هانت يا غربة (7 ترنيمة )

القرار – (باهديلك المجد يا ربي و بتسبيحك هاملا الكون
باعلن فرْحي وباعلن حبي وباقولّك أنا ليك مديون)2

1- (باهتف من جوايا وأرنم وأعلن حقك حق أكيد
وبكل الحب أنا هاتكلم راحة قلبي معاك هاتزيد)2
2-(هارفع راية حبك عالية فوق جبالي و مرتفعاتي
عندك ربي نفسي غالية رغم ضعفي وجهل حياتي)2
3-(هاسمع صوتك واعلن اسمك فوق أراضي عنك بعيدة
عايزك تيجي بكل مجدك تيجي تنور أرض جديدة)2

القرار – (ربي بيرعاني أنا مش وحداني ولا ألف قوة تهددني
دايماً معايا سندي وعزايا و ألاقيه بإيده بيسندني)3

1- نساني حزني اللي كان فيَّ زمان (خلّاني أعيش إنسان)2
وأت متع بالغفران ولا فيه في يوم أحزان .. وبيرعاني وبيرعاني
2- عوضني عن اللي ضاع وأنا في الضياع (نساني حزن الخداع)2
وغمرني بالأفراح والحزن ولَّى وراح .. وبيرعاني وبيرعاني
3- إلهي ماسك إيديَّ عينه عليَّ (ودايماً مهتم بيَّ)2
ولا في مكان لهموم ولا حزن يوم هايدوم .. وبيرعاني وبيرعاني

1-(أنت قلبك حنين ويساع كل البشر
رغم كل الشرور تبكي لو ننكسر)2
(تعطي للأعمى نور وترجع له البصر
وتعوض له سنين ضاعت من غير ثمر)2
2-(أنت قلبك حنين وفايض بالسلام
مهما نبعد نلاقي أيديك وقت الآلام)2
(تعطي للباكي فرحة عينيه ترتاح تنام
ويسلم لك حياته تدفعها للأمام)2
3-(أنت قلبك حنين ما بتنساش القطيع
مهما بيقسّي قلبه ما بتسمح يوم يضيع)2
(تعطي للخاطي فرصة يرجع لك من جديد
ويارب بلمسة منك يلين قلبه الحديد)2
4-(أنت قلبك حنين يا إلهي مالوش مثيل
تبكي لو مرة نبعد أو فرع صغير يميل)2
(تعطي للضعف قوة عظام تصير جنود
بالروح يسحق عقارب مُلكك عليه يسود)2
5-(أنت قلبك حنين مليان رِقة وحنان
تعلن ربي بجلالك لذة في بني الإنسان)2
(تعطي الجافي حلاوة جاهل بيقود حكيم
سلطان يسحق عقارب قدرة في إله عظيم)2

القرار – (قوموا نحيي يسوع الملك ونصقف بأيدينا
ده مفرح قلوبنا ودايماً مسيج حوالينا)2
1-(صاحب الأيد القديرة مهما كانت الريح عسيرة)2
هايهدي الموج العالي ويرسّي السفينة
2-(ايه يعني ألم وضيق هايقابلونا في الطريق)2
ده هو أعظم صديق وعينه علينا
3- (هو عزي وهو خيري هو في الدينا نصيبي)2
ومادام هو معانا محدش علينا
4-(صاحب العين السهرانة لا بيتركنا ولا بينسانا)2
ولا عمره يتخلّى عنا ودايما يرعانا

1-(أنا كنت عبد مالوش تمن ولا ليَّ قيمة
جاني يسوع وأنقذ لي نفسي الأثيمة)2
القرار – (خلّاني فرحت مع إخواتي خلّاني أشهد وأنادي
غير لي بدل لي حياتي بحياة جديدة جديدة)2
2-(أنا كنت عايش في الغربة ماليش صديق
حن عليَّ ورعاني طول الطريق)2
3- (أنا كنت ميت بذنوبي ماليش رجاء
حن عليَّ وعرفني طعم الحياة)2

مين يقدر يقول مغفورة الخطايا؟
مين يقدر يقول اليوم هاتكون معايا؟
وحدك يا يسوع تقدر يا يسوع
وحدك يا يسوع تقدر على كل شيء

(يارب يا قدوس يا موزع الأرزاق
وساتر الفقير ومجدد له الرجاء)2
رافع رؤوس محنية ومحامي للمظلوم
(انت السند والملجأ والعون من السما)2