لا للإنكسار (12 ترنيمة )

1- (سيفي هو التسبيح درعي دم الذبيح)2
(أنا هاهتف لاسم المسيح لا للإنكسار)2
القرار- (لا للإنكسار لا للإنكسار
مش هارضى بهزيمة تاني لا للإنكسار
لا للإنكسار لا للإنكسار
بالدم المسفوك علشاني باعلن انتصار)2
2- (مهما تزيد الحروب مهما تزيد الكروب)2
(حي إلهي ومات علشاني حواليا سور من نار)2
3- (صوتي يعلى بهتافات جرد كل الرياسات)2
(كسر الفخ وأطلق نفسي وصرت أنا من الأحرار)2
4- لو ضاع المسار وبعدت عن حضن أبويا
وغلطت في القرار ووقعت جوة هوة عميقة مالهاش أرار
هاصرخ و بأعلى صوتي لحن يهز الأوتار
وأقوم وأصحى من موتي وأدوس على الأسوار
(وأقوم وأعزف على عودي لا للإنكسار)2

القرار- (أنا عارف غلاوتي فيك أنا عارف غلاوتي
خليتك تنزل م السما برغم قساوتي)2
(تيجي على الأرض الملعونة وتتجسد عشاني
بالحب لكل المسكونة وتتألم بدالي)2
أنا عارف غلاوتي فيك أنا عارف غلاوتي

1- (بالدم الثمين الغالي دفعت التمن
وفِّيت العدل الإلهي وأكملت العمل)2
(وحملت عني اللعنات وسحقت كل الحيَّات)2
واديتني كل البركات ما أنا عارف غلاوتي
2- (أنا عارف غلاوتي فيك مش زي البشر
لما أتعب أنا أجري عليك تحمي من الخطر)2
(وتقولي سلامي ليك سهرانة عيني عليك)2
وجوه الأتون أحميك أنا عارف غلاوتي
3- (أنا فاكر وازاي أنسى حنيّة إيديك
ساعة لما كنت في أزمة ما أنا غالي عليك)2
(شالت عني كل أحمالي وفي لحظة اتغير حالي)2
من يومها و ارتاح بالي أنا عارف غلاوتي

القرار- (أنا ليَّ إله عينه عليَّ وشايلني وماسك بإيديَّ)2
(وفي كل ظروفي حارساني)4 عناية ورعاية سماوية
أنا ليَّ إله عينه عليَّ

1- (أنا ليَّ إله بيعزيني طيب وحنين وسنيدي)2
حبيبي وصار ليَّ نصيبي يباركني بركة سماوية..أنا ليَّ إله عينه عليَّ
2-(أنا ليَّ إله بيطمّني بيريَّح ويطيِّب خاطري)2
قالي مافكَّرش في أمري وحمولك ارميها عليَّ..أنا ليَّ إله عينه عليَّ
3- (أنا ليَّ إلهي ومواعيده مش ممكن أبداً راح أسيبه)2
محفوظ في إيديه وجوه في عينه في الماضي و أيامي الجاية..أنا ليَّ إله عينه عليَّ

1-(أنا مطمن أنا مش هاخاف أنا محمول على الأكتاف)2
(وإن مرة عديت في تجارب هايرد المسلوب أضعاف)2
القرار –(أصل أنا غالي عليه محفوظ جوه عينيه)2
(متشال على أكتافه وحمايتي في أيديه)2
2-(ياما شملتني رعاية سماوية ياما حفظتي عناية إلهية)2
(وإن مرة مالت سفينتي يعدلها بأيده القوية)2
3-(عينه عليَّ وماسك أيدي وسط آلامي هو سنيدي)2
(وإن مرة عديت في آلام تلمسني أيده تداويني)2

1-أنت حتمًا شاعر بيَّ حتى سكوتي عارف معناه
وإن بدى دمعي شارد فيَّ بتنجيني وتشيل الآه
القرار- (لما أسجد لك يا ابن الله روحك يملا حياتي صلاة)2
تدي كلامي ويا سكوتي قوة تفيض في القلب حياة
2-(أنت حبيبي ولو نبذوني أنت القلب أنا ساكن فيك
أنت الأيد والعين يحموني جوه طريق أنا ساير فيه)2
3-(إدّي القلب يميز صوتك إدّي حياتي تعيش في رضاك
وأحيا بروحك جوه في عمقي وإبطِل فيَّ شموخ الذات)2

القرار- (أنت عارفني وعارف إني ماليش في الدنيا غيرك تاني
أنت كاشفني وكاشف قلبي قبل ما أقول كلمة على لساني)2
1- (أنا من يوم ما وعيت على الدنيا وأنت ما سيبتني أبدًا ثانية
والماضي وأيامي الجاية كلها تشهد ليك
وإن نسيت الأم رضيعها وحتى جفت مشاعرها
أنا مطمن علشان اسمي منقوش على كفيك)2
2-(ياللي بتشتبع بالخير عمري ياللي ضامني وضامن حلمي
وهاتفضل مهتم بأمري لحد ما شعري يشيب
يا ماليني بجودك وإحسانك ومطمن قلبي بكلامك
ومغطيني نهر سلامك ده سلامك ليَّ عجيب)2
3-(أجيال ورا أجيال مانستشي وأنت أمين مابتتغيرشي
وعدك صادق مابيرجعشي وحماية ليل ونهار
والشعب العطشان في الصحرا بترويه ميه من الصخرة
وتشبع جوعه من السلوى وسحابة وعمود نار)2

