مدينة سعيدة (24 ترنيمة )

(هو وليس سواه .. يسوع ابن الله)2
(أحبني و مات من أجلي .. على الصليب وغفر ذنبي)2
هو وليس سواه

القرار- (انت لمين انت لمين .. يا ترى انت رايح فين؟)2

1- لو انت حقيقي للرب يسوع لازم تشهد له بين الجموع
وتمشى معاه لوقت لقاه لحظة ما هايخطَفنا لسماه
2- إن كنت بتتبع الشيطان كل حياتك في الأحزان
الخطية والعبودية في جهنم تقضي الأبدية
-3 اختر لك سكة من الطريقين وسيد واحد من الاثنين
يا هنا يا هناك يا هذا يا ذاك يا فرحة ونصرة يا موت وهلاك

1- يا للي مادد إيديك ليَّ يا للي بشوق مستني رجوعي
كل حنان قلبك عليَّ عايز تمسح لي دموعي

القرا- أنا راجع من كورة بعيدة أنا راجع وبتوبه أكيدة
متأكد بمحبة شديدة ها تقبلني يا حبيب يسوع

2- يا للي صوتك نادى عليَّ بيشجعني بكل حنان
بيقول هنسى كل خطية وأطرحها في بحر النسيان
3- عايز أبدأ صفحة جديدة عايز أمشي و إيدي في إيدك
دي حياتي ها تبقى سعيدة لما بقلبي راح أطيعك

1- (قلبي صغير لكن ساكن فيه يسوع
لما قبلته غفر لي ذنوبي ومسح لي الدموع)2

القرار- (قلبي صغير يوم ما تغير أصبح قلب جديد
واللي يشوفني راح يتحير ليه أنا قلبي سعيد)2

2- (قلبي صغير لكن جواه حاجة كبيرة
جواه محبة لربي إلهي وأخواتي كتيرة)2
3- (قلبي صغير وكلام ربي جواه راح أخبيه
علشان وصّى أشيله في قلبي وكمان أعمل بيه)2

1- ربي يسوع هو الكرمة واحنا كمان فيه الأغصان
يثبت فيه وهو فينا فيكبر ثمر الإيمان

القرار- (أصل الغصن في الشجرة يكبر ويجيب الثمرة
والكرمة بتدّي العنبة حلوة دي أقوي الأغصان)2

2- ده الغصن الأخضر تلقاه ثمره جميل على طول بيبان
والكرَّام بيجي ينقيه عشان يدي كمان وكمان
3- والغصن الناشف تلقاه مش ممكن هايجيب ثمار
والكرَّام بيقطعه يرميه ويحرقه في النار

1- (لو نسيتني ماما في يوم أو نعست راحت في النوم
أنافي سلام وسلامي يدوم دي عيون ربي سهرانة)2
القرار- (وعده أكيدأناعيني عليك ده أنت خروفي وأنا راعيك
وذراعي قوية بتحميك.. اهتفي نفسي فرحانة)2
2- (لو جه العطش والجوع ولمح هو في عيني دموع
يسرع ليَّ حبيبي يسوع يجعل نفسي راوينا )2

القرار- (كتابي جميل وأنا بفرح بيه
بحب كلامه وأشبع بيه2(
1- (كتابي بيعلن حب الله
وعطفه وصفحه عن الخطاه 2(
كتابي بيعلن شخص يسوع
إنه الفادي وليس سواه
2- (كتابي دايماً منه أتعلم
أفرح وأشكر مهما أتألم)2
لأن إلهي حافظني فلازم
أرضى بكل حياتي وأسلم
3- (كتابي بيعلن إنه قريب
هايجي فادينا ومش هايغيب)2
عشان يخطفنا معاه لسماه
وقلوبنا معاه هاتطيب

القرار- (حلقه حلاوة حلاوة كله مشتهيات
كل صفاته جميله أحلى أحلى صفات )2
اسمه غالي علينا عالي فوق السماوات
1- (اسمه حلو عجيب وبتفسيره جميل
إن الله معناه اسمه عمانوئيل)
2- (يلا بالتهليل نهدي له التسبيح
ونقول مجداً ليك يسوع المسيح )2

