ايهاب رمزى (11 ترنيمة )

القرار - (للخير دايماً تعمل يا إلهي مديون دايماً أشكر يا إلهي)٢

١- (للخير اديتني وفيضت كمان ولما منعت لخيري ده كان )٢
٢- (أنا عايز جوه مشيئتك أعيش ماحزنش في يوم لو مادتنيش)٢
٣- (علمني أخضع أنا لإرادتك علمني أشكر على أوقاتك)٢
٤- (دربني يارب أسمع صوتك أطلب برك وملكوتك)٢

١- (أنا مش مخلوق للخوف ولا يوم هيأثر فيَّ
مش خاضع للظروف هي إللي بتخضع ليَّ)٢

القرار - (أنا حر طليق زي الطير طاير في السماويات
واللي مقوي جناحي يسوع وأنا هايم في البركات)٢

٢- (أنا مش مخلوق للضعف في يسوع أنا من الأبطال
ده انا جوه جيوشه بألف هو اللي وعدني وقال)٢

٣- (أنا مش مخلوق للذات ده الكل معايا متساوي
ده أنا فوق الجسديات أنا ليَّ هدف سماوي)٢

١- (زمن التعويضات أهو جاي متنحنيش يا نفسي
أوعى تخافي إلهك حي أوعى أحزانه تنسي)٢

القرار - (هايعوض عن السنين اللي أكلها الجراد
قومي يا نفسي وعلّي الصوت وقولي المجد عاد)٢
(قولي المجد عاد)٢

٢- (هايعوض الروح اليائسة برداء التسبيح
ويبدل كل الرماد بجمال المسيح )٢

٣- (وعد الرب يرد السبي ويرد المسلوب
ولا نرجع للسبي ما دام في قلوبنا المكتوب)٢

٤- (ما دام الرب أمر بالعز وساكن بين أغانينا
عرش القلب لا يوم يهتز ودهن الفرح مالينا)٢

القرار - (خلي بالك ياللي بتزرع لازم تحصد اللي زرعته
واللي بنيته ليك راح يرجع تشتري أنت اللي في يوم بعته)٢

١- (اللي قلته في يوم على غيرك بكره هايتقال برضه عليك
حتى الي رسمته في تفكيرك غيرك بكره هايرسمه ليك)٢

٢- (ياللي بتزرع حب وخير خير الرب هايملى حياتك
بكره هاتحصد أجر كبير والتعويض يغمر أوقاتك)٢

٣- (ياللي بنيت للعمر مخازن وقلت يا نفسي العمر طويل
مهما نهار الدنيا يطوَّل لازم بكره هايجي الليل)٢

٤- (لو جيت ليسوع الحنان يدي لقلبك أرض جديدة
تكبر في جذور الإيمان تحصدها في أبدية سعيدة)٢

القرار - (لما يعجز البشر إيد يسوع قديرة
دايماً يجي بنفسه ويلمس النفس المريرة)٢

١- (لما بيوعد يوفي هو يقول ويقدر
ولا في عنده مستحيل ولا شيء يحير)٢

٢- (لما الموج العالي يحاول يكسر السفينة
إيد يسوع تسند وترشد وتوصل للمينا)٢

٣- (لما تميل موازين العالم يحكموا ضدك يوم
ده يسوع ربك شايف عالم ينصف المظلوم)٢

القرار - (ياللي احترتوا في معنى الحب تعالوا نشوف الحب ده أيه
مش كل شعور ملك القلب على معنى الحب نسميه)٢

١- (اللي يحب لابد يضحي لابد يخاف ع اللي يحبه
ولو موجدش تملي الحب لابد كمان يزيد حبه)٢

٢- (الحب مهواش كلمة رخيصة ولا مشاعر حيرانة
الحب غالي وهدف سامي دايماً يكبر جوانا)٢

٣- (الحب الصادق نبعه سماوي حب يتمم قصد الله
حب تملي يعيش في النور حب يعلي ويدي حياة)٢

٤- (الله حب ومهما نحب حب يسوع ده ملهوش مثيل
حب اللي ما يستاهل حب وصليبه كان أقوى دليل)٢

١- كم مرة يأست أنا والأمر ضاق بيَّ
ويسوع رفعني لعلا ولا غير الحنية)٢

القرار - (ابعد يا خوف ده إلهي دفع التمن فيَّ
ولا عمره يوم ينساني دايماً عينه عليَّ)٢
(بيحميني يقويني)٢ ودايماً مادد إيديه ليَّ

٢- يا ما الشيطان قالي إني خلاص راح أضيع
لكن اللي مع يسوع مش ممكن راح يضيع)٢

٣- ياللي أنت ليك زمان عايش بعيد مشغول
عد ليسوع الحنان بالصوت العالي قول)٢

القرار- (أنت عارفني وعارف إني ماليش في الدنيا غيرك تاني
أنت كاشفني وكاشف قلبي قبل ما أقول كلمة على لساني)2
1- (أنا من يوم ما وعيت على الدنيا وأنت ما سيبتني أبدًا ثانية
والماضي وأيامي الجاية كلها تشهد ليك
وإن نسيت الأم رضيعها وحتى جفت مشاعرها
أنا مطمن علشان اسمي منقوش على كفيك)2
2-(ياللي بتشتبع بالخير عمري ياللي ضامني وضامن حلمي
وهاتفضل مهتم بأمري لحد ما شعري يشيب
يا ماليني بجودك وإحسانك ومطمن قلبي بكلامك
ومغطيني نهر سلامك ده سلامك ليَّ عجيب)2
3-(أجيال ورا أجيال مانستشي وأنت أمين مابتتغيرشي
وعدك صادق مابيرجعشي وحماية ليل ونهار
والشعب العطشان في الصحرا بترويه ميه من الصخرة
وتشبع جوعه من السلوى وسحابة وعمود نار)2

١- (نادم على كل ثانية من عمري عدت من غير يسوع
نادم على كل السنين اللي قدرت تطفي في حياتي كل الشموع)٢
(نادم على ماضي سجن قلبي وعينيَّ
نادم على كل اللي ضيعته بإيديَّ)٢
(نادم على كل لحظة عشتها وأنا في الخوف
نادم على كل مرة اتحكمت فيَّ الظروف)٢

٢- (راجع أنا وكل ثانية في العمر جاية ليك يا يسوع
راجع أنا ده انت اللي فيك وفي كلامك النور اللي نور ليَّ الشموع)٢
(راجع أنا والفرح مالي قلبي وعينيَّ
راجع أنا كل اللي ضاع عوضته ليَّ)٢
(راجع أنا سلام يسوع ملك على أوقاتي
راجع أنا سلمت ليك دفة حياتي)٢

١- (زمن افتقادك قرب يا أرض يا محجرة
واللي بعيد هايقرَّب ومجده عليكي يرى)٢

القرار - (وأسوار الشرور تنهار ودم يسوع يغطي الملايين
والليل يطلعله نهار هايشق ظلام الراجعين)٢

٢- (والرؤيا جوه قلوبنا قرب ليها الميعاد
وأمجادك تملى دروبنا وتزيد الأعياد)٢

٣- (وكل ركبة هاتسجد ليسوع ملك الملوك
وكل لسان راح يعلن قوة دمه المسفوك)٢