1-(زي ما موسى رفع الحية الحية النحاسية
يتشفي كل اللي يبصلها من لدغة الحية)2
(وإحنا كان محكوم علينا بالموت بالخطية)2
(أترفع وبجلده شفانا وسحق رأس الحية)2
القرار- (هللويا هللويا ليسوع المصلوب
أتصلب وبدمه فدانا وتمم المكتوب)2
(هللويا للمصلوب ده فدانا وتم المكتوب)2
(حررنا من الهاوية)2
2-(زي ما كان الفلك طريق لخلاص البشرية
كل اللي هايدخل ما هايهلك في المية)2
(وإحنا كان محكوم علينا نهلك بالخطية)2
(جه المسيح فلك النجاة حرر م العبودية)2
3-(زي ما كان الدم بيحمي من ضربة قوية
ويشوفه الملاك راح يعبر بأوامر سماوية)2
(وإحنا من غير دم يسوع في هلاك وفي عبودية)2
(دم يسوع بينجي ويشفي من سم الخطية)2

القرار- (اللي أنا باعبده حي اللي أنا باعبده يقدر
قال في وعوده أنا جاي ولا مرة بيتأخر)2
1- (قاللي أنا جاي قوام وآديك يا ابني سلام
وأشيل كل آلامك ده أنا إلهك حي)2
2-(قاللي في وسط أنينك في الحال يا ابني اجيلك
واكون يا ابني سنيدك أنا إلهك حي)2
3-(قاللي أنا عيني عليك ليل ونهار باراعيك
وفي جنبي باداريك دهأنا إلهك حي)2
4-(قاللي في نار ماتخافيش وفي جب ماترهبش
وع المية هاتمشي دهأنا إلهك حي)2

القرار- (شاعر بيَّ ودموع عينيَّ وأنا قبل ما أتكلم بيحس بيَّ)2

1- (ولو مالقيتش في يوم حواليَّ أي صديق
بيبقى معايا وعينه عليَّ طول الطريق)2
(يفضل معايا سندي وعزايا)2
أقرب من الأخ ليَّ وشاعر بيَّ
2- (إلهي عارفني وعارف عني كل تفاصيل حياتي
إلهي شايفني وعينه عليَّ أنام وهو صاحي)2
بالي مرتاح مطَّمِّن كل المستقبل راح يضمن
(يفضل معايا سندي وعزايا)2
أقرب من الأخ ليَّ وشاعر بيَّ
3-( من بطن أمي دعاني باسمي و شايلاني إيديه
ده هو أبويا وخلّي وصاحبي في حيرتي باجري عليه)2
غالي وحبيب على قلبه اسمي منقوش على كفه
(يفضل معايا سندي وعزايا)2
أقرب من الأخ ليَّ وشاعر بيَّ

1- (عيون سهرانة عيون حارسانا عيون ما بتهدى أبداً ما بتهدى ولا بتنام
عيون شايفانا عيون حافظانا عيون طالّة علينا طالّة طول الأيام)2

القرار- (ولا يوم بيتركنا ولا يوم بينسانا عصاه وعكازه دايماً بيرعانا
وإن تُهنا في طريقنا إيديه بتلقانا وبروحه يهدينا ده روحه جوانا)2

2-(إيدين شايلانا إيدين رافعانا إيدين طول السنين دايماً محاوطانا
إيدين حاملانا إيدين ساندانا إيدين وحضن دافي في التجربة عزانا)2

القرار- (كللت السنة بجودك
وأثارك تقطر دسماً
على شعبك عايش من جودك
ولا مرة تنساه أبداً)2

1- (طول السنين راعي أمين)2
لا بتنسانا لحظة ولا طرفة عين
2- (بكرة ده في إيديك و عَوزي عليك)2
والماضي والحاضر كله يشهد ليك
3- (سحابة وعمود نار في الليل والنهار)2
وعناية إلهية تحرس بإستمرار

القرار – (يا بوي على حبه ليَّ يا بوي على أفضاله)2
(حررني من العبودية ومكفيني سلامه)2
1- (يا بوي مالقيتش غيرك ساعة الألم والضيق
يا بوي ما سابتني أيدك وشالتي في الطريق)2
2-(يا بوي ولا يوم نسيتني لما سالت دموعي
يابوي أيدك لاقيتني وشفيتني من جروحي)2
3-(يا بوي يا أبو قلب طيب يا أبو قلب كله حنان
يا بوي أيدك تطيّب قلبي اللي كان تعبان)2