1- الرب وعدنا ووعده أمين لما قالنا خليكوا جاهزين
عشان هاجي بسرعه أخدكوا فاستعدوا يا مؤمنين
القرار- (حالاً حالاً قرب يجي وهايتحقق وعده لينا
حالاً حالاً على الساحة راح نتقابل وياه فادينا)2
2- والصوت بينادي في كل بيت يلا أملوه مصابيحكوا بزيت
واسهروا واستنوا جاي قوام ولا تندموا وتقولوا ياريت
3- وهناك العيشة تكون أفراح ومن أتعابنا راح نرتاح
لما ها نشوف وجهه فادينا ونشوف على طول أثر الجراح

القرار- (فوق فوقفوق بحب وشوق راح نتقابل وياه يسوع
على السحاب وبالترحاب معاه هايخدنا لبيت الأب)2
1- والمؤمنين متهنيين مع الفادي يسوع الأمين
وبالإكليل متوجين وبالقيثارات مُرنمين
2- بمجد ثمين للمفديين ما جه على بال ولا شافته العين
سرور وياه هناك في سماه وفرح الي دهر التاهرين

القرار- هناك وياه
هناك وياه .. هناك وياه
هافرح بيه وأسعد بيه لما ألقاه
ولما أشوف أمجاده هناك
هاهتف ليه مجداً ليك يا ابن الله
1- دي لحظة سعيدة.. حقيقي مجيدة
باستناها بقالي زمان
لما هاسيب أرض الغربة
وأسكن في أحلى الأوطان
2- والغالي عليَّ.. هاتشوفه عينيَّ
شخص الفادي حبيبي يسوع
ولما هاشوفه بسرعة راح أنسى
كل متاعب هنا ودموع
3- دي منية عيني.. وفرحة قلبي
راح تتحقق عما قريب
لأن حبيبي وعدني وقال لي
جاي بسرعة مش راح أغيب

القرار- يوم ورا يوم ورا يوم ورا يوم
فاتت والباقي لحظات
والغربة هنا مش ها تدوم ونشوف اللي عشانا مات
1- وكل لحظة بتعدي تقرب الفرح الأبدي
والشكر ليك على طول نُهدي والحمد في السماء
2- وكل يوم في الانتظار وسهرانين ليل ويا نهار
تيجي تاخدنا بانتصار تحقق الرجاء
3- وقلبك المشتاق لينا عايز يحقق أمانينا
وعدت جاي تاني لينا تعالَ ربنا
4- وكل يوم بنقول أمين تعالَ ربنا الآمين
يا رب إحنا مشتاقين للحظة اللقاء

القرار- (أشكر ربى وها أشكر وأشكرفضله كتير ومالهوش مثيل
مهما إن أشكر مش راح أوفي ولاها يكفي شكر جزيل )2
1-أشكر دمه بيه طهرني نلت بموته خلاص وسلام
وأشكر خيره ده بيغمرني كل حياتي طول الأيام
2-أشكر حبه اللي بيحصرني ده بيحملني على الأكتاف
دايماً صوته بيشجعني إنه معايا مش راح أخاف
3-أشكر وعده اللي يطمني إنه ها يجي بسرعة أكيد
لما يخدني لمجده وأشوفه ها أفضل أرنم وأبقى سعيد

القرار- أنا راح أسافر حتة بعيدة مدينة سعيدة ما فيها دموع
ها أفرح بيها وأسكن فيها مدينة مليكها الرب يسوع
1-لو تسأل هاتسافر فين أنت هاتوصل أي ميعاد
هي مجرد طرفة عين وألقى نفسي في الأمجاد
2-لو تسأل إيه المدفوع إيه التذكرة والسعر بكام
تعرف إن دفعها يسوع تمنها صليب وعذاب وآلام
3-لو تسأل إيه المطلوب علشان أضمن ليَّ مكان
آمن بالرب المصلوب تضمن حالاً عنده مكان

أ ب أ ب يلا نقولها لحد أل ي
(لما نرص حروفنا صحيح تتكون كلمات تسبيح)2
للرب يسوع المسيح
أ ب ت ث ج ح كل إثمي ده أتمحى
خ د ذ ر ز س أوعوا في يوم تبقوا ناسيين
ش ص ض ط ظ ع هو حافظنا في نني العين
غ ف ق ك ل م ده بيغمرنا بحب عظيم
ن هـ و ييلا نعيد من أ ب

