ماري مرقس (4 ترنيمة )

القرار – (شاكرينك يا إلهنا الصالح على كل عطايا إيديك
حبك ساكن جوه قلوبنا رجلينا ماشية ورا خطاويك)2

1-(كل تعبنا عدى وراح وأتحول ضيقنا لأفراح)2
طول ما انت ماسكنا بيمينك هايبَات القلب مرتاح
2- (عارفينَك طيب وحنين تدّي ولادك كل الخير)2
واحنا يا ربي بنشكر حبك اللي إدانا عطايا كتير

القرار – (يسوعي بحُبك إلهي بقُربك العالم يبقى في سلام
ويّاك يا ربي وجداني وقلبي ترفعهم إنت من الأحزان)2
1- (جوه البحور وسط الأمواج والريح شديدة وف هياج
نرفع قلوبنا ليك في سماك ترسل إيديك بحنان فياض)2
(تبكم رياح وتهدي أمواج وتوصل مركبنا بأمان
وتقول أولادي أنا مشتاق أخدكوا لحضني من زمان)2
2- (خطايا سنين حياتنا كتيرة أحزان وآلام مرت علينا
لكن بصليبك جيت تفدينا وترجعنا ليك يا فادينا)2
(خطاة لكن بتقول أولادي وتنزل لينا من سماك
أشرار وبصوتك لينا تنادي وتنجينا م الهلاك)2

القرار- (في يوم عظيم أحتفل الكون
بميلاد رب المجد يسوع
في مذود بقر مولود طفل لكن خالق الوجود)2
1- العدرا ويوسف النجار دوروا كتير على مكان
ما لقيوا غير مذود بقر لا يتولد فيه إنسان
(جالنا يسوع في أبهى جمال فاق كل العقول)2
فاق كل العقول
2- يظهر الملاك لرعاة وسط هدوء الليل ساهرين
ويبشرهم بالميلاد العجيب لفادي العالمين
(المجد لله في الأعالي على الأرض السلام)2
على الأرض السلام
3- يا مجوس من المشرق جاين ورا نجم منور ماشين
تسألوا هيرودس الوالي عن قصر الملك العظيم
(شوفنا نجمة جينا نجري علشان نسجد ليه )2
علشان نسجد ليه

القرار- جالك يا مصر زمان هربان طفل صغير هو وعيلته
بارك أرضك بارك شعبك عاش قلبك شبعان ببركته)2

1- (يا بختك بيه حبه ملاكِ غطى حنانه وخيره سماكِ)2
جاي جايب لك فرحة كبيرة بركة كل الكون إداكِ
جالك يا مصر زمان هربان
2- (طوبى لشعب فتح أحضانه ضم الطفل يسوع ورعاه)2
مهما تمر سنين وتعدي شايل ليهم مكان في سماه
جالك يا مصر زمان هربان
3- (يفرد إيده ويدّيكِ أمان على أراضيكِ سلامه يبان)2
ده احتمى فيكي وقت هروبه وهايحميكِ طول الأزمان
جالك يا مصر زمان هربان