنك كل شيء في الكون جارحني)2
-4 (لقيت في عينيك كل الأمان فاض النور والخير كمان
مش هابعد عنك خلاص هاعيش معاك زي زمان)2

القرار – (ملكك نفسي يومي وأمسي ملكك كل حياتي يا ربي)2

1- (لو قام العالم حواليَّ ضدي وضد كلامك ليَّ
هاتحدّى العالم وأقول له أنا ملك إلهي وفاديَّ)2
2- (مهما العمر يطول أو يقصر أنا هاعمل كل ما يرضيك
ده حبك مع عمري بيكبر أنا بذرة و زرعتها إيديك)2
3- (أشواقي يارب بتنده لك تيجي بسرعة تاخدني معاك
أصل سعادتي تكون وأنا جنبك في الأبدية هناك في سماك)2