القرار- (اسأل تعطى أطلب تلقى ربك يفتح لك أبواب
مهما تكون عظمت الطلبة عنده ليها تلاقي جواب)2
1-(إذا كان بابا هنا ع الأرض مهما سألنا بيدي الرد)2
قد إيه الآب في السماء يدي بعظمة مالهاش حد
2-(ربي وعده لينا أمين أصله محبة وحبة ثمين)2
أبسط طلبة بيها يهتم وقت الحاجة لينا معين

(لكن الله بيَّن محبته محبته محبته لنا
لأنه ونحن بعد خطاه
مات المسيح لأجلنا)4

القرار- (حبك ربي بيحيَّرني .. إزاي ترضى بموتك عني؟)2

1-(إزاي انت يا ملك الكون يا اللي بتؤمر كن فيكون
تيجي وتاخد صورة عبد وتقول كله في حبي يهون!)2
2-(إزاي أنت إلهي البار ترضى الموت بصليب العار
تحمل عاري وكل آثامي تتحمل جُرم الأشرار!)2
3-(إزاي انت بسفك دماك قُلت خلاص أكملت فداك
ما في شيء من ذنب عليَّ نجيت نفسي من الهلاك!)2

1-(أول آية و أصغر آية قالتها لي ماما
أحلى آية وأجمل آية علّمها لي بابا)2

القرار- (الله محبة .. الله محبة .. الله محبة)2
2-أكبر معنى وأروع معنى علّمهولي كتابي
أول آية جميلة وحلوة راح أقولها لصحابي

في يوم من الأيام في بستان جثسيمان
كان فيه صلاة بدموع رفعها ربي يسوع
بيطلب فيها العون مع إنه خالق الكون
كان من هول الصليب بإرادته
سلم نفسه للي جم يطلبوه
بقساوة قلب وغيرة لطموه
أهانوه وللصليب قادوه
ومنظر الصليب يدوب القلوب
لما مات الحبيب حامل كل الذنوب
وتاجه فوق جبينه إكليل من الأشواك
ودمه يجري يغسل خطاياي
كي ننجو من الهلاك
دي قصة الفداء رواها بدماه
ليمنح الرجاء لكل قلب تاه
لما بصوته نادى أغفر يا أبتاه
وإليَّ أقبل تعال تفوز بالنجاة

القرار- (هو هو و مافِيش غيره حد تاني نخلَص بيه
هو وحده بدم صليبه لما نجيله ونؤمن بيه)2

1- (هو السكة اللي توصلّنا هو الباب اللي يدخلّنا)2
هو الفادي اللي مات عنا هو وحده يسوع
2- (ده مافِيش اسم بين الناس نقدر بيه ننال الخلاص)2
و خلاصه لكل الأجناس إلا اسم يسوع

القرار- تعالى قوام وخُد غفران خلاص الفادي بالمجان
بالوعد أكيد وقلب سعيد بنصرة وغلبة على الشيطان

1-تعالى أتحرر ما انت أسير وعدوك مكار وخطير
والنصرة م الرب تصير يدّيك قوة وغلبة كمان
2-تعالى بسرعة تنال أفراح حضن الفادي فيه ترتاح
و العيشة معاه في نجاح بسلامة وفي اطمئنان
3-تعالى قوام لا الفرصة تضيع وأسمع صوته كن له مطيع
ده مجيئه قريب وسريع لا تضيع فرصة الغفران

1-ياللي في نفسك يوم تتحرر من العبودية ومن إبليس
ياللي عرفت وخفت لأن مصير الشر حقيقي تعيس
القرار- تعال بسرعة أتعرف بيه وألقي بحملك كله عليه
يغير حالك يرتاح بالك تبقى حياتك كلها ليه
2-ياللي في سجن صنعته بإيدك نفسك تبقى حر طليق
ياللي عاداتك أصل شرور ياللي بتسأل أنهي طريق

1- (مهما يكون الذنب كبير أو قلبك أسود شرير
ولإبليس أصبحت أسير محتاج قوة للتحرير)2

القرار- (دمه يطهر من كل خطية .. ويحرر إلى التمام
وخلاص كامل م العبودية .. يملأ قلبك بالسلام)2

2- (ده الكلام واضح مكتوب آمن بالرب المصلوب
سيب طريق الشر وتوب يغفرلك كل الذنوب)2